1 John 2:3 - Nǫ̀htsı̨ Nı̨htł'è

³ Wenàowoò k'èats'ı̨ı̨t'e nı̨dè Nǫ̀htsı̨ wek'èts'eezǫǫ̀ ats'ejà hǫt'e.

1 John 2:3 ပူးပေါင်းရင်းမြစ်များ

Luke 6:46

“Ayìıha, ‘K'àowo, K'àowo,’ sèahdı, hanìkò sek'èaht'e-le?

John 14:15

Zezì edecheekeè ts'ǫ̀ hadı, “Seghǫnıahtǫ nı̨dè seyatıì k'èaht'e ha hǫt'e.

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 15:14

Seyatıì k'èaht'e nı̨dè seàgı̨ą aaht'e ne.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Hebrew 5:9

Denahk'e elı̨ awììdlà tł'axǫǫ̀, dǫ hazǫǫ̀ yek'èı̨t'ee sìı welǫ whìle ts'ǫ̀ Edaxàgolee whelı̨.

1 John 2:13

Gotà yàahłı̨ı̨ sìı ededı̨ kèhoį̀wo gots'ǫ wehòhɂǫǫ sìı wek'èahsǫ t'à naxıts'ǫ̀ eehtł'è. Cheko yàahłı̨ı̨ sìı wehłı̨ı̨ weghǫahnǫ t'à naxıts'ǫ̀ eehtł'è. Chekoa yàahłı̨ı̨ sìı, Nǫ̀htsı̨-Gotà wek'èahsǫǫ̀ aahjà t'à naxıts'ǫ̀ eehtł'è.

1 John 3:14

Gòet'ı̨ gıghǫnets'eètǫ ts'ıhɂǫ̀ ełaàts'ı̨ı̨dè gots'ǫ nats'ìdà lats'ejà wek'èts'eezǫ hǫt'e. Amìı edèot'ı̨ ghǫneètǫ-le sìı ı̨łaà ełaı̨wo hǫt'e.

1 John 3:19

Hats'ı̨ı̨t'e nı̨dè nàowo ehkw'ıı wets'ǫ ats'ı̨ı̨t'e wek'èts'eezǫ ha. Godzeè t'à edesınìyats'ehtı nı̨dè Nǫ̀htsı̨ ts'ǫ̀ ats'ııde, hanì-ı̨dè wenadąą̀ godzeè xè ts'èwhı̨į̀ hòɂǫ ha. Nǫ̀htsı̨ sìı godzeè nahk'e elı̨ hǫt'e eyıts'ǫ t'asìı hazǫǫ̀ k'èezǫ hǫt'e.

1 John 3:6

Dǫ yexè edaa sìı ı̨łaà hołı̨ı̨ k'ę̀ę̀ eda nıìle. Amìı ı̨łaà hołı̨ı̨ k'ę̀ę̀ edaa sìı yaɂı̨ whìle eyıts'ǫ yek'èezǫ nıìle.

1 John 4:13

Yedàyeh Nezı̨ı̨ gok'e ayį̀į̀là t'à, wexè ı̨łè zǫ lats'ı̨ı̨t'e eyıts'ǫ ededı̨ sı goxè ı̨łè zǫ lanì wek'èts'eezǫ.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.

1 John 5:2

Dıı hanì Nǫ̀htsı̨ weza gıghǫnets'eètǫǫ sìı wek'èts'eezǫ hǫt'e: Nǫ̀htsı̨ weghǫnets'eètǫ xè wenàowoò k'èats'ı̨ı̨t'e.

1 John 5:3

Dıı hanì Nǫ̀htsı̨ weghǫnets'eètǫ hǫt'e: Nǫ̀htsı̨ nàowo goghàı̨ɂǫǫ sìı wek'ę̀ę̀ ts'eeda. Wenàowoò k'ę̀ę̀ ts'eedaa sìı dezhì nıìle.

John Wenazhıı 12:17

Tıts'aàdìıcho dek'oo eyı ts'èko ghǫ sıì ìch'è t'à weza hazǫǫ̀ ts'ǫ̀ ajà; weza hazǫǫ̀ Nǫ̀htsı̨ nàowoò k'èagı̨ı̨t'e eyıts'ǫ Zezì wegodıì k'ègedì. Eyı tıts'aàdìıcho dek'oo eyıts'ǫ ts'èko weza ełexè ełegıagǫ.

John Wenazhıı 14:12

Hanì hòɂǫ ha t'à Nǫ̀htsı̨ wets'ǫ dǫ degaı sìı ts'èwhı̨į̀ nageèhɂı̨ ha hǫt'e. Nǫ̀htsı̨ wenàowoò k'èagııt'è eyıts'ǫ Zezì ts'ǫ̀ edınì nàtsoò agııle.

John Wenazhıı 22:14

“Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.