1 John 2:4 - Nǫ̀htsı̨ Nı̨htł'è

⁴ Dǫ, “Nǫ̀htsı̨ k'èehsǫ,” hadı, hanìkò yenàowoò k'ę̀ę̀ eda-le nı̨dè, hots'ì adı hǫt'e, eyıts'ǫ nàowo ehkw'ıı wedzeè yìı wheɂǫ nıìle.

1 John 2:4 ပူးပေါင်းရင်းမြစ်များ

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

Tıtus 1:10

Dǫ łǫ yatı ehkw'ıı k'èagı̨ı̨t'e-le t'à aehsı̨. Ekìı gogedee eyıts'ǫ dǫ ghǫyageeɂà. Israel got'ı̨į̀ Moses wenàowoò k'ę̀ę̀ dǫkwǫ̀ nàt'à ha gı̨ı̨wǫǫ sìı hanì eghàlageeda.

Tıtus 1:16

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

1 John 1:10

“Hołı̨ı̨ hòwhıhtsı̨-le,” ts'edı nı̨dè, Nǫ̀htsı̨ hots'ì adı wèts'edı hǫt'e. Hats'edı nı̨dè weyatıì godzeè yìı wheɂǫ nıìle.

1 John 1:6

Wexè ats'et'ı̨ ts'edı kò ı̨łaà togoòtł'òo k'ę̀ę̀ ts'eeda nı̨dè, hots'ets'ì hǫt'e, eyıts'ǫ nàowo ehkw'ıı k'ę̀ę̀ ts'eeda nıìle.

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:3

Wenàowoò k'èats'ı̨ı̨t'e nı̨dè Nǫ̀htsı̨ wek'èts'eezǫǫ̀ ats'ejà hǫt'e.

1 John 2:9

Amìı “Sexè dzęh agǫ̀ht'e,” hadı, hanìkò edèot'ı̨ dzaı̨hwhǫ nı̨dè, ı̨łaà wexè togoòtł'òo hòɂǫ hǫt'e.

1 John 3:6

Dǫ yexè edaa sìı ı̨łaà hołı̨ı̨ k'ę̀ę̀ eda nıìle. Amìı ı̨łaà hołı̨ı̨ k'ę̀ę̀ edaa sìı yaɂı̨ whìle eyıts'ǫ yek'èezǫ nıìle.

1 John 4:20

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.