1 John 2:27 - Nǫ̀htsı̨ Nı̨htł'è

²⁷ Naxı̨, Yedàyeh Nezı̨ı̨ naxıghǫ̀t'ǫ ı̨lèe sìı naxıts'ǫ̀-èlı̨ hǫt'e, eyıt'à dǫ wı̨ı̨zìı hoghànaxeehtǫ-le kò. Nǫ̀htsı̨ wets'ǫ Įnì Degaı t'asìı hazǫǫ̀ hoghànaxeehtǫ hǫt'e, eyı Įnì Degaı sìı ehkw'ı gode hǫt'e, hots'ì gode nıìle. Ayìı hoghànaxeehtǫǫ sìı hotıì wek'ę̀ę̀ aahda.

1 John 2:27 ပူးပေါင်းရင်းမြစ်များ

Matthew 13:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

John 14:16

Setà naxıgha weehkè ha, setł'axǫǫ̀ naxıts'àdıı elı̨ ha sìı naxıts'ǫ̀ ayele ha, welǫ whìle ts'ǫ̀ naxıts'ǫ̀-èlı̨ ha.

John 14:17

Eyı sìı Yedàyeh Nezı̨ı̨ hǫt'e, ehkw'ı naxıts'ǫ̀ gode ha. Dıı nèk'e gots'ǫ dǫ hazǫǫ̀ Yedàyeh Nezı̨ı̨ gìhchı ha dìì, gıghàeda-le eyıts'ǫ gık'èezǫ-le t'à. Hanìkò naxıxè eda eyıts'ǫ naxıdzeè yìı nàdè t'à, naxı̨ wek'èahsǫ hǫt'e.

John 14:26

Hanìkò Yedàyeh Nezı̨ı̨, naxıts'àdıı elı̨ı̨ sìı Setà sıızì dahxà naxıts'ǫ̀ ayele ha. Ededı̨ sìı t'asìı hazǫǫ̀ hoghànaxeehtǫ ha, eyıts'ǫ t'asìı hazǫǫ̀ naxıts'ǫ̀ haehsı̨ı̨ sìı wenaahdì anaxele ha.

John 16:13

Hanìkò Yedàyeh Nezı̨ı̨ nììtła nı̨dè t'asìı hazǫǫ̀ ehkw'ı ne sìı naxıts'ǫ̀ hadı ha, ehkw'ı zǫ gode ne t'à. Ededahxà gode ha nıìle, dàehsı̨ı̨ yeèhkw'ǫǫ sìı eyı zǫ t'à gode ha, eyıts'ǫ ı̨daà ayìı dàgode ha sìı naxıts'ǫ̀ hadı ha.

John 4:14

Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.

John 6:45

Nakwenàoɂǫǫ dıı hanì gı̨ı̨tł'è ı̨lè: ‘Nǫ̀htsı̨ dǫ hazǫǫ̀ hoghàgoehtǫ ha,’ gedı ı̨lè. Dǫ hazǫǫ̀ Setà weyatıì gıìkw'o xè gık'ę̀ę̀ eghàlaedaa sìı sets'ǫ̀ aget'ı̨.

1 Corınth 2:12

Dıı nèè gots'ǫ ı̨nì goghǫ̀t'ǫ nıìle, hanìkò Nǫ̀htsı̨ edets'ǫ Įnì Degaı goghàı̨ɂǫ hǫt'e, eyıts'ǫ Nǫ̀htsı̨ t'asìı k'èxa-le ayìı goghàı̨ɂǫǫ sìı wets'ǫ Įnì Degaı t'à wenıts'eedì agole ha.

1 Corınth 2:13

Eyı weghǫ gots'ede nı̨dè dıı nèk'e gots'ǫ wet'à gogı̨ı̨zǫǫ t'à gots'ede nıìle, hanìkò Yedàyeh Nezı̨ı̨ yatı hoghàgoèhtǫ t'à gots'ede hǫt'e. Yedàyeh Nezı̨ı̨ weyatıì ehkw'ı t'à Nǫ̀htsı̨ ts'ǫǫ̀hk'e t'asìı ghǫ gots'ede hǫt'e.

2 Corınth 1:21

Nǫ̀htsı̨ sìı Zezì-Krı wet'à goınì eyıts'ǫ naxınì nàtsoò ayehɂı̨ hǫt'e. Edegha gòį̀hchì hǫt'e,

Ephesus 4:21

Hotıì weghǫ aàhkw'ǫ xè weghǫ hoghànaxeètǫ ı̨lè, eyıts'ǫ Zezì-Krı wet'à nàowo ehkw'ıı k'èhoahsǫ aahjà hǫt'e.

Colosse 2:6

Eyıt'à, Zezì-Krı naxıts'ǫ̀ K'àowo elı̨ı̨ aahłà k'ę̀ę̀ t'aats'ǫǫ̀ wexè aahda.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

1 Thessalonıca 4:9

Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

1 Peter 1:23

Naxı̨ sìı k'achı̨ naxıgǫ̀hłı̨į̀ aahjà hǫt'e. T'asìı wedıhołè ha sìı t'à aahjà nıìle, hanìkò Nǫ̀htsı̨ weyatıì welǫ whìle ts'ǫ̀ wheɂǫǫ sìı t'à k'achı̨ naxıgǫ̀hłı̨ hǫt'e.

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.

1 John 3:24

Amìı yenàowoò k'èı̨t'ee sìı Nǫ̀htsı̨ xè eda hǫt'e, eyıts'ǫ Nǫ̀htsı̨ yexè eda hǫt'e. Yedàyeh Nezı̨ı̨ goghàı̨ɂǫ t'à goxè eda wek'èts'eezǫ hǫt'e.

2 John 1:2

Nàowo ehkw'ıı k'ę̀ę̀ ts'eedaa sìı godzeè yìı eda hǫt'e, eyıts'ǫ welǫ whìle ts'ǫ̀ goxè wehòhɂǫ ha hǫt'e.