1 John 2:7 - Nǫ̀htsı̨ Nı̨htł'è

⁷ Seàgı̨ą, nàowo gòò ghǫ naxıts'ǫ̀ eehtł'è aht'ı̨ nıìle, hanìkò whaà gots'ǫ nàowo wheɂǫ hǫt'e, kèhoį̀wo gots'ǫ weghǫ aàhkw'o ı̨lè. Eyı nàowo whaà gots'ǫ wheɂǫǫ sìı wegodıì aàhkw'o hǫt'e.

1 John 2:7 ပူးပေါင်းရင်းမြစ်များ

Matthew 5:43

“Dıı hagedı weghǫ aàhkw'o ı̨lè: ‘Naxèot'ı̨ gıghǫnıahtǫ, hanìkò dǫ naxınìgelı̨-le sìı gıdzaahwhǫ.’

John 13:34

“Dıı nàowo gòò naxıghàehɂà: Ełeghǫnıahtǫ. Naxıghǫneehtǫ lanıı ełeghǫnıahtǫ.

Zezì Wecheekeèdeè 17:19

Eyıt'à dǫ łǫ dèhkw'ee k'è gòɂǫǫ, Ayopagus gòyeh, ekǫ ts'ǫ̀ geèhchì. Paul ts'ǫ̀ hagedı, “Dıı godı eładı̨ı̨ t'à dǫ hoghàı̨htǫǫ sìı wek'èts'eezǫ ha ts'ı̨ı̨wǫ.

Hebrew 6:9

Seàgı̨ą, dıı hanì naxıts'ǫ̀ gots'ede kò eyı wenahk'e naxıxè hoı̨zı̨į̀ hòɂǫ agode ha hotıì wek'èts'eezǫ. Nǫ̀htsı̨ edaxànaxı̨ı̨la k'ę̀ę̀ nezı̨į̀ eghàlaahda.

1 John 2:24

Kèhots'ı̨į̀hwho gots'ǫ ayìı aàhkw'oo sìı t'aats'ǫǫ̀ naxıdzeè yìı wek'èahdì. Wek'èahdì nı̨dè t'aats'ǫǫ̀ Nǫ̀htsı̨ Weza eyıts'ǫ Wetà xè aaht'e ha hǫt'e.

1 John 3:11

Kèhots'ı̨į̀hwho gots'ǫ dıı yatı weàhkw'ǫ ı̨lè: Ełeghǫnets'eètǫ ha hǫt'e.

1 John 3:2

Seàgı̨ą, dıì Nǫ̀htsı̨ weza ats'ı̨ı̨t'e, ı̨daà dǫ dàhòt'ı̨ı̨ ts'ı̨ı̨lı̨ ha sìı ı̨łaà wek'èts'eezǫ nıìle. Hanìkò Zezì-Krı dànì wègaat'ı̨ k'ę̀ę̀ wets'eɂį̀ ha ne t'à nììtła nı̨dè wexèht'eè lats'ede ha wek'èts'eezǫ.

1 John 3:21

Seàgı̨ą, godzeè t'à edesınìyats'ehtı-le nı̨dè Nǫ̀htsı̨ wenadąą̀ goınì nàtso ha

1 John 3:23

Dıı nàowo goghàı̨ɂǫ hǫt'e: Weza Zezì-Krı gogha ehkw'ı adı ha hǫt'e, eyıts'ǫ ełeghǫnets'eètǫ ha hǫt'e.

1 John 4:1

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.

1 John 4:11

Seàgı̨ą, Nǫ̀htsı̨ haı̨hcho ts'ǫ̀ goghǫneètǫ t'à goxı̨ sı sıì ełeghǫnets'eètǫ ha hǫt'e.

1 John 4:21

Nǫ̀htsı̨ dıı nàowo goghàı̨ɂǫ: Amìı Nǫ̀htsı̨ ghǫneètǫǫ sìı edèot'ı̨ sı goghǫneètǫ ha hǫt'e.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.