1 John 3:11 - Nǫ̀htsı̨ Nı̨htł'è

¹¹ Kèhots'ı̨į̀hwho gots'ǫ dıı yatı weàhkw'ǫ ı̨lè: Ełeghǫnets'eètǫ ha hǫt'e.

1 John 3:11 ပူးပေါင်းရင်းမြစ်များ

John 13:4

Zezì ladà gots'ǫ nıìtła, edeɂeè yìı xàetła gà lısımì t'à edenı xèwhezhà.

John 15:12

Dıı nàowo naxıghàehɂǫ hǫt'e: Naxıghǫneehtǫ lanì ełeghǫnıahtǫ.

Galatıa 6:2

Naxıgha hoìla nı̨dè ełets'àahdı. Haaht'ı̨ nı̨dè Zezì-Krı wenàowoò k'ę̀ę̀ deghàà aahda hǫt'e.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

1 Thessalonıca 4:9

Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.

1 Tımothy 1:5

Ełeghǫnıahtǫ ha dehwhǫ t'à eyı yatı naxıghàehɂǫ. Godzeè yìı hołı̨ı̨ whìle xè, goınì nezı̨ı̨ xè, eyıts'ǫ hotıì gogha ehkw'ı-ahodı xè ełeghǫnets'eètǫ ha hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 3:8

Nǫǫde t'à naxıts'ǫ̀ dıı haehsı̨ ha dehwhǫ: ts'èwhı̨į̀ ełexè aahdaa; ełets'ǫ̀ naxıdzeè nezı̨ı̨ aaht'ı̨ı̨, ełèot'ı̨ lanì ełeghǫnıahtǫǫ, etełeahɂı̨ı̨ eyıts'ǫ xàhoahdì-le k'ę̀ę̀ ełets'ǫ̀ naahɂa.

1 Peter 4:8

T'asìı hazǫǫ̀ nahk'e ełeghǫnıahtǫ. Ełeghǫnets'eètǫ nı̨dè hołı̨ı̨ łǫ whìle ats'ehɂį̀.

1 John 1:5

Dıı wegodıì ts'ıìkw'oo sìı naxıts'ǫ̀ hats'edı hǫt'e. Dıı wegodıì hǫt'e: Nǫ̀htsı̨ sìı dzęh hǫt'e, wexè togoòtł'òo whìle.

1 John 4:11

Seàgı̨ą, Nǫ̀htsı̨ haı̨hcho ts'ǫ̀ goghǫneètǫ t'à goxı̨ sı sıì ełeghǫnets'eètǫ ha hǫt'e.

1 John 4:21

Nǫ̀htsı̨ dıı nàowo goghàı̨ɂǫ: Amìı Nǫ̀htsı̨ ghǫneètǫǫ sìı edèot'ı̨ sı goghǫneètǫ ha hǫt'e.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.

2 John 1:5

Sèot'ı̨ı̨, nàowo eładı̨ı̨ ghǫ naxıts'ǫ̀ eehtł'è nıìle, hanìkò kèhots'ı̨į̀hwho gots'ǫ nàowo wek'èts'eezǫǫ sìı ghǫ naxıts'ǫ̀ eehtł'è aht'ı̨. Ełeghǫnets'eètǫ ha dehwhǫ hǫt'e.