1 John 3:14 - Nǫ̀htsı̨ Nı̨htł'è

¹⁴ Gòet'ı̨ gıghǫnets'eètǫ ts'ıhɂǫ̀ ełaàts'ı̨ı̨dè gots'ǫ nats'ìdà lats'ejà wek'èts'eezǫ hǫt'e. Amìı edèot'ı̨ ghǫneètǫ-le sìı ı̨łaà ełaı̨wo hǫt'e.

1 John 3:14 ပူးပေါင်းရင်းမြစ်များ

Matthew 25:40

“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Luke 15:24

Seza sìı ełaı̨wo ı̨lè, hanìkò dıì eda. Dıkǫehtła ı̨lè, hanìkò dıì wenagòt'ǫ,’ gòhdı. Eyıt'à wegha nàsı̨ hogèhtsı̨.

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

John 15:12

Dıı nàowo naxıghàehɂǫ hǫt'e: Naxıghǫneehtǫ lanì ełeghǫnıahtǫ.

John 15:17

Dıı nàowo naxıghàehɂǫ hǫt'e: Ełeghǫnıahtǫ.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

2 Corınth 5:1

Dıı nèk'e ts'eedaa sìı whaà-lea gots'ǫ̀ nı̨hbàa yìı nàts'edè lanì hǫt'e. Eyı nı̨hbàa wedıhołè nı̨dè yak'e welǫ whìle ts'ǫ̀ gogha kǫ̀ gòɂǫ hǫt'e. Eyı sìı dǫlà t'à hòèlı̨ nıìle, Nǫ̀htsı̨ godawheɂǫǫ̀ ayį̀į̀là wek'èts'eezǫ hǫt'e.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Ephesus 1:15

Eyıt'à gots'ǫ̀ K'àowo Zezì naxıgha ehkw'ı-ahodıı eyıts'ǫ wets'ǫ dǫ hazǫǫ̀ gıghǫnıahtǫ weghǫ eèhkw'ǫ gots'ǫ,

Ephesus 2:1

Naxı̨ sìı naxıhołı̨į̀ ts'ıhɂǫ̀ dǫ ełaı̨dèe laaht'e ı̨lè.

Ephesus 2:5

Zezì-Krı wexè nats'ìdà agǫ̀ǫ̀là. Hołı̨ı̨ hots'èhtsı̨ t'à dǫ ełaı̨dèe lats'ı̨ı̨t'e ı̨lè kò ts'eedaà agǫ̀ǫ̀là. Eyıt'à Nǫ̀htsı̨ gots'ǫ̀ sǫnıwǫ ts'ıhɂǫ̀ edaxàts'ı̨ı̨de hǫt'e.

Colosse 1:4

Zezì-Krı naxıgha ehkw'ı adı eyıts'ǫ Nǫ̀htsı̨ wets'ǫ dǫ hazǫǫ̀ sıì gıghǫnıahtǫ ghǫ ts'ıìkw'o t'à.

1 Thessalonıca 4:9

Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.

Hebrew 13:1

Xàè ełèot'ı̨ lanì t'aats'ǫǫ̀ ełeghǫnıahtǫ.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 3:8

Nǫǫde t'à naxıts'ǫ̀ dıı haehsı̨ ha dehwhǫ: ts'èwhı̨į̀ ełexè aahdaa; ełets'ǫ̀ naxıdzeè nezı̨ı̨ aaht'ı̨ı̨, ełèot'ı̨ lanì ełeghǫnıahtǫǫ, etełeahɂı̨ı̨ eyıts'ǫ xàhoahdì-le k'ę̀ę̀ ełets'ǫ̀ naahɂa.

2 Peter 1:7

Nǫ̀htsı̨ wınì k'ę̀ę̀ aahdaa sìı wexè naxèot'ı̨ gıts'ǫ̀ naxıdzeè nezı̨ aaht'ı̨, eyıts'ǫ naxèot'ı̨ gıts'ǫ̀ naxıdzeè nezı̨ wexè ełeghǫnıahtǫ.

1 John 2:3

Wenàowoò k'èats'ı̨ı̨t'e nı̨dè Nǫ̀htsı̨ wek'èts'eezǫǫ̀ ats'ejà hǫt'e.

1 John 3:23

Dıı nàowo goghàı̨ɂǫ hǫt'e: Weza Zezì-Krı gogha ehkw'ı adı ha hǫt'e, eyıts'ǫ ełeghǫnets'eètǫ ha hǫt'e.

1 John 4:12

Dǫ wı̨ı̨zìı Nǫ̀htsı̨ aɂı̨ whìle, hanìkò ełeghǫnets'eètǫ nı̨dè Nǫ̀htsı̨ godzeè yìı nàdè hǫt'e eyıts'ǫ dànì goghǫneètǫǫ sìı deghàà gok'e wègaat'ı̨ hǫt'e.

1 John 5:13

Naxı̨, Nǫ̀htsı̨ Weza naxıgha ehkw'ı adıı sìı welǫ whìle ts'ǫ̀ aahda ha hotıì wek'èahsǫ ha dehwhǫ t'à naxıts'ǫ̀ eehtł'è aht'ı̨.

1 John 5:2

Dıı hanì Nǫ̀htsı̨ weza gıghǫnets'eètǫǫ sìı wek'èts'eezǫ hǫt'e: Nǫ̀htsı̨ weghǫnets'eètǫ xè wenàowoò k'èats'ı̨ı̨t'e.