1 John 3:19 - Nǫ̀htsı̨ Nı̨htł'è

^19-20 Hats'ı̨ı̨t'e nı̨dè nàowo ehkw'ıı wets'ǫ ats'ı̨ı̨t'e wek'èts'eezǫ ha. Godzeè t'à edesınìyats'ehtı nı̨dè Nǫ̀htsı̨ ts'ǫ̀ ats'ııde, hanì-ı̨dè wenadąą̀ godzeè xè ts'èwhı̨į̀ hòɂǫ ha. Nǫ̀htsı̨ sìı godzeè nahk'e elı̨ hǫt'e eyıts'ǫ t'asìı hazǫǫ̀ k'èezǫ hǫt'e.

1 John 3:19 ပူးပေါင်းရင်းမြစ်များ

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

Rome 4:21

Nǫ̀htsı̨ dànì yatı whehtsı̨ı̨ sìı yek'ę̀ę̀ eghàlaeda ha wegha dìì-le, hotıì yek'èezǫ hǫt'e.

Rome 8:38

Nǫ̀htsı̨ goghǫneètǫǫ sìı t'asìı wı̨ı̨zìı yech'à ı̨łak'aà agole ha nıìle, hotıì wek'èts'eezǫ. Ełaàts'edee, ts'eedaa, ehk'ę̀ę̀ ı̨łaà goghǫneètǫ ha hǫt'e. Yak'eet'ı̨į̀ hanì-le-ı̨dè ı̨nìłı̨ı̨ yets'ǫǫ̀ agole ha nıìle. Dıì dànì k'ehokw'oo, ı̨daà dàgode ha sìı t'à wets'ǫǫ̀ agole ha nıìle, eyıts'ǫ Nǫ̀htsı̨ dànì goghǫneètǫǫ sìı ch'à ı̨łak'aà agogele ha nıìle.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

Hebrew 10:22

hotıì gogha ehkw'ı-ahodı eyıts'ǫ godzeè ehkw'ıı xè Nǫ̀htsı̨ ts'ǫ̀ ats'ııde. Wedoò godzeè k'e adlà t'à k'achı̨ hołı̨ı̨ edek'e nìdahots'eeɂà ha-le, eyıts'ǫ yak'e gots'ǫ tı t'à gok'enaatso hǫt'e.

Hebrew 11:13

Eyı dǫ ełaàgı̨ı̨dè ekò ı̨łaà gıgha ehkw'ı-ahodı k'ę̀ę̀ geeda ı̨lè. Nǫ̀htsı̨ edeyatıì goghàı̨ɂǫǫ sìı ı̨łaà wek'ę̀ę̀ t'asìı gıghǫ̀zha nıìle, hanìkò ı̨daà nıwà gıaɂı̨ lanì t'à eyı ghǫ gınà ı̨lè. Xàhtǫ lanì whaà-lea gots'ǫ̀ dıı nèk'e nàts'edè, hagedı ı̨lè.

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:21

Nàowo ehkw'ıı k'èhoahsǫ-le t'à naxıts'ǫ̀ eehtł'è nıìle, hanìkò nàowo ehkw'ıı wek'èahsǫ t'à naxıts'ǫ̀ eehtł'è hǫt'e, eyıts'ǫ hots'ets'ìı sìı nàowo ehkw'ıı gots'ǫ nıìle.

1 John 3:14

Gòet'ı̨ gıghǫnets'eètǫ ts'ıhɂǫ̀ ełaàts'ı̨ı̨dè gots'ǫ nats'ìdà lats'ejà wek'èts'eezǫ hǫt'e. Amìı edèot'ı̨ ghǫneètǫ-le sìı ı̨łaà ełaı̨wo hǫt'e.

1 John 3:21

Seàgı̨ą, godzeè t'à edesınìyats'ehtı-le nı̨dè Nǫ̀htsı̨ wenadąą̀ goınì nàtso ha