1 John 3:23 - Nǫ̀htsı̨ Nı̨htł'è

²³ Dıı nàowo goghàı̨ɂǫ hǫt'e: Weza Zezì-Krı gogha ehkw'ı adı ha hǫt'e, eyıts'ǫ ełeghǫnets'eètǫ ha hǫt'e.

1 John 3:23 ပူးပေါင်းရင်းမြစ်များ

Matthew 22:39

Nàowo wek'èè wheɂǫǫ sìı dıı hanì dek'eèhtł'è: ‘Edeghǫnıahtǫ k'ę̀ę̀ naxèot'ı̨ gıghǫnıahtǫ ha hǫt'e.’

Mark 9:7

Hǫtsaa k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza hǫt'e, weghǫneehtǫ; weàhkw'ǫ!” hats'edıì hǫt'e.

John 1:12

Hanìkò dǫ hazǫǫ̀ ehkw'ı adı gı̨ı̨hwhǫ xè wexè aget'ı̨ ha gı̨ı̨wǫǫ sìı Nǫ̀htsı̨ weza gı̨ı̨lı̨ k'ę̀ę̀ gııtà agǫ̀ǫ̀là.

John 13:34

“Dıı nàowo gòò naxıghàehɂà: Ełeghǫnıahtǫ. Naxıghǫneehtǫ lanıı ełeghǫnıahtǫ.

John 14:1

Zezì edecheekeè gots'ǫ̀ hadı, “Naxıdzeè t'à naxıgha dìì welè sǫ̀ǫ̀. Nǫ̀htsı̨ ghǫ naxınì nàtsoò aahłe, eyıts'ǫ sı̨ sı seghǫ naxınì nàtsoò aahłe.

John 15:12

Dıı nàowo naxıghàehɂǫ hǫt'e: Naxıghǫneehtǫ lanì ełeghǫnıahtǫ.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 2:23

Zezì, dzędeè Passover gha kǫ̀ta Jerusalem wheda ekò, dǫ łǫ Zezì enıìyah łǫ eghàlaı̨dà gıaɂı̨, eyıt'à ehkw'ı adı gı̨ı̨wǫǫ̀ agejà.

John 3:18

Amìı ehkw'ı adı yı̨ı̨hwhǫǫ sìı hoìla awedle ha-le, hanìkò amìı ehkw'ı adı yı̨ı̨hwhǫ-le sìı hòt'a wesınìyaetı hǫt'e, Nǫ̀htsı̨ Weza ı̨łàet'ee sìı wegha ehkw'ı-ahodı-le t'à.

John 6:29

Zezì hadı, “Nǫ̀htsı̨ sìı dıı hanì eghàlaahda ha naxı̨ı̨hwhǫ: dǫ naxıts'ǫ̀ yı̨ı̨hɂàa sìı ehkw'ı adı weahwhǫ ha,” gòhdı.

Zezì Wecheekeèdeè 16:31

Gıts'ǫ̀ hadı, “Zezì gots'ǫ̀ K'àowo ehkw'ı adı neewǫ nı̨dè edaxàneetè ha, eyıts'ǫ nèot'ı̨ nexè nàgedèe sı edaxàgeedè ha,” gıìhdı.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

1 Thessalonıca 4:9

Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.

1 Tımothy 1:15

Dıı yatı sìı hotıì ehkw'ı hǫt'e, dǫ hotıì edegha gìhchı ha hǫt'e: Zezì-Krı hołı̨ı̨-hogehtsı̨ı̨-dǫǫ̀ edaxàgole ha, dıı nèk'e ts'ǫ̀ ajà. Sı̨ sìı gıta gots'ǫ denahk'e hołı̨ı̨-hohtsı̨ı̨-dǫǫ̀ aht'e ı̨lè.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 4:8

T'asìı hazǫǫ̀ nahk'e ełeghǫnıahtǫ. Ełeghǫnets'eètǫ nı̨dè hołı̨ı̨ łǫ whìle ats'ehɂį̀.

1 John 2:7

Seàgı̨ą, nàowo gòò ghǫ naxıts'ǫ̀ eehtł'è aht'ı̨ nıìle, hanìkò whaà gots'ǫ nàowo wheɂǫ hǫt'e, kèhoį̀wo gots'ǫ weghǫ aàhkw'o ı̨lè. Eyı nàowo whaà gots'ǫ wheɂǫǫ sìı wegodıì aàhkw'o hǫt'e.

1 John 3:11

Kèhots'ı̨į̀hwho gots'ǫ dıı yatı weàhkw'ǫ ı̨lè: Ełeghǫnets'eètǫ ha hǫt'e.

1 John 4:15

Amìı, Zezì Nǫ̀htsı̨ Weza hǫt'e wegha ehkw'ı-ahodıı sìı, Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 4:21

Nǫ̀htsı̨ dıı nàowo goghàı̨ɂǫ: Amìı Nǫ̀htsı̨ ghǫneètǫǫ sìı edèot'ı̨ sı goghǫneètǫ ha hǫt'e.

1 John 5:13

Naxı̨, Nǫ̀htsı̨ Weza naxıgha ehkw'ı adıı sìı welǫ whìle ts'ǫ̀ aahda ha hotıì wek'èahsǫ ha dehwhǫ t'à naxıts'ǫ̀ eehtł'è aht'ı̨.