1 John 3:12 - Nǫ̀htsı̨ Nı̨htł'è

¹² Caın wexèaht'e-le, ededı̨ sìı wehłı̨ı̨ wets'ǫ dǫ hǫt'e, eyıts'ǫ edechı ełaı̨hwho ı̨lè. Dànìghǫ ayį̀į̀là? Ededı̨ wenàowoò jıı t'à ełaàyį̀ı̨hwho, hanìkò wechı wenàowoò ehkw'ı hǫt'e.

1 John 3:12 ပူးပေါင်းရင်းမြစ်များ

Dànì Kèhoį̀wo 4:25

Adam k'achı̨ edets'èkeè t'àı̨tè t'à wets'èkeè Eve k'achı̨ dǫzhìa nìı̨htı̨, Set wìyeh ayį̀į̀là. Eve hadı, “Caın, Abel ełaı̨hwho t'à wetł'axǫǫ̀ Nǫ̀htsı̨ k'achı̨ chekoa saı̨htı̨,” hadı.

Matthew 13:19

Eyı dǫ Nǫ̀htsı̨ Wenàowoò godıì yıìkw'o kò yenıedì-le sìı eyı godı wedzeè yìı ajà ı̨lèe sìı ekòet'ıì wehłı̨ı̨ yeghǫnıyıìchì. Eyı sìı wet'à t'asìı dehshee tı̨lı k'e nàı̨tł'ı lanì hǫt'e.

Matthew 13:38

Eyı dèè sìı dıı nèk'e dǫ hazǫǫ̀ agı̨ı̨t'e, eyıts'ǫ wet'à t'asìı nezı̨ı̨ dehshee sìı dǫ Nǫ̀htsı̨ Wenàowoò gı̨ı̨wǫ agı̨ı̨t'e. Tł'oh nezı̨-le dehshee sìı dǫ wehłı̨ı̨ nàowoò gı̨ı̨wǫ agı̨ı̨t'e.

Matthew 23:35

Eyıt'à dıı nèk'e dǫ hazǫǫ̀ ehkw'ı geedaa ełaàgogį̀ı̨hdèe sìı eyı hazǫǫ̀ gha naxısınìyaetı ha hǫt'e. Abè ełaàwìgwo gots'ǫ, nakwenàoɂǫǫ Berekıah weza Zecharıah ełaàwìgwo haı̨wa gots'ǫ̀, dǫ nezı̨ı̨ hazǫǫ̀ ełaàgogį̀ı̨hdè ı̨lèe sìı k'èxa naxısınìyaetı ha hǫt'e. (Zecharıah Nǫ̀htsı̨kǫ̀-gocho eyıts'ǫ kwe-ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı wege ełaàwèahwho ı̨lè.)

Matthew 27:23

K'àowo Pılate dagoehke, “Ayìı gha? Ayìı hoìla hòèhtsı̨ k'èxa?” gòhdı. Hanìkò k'èdaà hòtł'ò yagìzeh, hagedı, “Dechı̨et'aa k'e wedı̨į̀htsò!” gıìhdı.

Matthew 5:37

‘Hęɂę,’ dahdı nı̨dè wek'ę̀ę̀ eghàlaahda, eyıts'ǫ ‘į̀le,’ dahdı nı̨dè wek'ę̀ę̀ eghàlaahda; eyı weɂǫ̀ǫ̀ yatı nàtsoo t'à xàyaahtıı sìı wehłı̨ı̨ weyatıì hǫt'e.

Luke 11:51

Abè ełaàwìgwo gots'ǫ, nakwenàoɂǫǫ Zecharıah ełaàwìgwo haı̨wa gots'ǫ̀, gık'e nìdahoet'à ha. (Zecharıah Nǫ̀htsı̨kǫ̀-gocho eyıts'ǫ kwe-ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı wege ełaàgį̀ı̨hwho ı̨lè.) Hęɂę, ehkw'ı anaxèehsı̨, nakwenàoɂǫǫ hazǫǫ̀ ełaàgogį̀ı̨hdèe sìı dıı dǫ gık'e nìdahoet'à ha.

John 10:32

Hanìkò Zezì gots'ǫ̀ hadı, “Setà wedahxà enıìyah deè łǫ naxıdaà eghàlaıhdà hǫt'e, enıìyah dàhòt'ı̨ı̨ k'èxa kwe t'à ełaàsèahwhı ha dahwhǫ?” gòhdı.

