1 John 2:10 - Nǫ̀htsı̨ Nı̨htł'è

¹⁰ Amìı edèot'ı̨ ghǫneètǫǫ sìı dzęh yìı nàdè, eyıts'ǫ t'asìı wı̨ı̨zìı t'à ts'ıɂǫ̀ ade ha nıìle.

1 John 2:10 ပူးပေါင်းရင်းမြစ်များ

Matthew 13:21

Hanìkò weghochı̨į̀ whìle t'à whaà-lea ts'ǫ̀ zǫ yek'ę̀ę̀ eda. Nǫ̀htsı̨ yatıì ts'ıhɂǫ̀ wegha hoìla xè daı̨ɂa nı̨dè ekòet'ıì wedę ayehɂį̀.

Matthew 18:7

“T'asìı nezı̨-le łǫ t'à dǫ hołı̨ı̨ hogehtsı̨ ts'ıhɂǫ̀, dıı nèk'e dǫ gıts'ǫ̀ hoìla ha hǫt'e. Eyı hołı̨ı̨ hazǫǫ̀ hagode ha t'ıį̀t'e, hanìkò dǫ wet'à agot'ı̨ı̨ sìı wegha hoìla ha hǫt'e!

John 11:9

Zezì gots'ǫ̀ hadı, “Hoònǫ-daats'ǫ̀-nàke sadzeè gots'ǫ̀ dzęh agǫ̀ht'e sǫnaà? Dǫ dzęh k'etło nı̨dè daèkw'ı ha nıìle. Dzęh t'à wegha xègaat'ı̨ hǫt'e.

John 12:35

Zezì edeghǫ gots'ǫ̀ hadı, “Įłaà whaà-lea gots'ǫ̀ dzęh naxıxè wheɂǫ ha. To agode kwe, ı̨łaà naxıxè dzęh et'ıì k'eahdè. Dǫ togoòtł'òo k'edaa sìı edı̨į̀ ts'ǫ̀ at'ı̨ı̨ sìı yek'èezǫ nıìle.

John 8:31

Israel got'ı̨į̀ gogha ehkw'ı adıı sìı Zezì gots'ǫ̀ hadı, “Seyatıì k'èahdì nı̨dè xàè secheekeè aaht'e.

Rome 14:13

Eyıt'à ełesınìyats'ehtı welè-le. Naxèot'ı̨ naxıt'à hołı̨ı̨ hogehtsı̨ ch'à naxınì nàtsoò aahwhǫ xè edek'èahdì.

Phılıppı 1:10

Hanì-ı̨dè ayìı ehkw'ı ne sìı wek'èahsǫ ha, eyıts'ǫ Zezì-Krı nǫ̀ǫtłaa dzęę̀ k'e ts'ǫ̀ hołı̨ı̨ wı̨ı̨zìı naxık'e wheɂǫ ha-le xè degaı aaht'e ha.

2 Peter 1:10

Eyıt'à sèot'ı̨ı̨, naxıkayaetı xè naxììchì k'ę̀ę̀ aahda, eyı ghǫ naxınì nàtsoò aahłe hanì-ı̨dè naxıxè hagode ha. Hanì edeghàlaahda nı̨dè hołı̨ı̨ naxıdaèht'è hǫı̨lı̨ ha nıìle.

1 John 2:11

Ekò amìı edèot'ı̨ dzaı̨hwhǫǫ sìı wexè togoòtł'ò hǫt'e, eyıts'ǫ togoòtł'òo k'eda. Edı̨į̀ k'edaa sìı yek'èezǫ-le, togoòtł'òo t'à wegha xègaat'ı̨-le.

1 John 3:14

Gòet'ı̨ gıghǫnets'eètǫ ts'ıhɂǫ̀ ełaàts'ı̨ı̨dè gots'ǫ nats'ìdà lats'ejà wek'èts'eezǫ hǫt'e. Amìı edèot'ı̨ ghǫneètǫ-le sìı ı̨łaà ełaı̨wo hǫt'e.