1 John 2:5 - Nǫ̀htsı̨ Nı̨htł'è

⁵ Hanìkò amìı yeyatıì k'èı̨t'ee sìı Nǫ̀htsı̨ dànì goghǫneètǫ k'ę̀ę̀ deghàà yeghǫneètǫǫ̀ ajà hǫt'e. Dıı hanì weghàà Nǫ̀htsı̨ xè ats'et'ı̨ wek'èts'eezǫ hǫt'e:

1 John 2:5 ပူးပေါင်းရင်းမြစ်များ

Luke 11:28

Hanìkò Zezì yets'ǫ̀ hadı, “Dıı hats'edıı denahk'e nezı̨ hǫt'e: Nǫ̀htsı̨ weyatıì egıìkw'oo xè gık'ę̀ę̀ edaa sìı gıxè sìghà hǫt'e,” yèhdı.

John 14:21

Amìı seyatıì k'èezǫǫ xè yek'èı̨t'ee sìı eyı dǫ seghǫneètǫ hǫt'e. Amìı seghǫneètǫǫ sìı Setà yeghǫneètǫ ha hǫt'e. Sı̨ sı weghǫneehtǫ ha, eyıts'ǫ seɂį̀ awehłe ha,” Zezì hadıì edecheekeè gots'ǫ̀ goı̨de.

John 14:23

Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 15:5

“Sı̨ ts'ı laht'e, naxı̨ kw'ıhchı̨į̀ laaht'e. Dǫ sexè eda nı̨dè wexè nàhdè ha. Kw'ıhchı̨į̀ wek'e jìecho łǫ dehshe lanì eda ha. Sedę t'asìı wı̨ı̨zìı haahłe ha dìì hǫt'e.

John 6:56

Amìı sezhį̀į̀ ghǫ shètı̨ xè sedoò edǫǫ sìı, sexè nàdè ha, eyıts'ǫ sı̨ sı wexè nàhdè ha.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

James 2:22

Wegha ehkw'ı-ahodı xè yek'ę̀ę̀ eghàlaı̨dàa sìı ełexè at'ı̨ hǫt'e. Yek'ę̀ę̀ eghàlaı̨dà t'à wegha ehkw'ı-ahodıı sìı deghàà ajà hǫt'e.

1 John 3:24

Amìı yenàowoò k'èı̨t'ee sìı Nǫ̀htsı̨ xè eda hǫt'e, eyıts'ǫ Nǫ̀htsı̨ yexè eda hǫt'e. Yedàyeh Nezı̨ı̨ goghàı̨ɂǫ t'à goxè eda wek'èts'eezǫ hǫt'e.

1 John 4:17

Hanì-ı̨dè deghàà ełeghǫnets'eètǫǫ̀ ats'ede ha hǫt'e, eyıts'ǫ dıı nèk'e wexèht'eè ts'ı̨ı̨dà t'à gosınìyaetıı dzęę̀ k'e nı̨dè ts'atà goınì nàtso ha.

1 John 4:18

Ełeghǫnets'eètǫǫ wedeèdlı̨ı̨ k'ę̀ę̀ ts'eeda nı̨dè ts'eejı̨ nıìle. Ekò gosınìyaetı gha ts'eejı̨ nı̨dè weghàà hòtł'ò ełeghǫnets'eètǫ-le wek'èhoedzǫ. Eyıt'à ts'eejı̨ nı̨dè deghàà ełeghǫnets'eètǫ nıìle.

1 John 5:2

Dıı hanì Nǫ̀htsı̨ weza gıghǫnets'eètǫǫ sìı wek'èts'eezǫ hǫt'e: Nǫ̀htsı̨ weghǫnets'eètǫ xè wenàowoò k'èats'ı̨ı̨t'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.

2 John 1:6

Dıı hanì ełeghǫnets'eètǫǫ hǫt'e: Nǫ̀htsı̨ weyatıì k'èats'ı̨ı̨t'e. Ełeghǫnets'eètǫ ha hǫt'e, kèhots'ı̨į̀hwho gots'ǫ̀ weghǫ aàhkw'o ı̨lè.

John Wenazhıı 12:17

Tıts'aàdìıcho dek'oo eyı ts'èko ghǫ sıì ìch'è t'à weza hazǫǫ̀ ts'ǫ̀ ajà; weza hazǫǫ̀ Nǫ̀htsı̨ nàowoò k'èagı̨ı̨t'e eyıts'ǫ Zezì wegodıì k'ègedì. Eyı tıts'aàdìıcho dek'oo eyıts'ǫ ts'èko weza ełexè ełegıagǫ.

John Wenazhıı 14:12

Hanì hòɂǫ ha t'à Nǫ̀htsı̨ wets'ǫ dǫ degaı sìı ts'èwhı̨į̀ nageèhɂı̨ ha hǫt'e. Nǫ̀htsı̨ wenàowoò k'èagııt'è eyıts'ǫ Zezì ts'ǫ̀ edınì nàtsoò agııle.