John 8:40

Hanìkò Nǫ̀htsı̨ dàsèhdıı sìı eyı naxıts'ǫ̀ ehkw'ı xàyaehtı t'à ełaàsèahwhı ha dahwhǫ. Abraham hanì eghàlaı̨dà whìle.

John 8:41

Naxı̨ naxıtà dànì eghàlaedaa sìı wek'ę̀ę̀ eghàlaahda hǫt'e,” Zezì gòhdı. “Tsı̨hkǫ gǫǫza ats'ı̨ı̨t'e nıìle. Nǫ̀htsı̨ ededı̨ zǫ gotà hǫt'e ne,” gıìhdı.

Zezì Wecheekeèdeè 7:52

Naxıcho nakwenàoɂǫǫ hazǫǫ̀ dagogį̀ı̨hɂa ı̨lè hǫt'e. Nakwenàoɂǫǫ, ‘Dǫ Ehkw'ı Edaa’ nıìtła ha, gedıı sìı ełaàgogį̀ı̨hdè ı̨lè. Ekò dıì sìı naxı̨ dèe-ts'ǫ̀-k'àowo tł'aàwèahtı̨ xè ełaàwèahwho hǫt'e.

1 Thessalonıca 2:14

Sèot'ı̨ı̨, Judea nèk'e Nǫ̀htsı̨ wecheekeè Zezì-Krı gıgha ehkw'ı-ahodıı sìı gıxè dàgòjàa sìı naxı̨ sı naxıxè hagòjà. Ededı̨ dànì xàè gìot'ı̨ Israel got'ı̨į̀ dagogį̀ı̨hɂa lanì naxı̨ sı xàè naxèot'ı̨ danaxegį̀ı̨hɂa hǫt'e.

Hebrew 11:4

Abè wegha ehkw'ı-ahodı t'à Caın Nǫ̀htsı̨ ghà-t'asìı-nı̨ı̨dìı nahk'e Abè yets'ǫ̀ t'asìı k'eehk'ǫ̀ǫ sìı wegha nezı̨. Abè wegha ehkw'ı-ahodı t'à Nǫ̀htsı̨ yeghǫ dıı hadı, “Abè ehkw'ı-edaa-dǫǫ̀ elı̨, sets'ǫ̀ ayìı k'eehk'ǫ̀ǫ sìı segha nezı̨,” hadı. Eyıts'ǫ Abè wegha ehkw'ı-ahodı t'à ełaı̨wo kò ayìı dàyį̀į̀làa sìı t'à ı̨łaà gots'ǫ̀ gode hǫt'e.

Hebrew 12:24

Zezì wets'ǫ̀ nìahde hǫt'e, ededı̨ gogha tanı wheda elı̨ t'à nakenahòdlı̨ı̨ wegòò k'ę̀ę̀ Nǫ̀htsı̨ ts'ǫ̀ nègǫǫla hǫt'e. Eyıts'ǫ Zezì wedoò Nǫ̀htsı̨ ladà k'e adlàa sìı ts'ǫ̀ nìahde hǫt'e, eyı sìı Abè wedoò nahk'e gots'ǫ̀ sìghà xàyaetı hǫt'e.

1 Peter 4:4

Gıxè hołı̨ı̨ nàowoò hazǫǫ̀ k'alaahdè ha dahwhǫ-le sìı gınıedì-le, eyıt'à yatıjıı t'à naxık'adageedè.

1 John 3:8

Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.

Jude 1:11

Gıxè hoìla nechà ha! Adǫ̀ weza Caın wenàowołı̨ı̨ k'ę̀ę̀ geède hǫt'e. Įnę̀ę gots'ǫ Balaam ekǫ-le hòèhtsı̨ lanì sǫǫ̀mba gha nàhogehdè, eyıts'ǫ Korah Nǫ̀htsı̨ k'èch'a hòèhtsı̨ lanì gıdıhołè ha hǫt'e.

John Wenazhıı 17:6

Eyı ts'èko sìı Nǫ̀htsı̨ wets'ǫ dǫ godoò edǫ t'à yeèhde wègaat'ı̨. Nǫ̀htsı̨ wets'ǫ dǫ Zezì gıgha ehkw'ı adı t'à dagı̨ı̨ɂa hǫt'e. Eyı ts'èko weehɂı̨ ekò sıì segha enıìyah dìì.