1 John 1:6 - Nǫ̀htsı̨ Nı̨htł'è

⁶ Wexè ats'et'ı̨ ts'edı kò ı̨łaà togoòtł'òo k'ę̀ę̀ ts'eeda nı̨dè, hots'ets'ì hǫt'e, eyıts'ǫ nàowo ehkw'ıı k'ę̀ę̀ ts'eeda nıìle.

1 John 1:6 ပူးပေါင်းရင်းမြစ်များ

Matthew 7:22

Eyı dzęę̀ k'e nìhǫǫwo nı̨dè dǫ łǫ sets'ǫ̀ dıı hagedı ha, ‘Sets'ǫ̀ K'àowo, nıızì dahxà nadąą̀ gots'ı̨ı̨de ı̨lè, ı̨nìłı̨ı̨ xàdets'eèzhì eyıts'ǫ enıìyah łǫ hots'èhtsı̨ ı̨lè,’ gedı ha.

John 11:10

Hanìkò to k'etło nı̨dè daèkw'ı ha, wexè dzęh whìle t'à,” Zezì gòhdı.

John 12:35

Zezì edeghǫ gots'ǫ̀ hadı, “Įłaà whaà-lea gots'ǫ̀ dzęh naxıxè wheɂǫ ha. To agode kwe, ı̨łaà naxıxè dzęh et'ıì k'eahdè. Dǫ togoòtł'òo k'edaa sìı edı̨į̀ ts'ǫ̀ at'ı̨ı̨ sìı yek'èezǫ nıìle.

John 12:46

Dzęh lanıı dıı nèk'e ts'ǫ̀ ahjà, amìı wegha ehkw'ı aehsı̨ı̨ sìı wexè togoòtł'òo ha nıìle.

John 8:12

Zezì k'achı̨ dǫ ts'ǫ̀ hadı, “Dıı nèk'e dǫ hazǫǫ̀ gıgha dzęh nı̨ı̨dı̨ı̨ aht'e. Amìı sexè at'ı̨ı̨ sìı wexè togoòtł'ò ha-le, dzęh wet'à ts'eedaa wexè hòɂǫ hǫt'e,” gòhdı.

John 8:55

Naxı̨ sìı Nǫ̀htsı̨ wek'èahsǫ nıìle, sı̨ Nǫ̀htsı̨ wek'èehsǫ hǫt'e. Wek'èehsǫ-le dehsı̨ nı̨dè naxıxèht'eè hots'ìı-dǫǫ̀ ehłı̨ ha ı̨lè, hanìkò wek'èehsǫ hǫt'e eyıts'ǫ weyatıì sı k'èhdì hǫt'e.

1 Tımothy 4:2

Dǫ negezı̨-le sìı eyı nàowo dǫ hoghàgogeehtǫ hǫt'e. Eyı dǫ nezı̨į̀ gìgaat'ı̨ hanìkò hogets'ì agı̨ı̨t'e. Gınì ełaı̨dèe lanì, ayìı ehkw'ıı eyıts'ǫ ayìı ekǫ-le sìı gınıehdì-le.

James 2:14

Sèot'ı̨ı̨, dǫ, “segha ehkw'ı-ahodı,” hadı hanìkò yek'ę̀ę̀ eghàlaeda-le nı̨dè wegha wet'àaɂà-le hǫt'e. “Segha ehkw'ı-ahodı,” hadı zǫ t'à edaxàweetè ha nıìle.

James 2:16

naxı̨ ı̨łè yets'ǫ̀ dıı hadı, “Nexè sìghà welè; negha gòkǫ̀ xè weghǫ shèı̨tı̨ı̨ negha deghàà welè,” yèhdı, hanìkò goht'ǫ eyıts'ǫ yeghǫ shètı̨ı̨ t'à yets'àı̨dı-le nı̨dè eyı t'asìı nıìle.

James 2:18

Hanìkò dǫ sets'ǫ̀ dıı hadı nı̨dè, “Nı̨ negha ehkw'ı-ahodı, hanìkò sı̨ nezı̨į̀ eghàlaehda,” sèhdı nı̨dè, wets'ǫ̀ dıı haehsı̨ ha. “Negha ehkw'ı kò wek'ę̀ę̀ eghàlaı̨da-le sìı weghàıhdà, ekò sı̨ ayìı dàhɂı̨ weghàà segha ehkw'ı-ahodıı sìı weghàı̨daà anehłe ha,” haehsı̨ ha.

1 John 1:10

“Hołı̨ı̨ hòwhıhtsı̨-le,” ts'edı nı̨dè, Nǫ̀htsı̨ hots'ì adı wèts'edı hǫt'e. Hats'edı nı̨dè weyatıì godzeè yìı wheɂǫ nıìle.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:4

Dǫ, “Nǫ̀htsı̨ k'èehsǫ,” hadı, hanìkò yenàowoò k'ę̀ę̀ eda-le nı̨dè, hots'ì adı hǫt'e, eyıts'ǫ nàowo ehkw'ıı wedzeè yìı wheɂǫ nıìle.

1 John 4:20

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.