1 Corınth 8:9 - Nǫ̀htsı̨ Nı̨htł'è

⁹ Eyıt'à edexoahdı, bò hanıı aahdè naxıgha t'asìı nıìle kò, naxèot'ı̨ wınì nàtso-le sìı naxıt'à ekǫ-le awede sǫ̀ǫ̀.

1 Corınth 8:9 ပူးပေါင်းရင်းမြစ်များ

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Rome 15:1

Goxı̨ eyı hanıı ghǫ goınì nàtso nı̨dè dǫ gınì nàtso-le sìı gıts'àts'edı ha hǫt'e, eyıts'ǫ t'ats'ı̨ı̨wǫ k'ę̀ę̀ zǫ k'ehots'eɂa ha nıìle.

1 Corınth 10:24

Edegha zǫ nezı̨į̀ k'ehoahɂa-le, hanìkò dǫ eyıì-le dànì gıgha sìghà hòɂǫ ha sìı ghǫ nànıahdè.

1 Corınth 10:28

Hanìkò dǫ dıı hanaxèhdı nı̨dè, “Dıı bò sìı nǫ̀htsı̨ą hòèlı̨ı̨ ghàɂaadì hǫt'e,” naxèhdı nı̨dè, weghǫ shèahzhe-le. Dǫ naxıts'ǫ̀ hadıı sìı wegha eyıts'ǫ wınì sı gha eyı bò weghǫ shèahzhe-le.

1 Corınth 10:29

Dǫ eyıì-le wınì gha aehsı̨, naxınì gha aehsı̨-le. T'asìı segha ekǫ-le k'ę̀ę̀ nıìle dehwhǫ t'à dǫ eyıì-le gıgha ehkw'ı nıìle sìı ayìıha sesınìyagehtı welì?

1 Corınth 10:32

Naxıt'à dǫ wı̨ı̨zìı ekǫ-le awede sǫ̀ǫ̀, Israel got'ı̨į̀, Greece got'ı̨į̀, hanì-le-ı̨dè Nǫ̀htsı̨ wecheekeè hazǫǫ̀ ts'ıɂǫ̀ ageahłe sǫ̀ǫ̀.

1 Corınth 8:10

Eyı wek'èahsǫ t'à nǫ̀htsı̨ hòèlı̨ı̨ wekǫ̀ gocho goyìı shèahzhe ha sǫnı. Hanìkò dǫ bò nǫ̀htsı̨ hòèlı̨ı̨ ghàgeedı ghǫ shètı̨ı̨ sìı ekǫ-le hǫt'e nıwǫ xè ekǫ naxıaɂı̨ nı̨dè, ededı̨ sı bò hanıı ghǫ shètı̨į̀ ade ha sǫnı.

1 Corınth 8:12

Hanì gòet'ı̨ k'èch'a hołı̨ı̨ hoahtsı̨ xè gınì tsį̀ahwhı nı̨dè, Zezì wek'èch'a hołı̨ı̨ hoahtsı̨ hǫt'e.

1 Corınth 9:22

Dǫ nàgetso-le sìı gıta aht'ı̨ nı̨dè gıxèht'eè nàhtso-le laht'e, hanì-ı̨dè edahxǫ Zezì gha geehnè ha welì. Dǫ hazǫǫ̀ xàɂaa gıxèwhıht'e ha dehwhǫ, hanì-ı̨dè edahxǫ gıta gots'ǫ dǫ mǫ̀hdaa edaxàgehłe ha welì.

2 Corınth 11:21

Goxı̨ hanì k'ehots'eɂa gha nàts'etso-le dehsı̨ı̨ sìı weghǫ į̀į̀zhats'ı̨ı̨lı̨ ha nì? Dǫ gǫǫzǫ-le laehsı̨ kò, dǫ ayìı ghǫ xàdahogedìı sìı sı̨ sı eyı xèht'eè haehsı̨ ha dìì-le hǫt'e.

2 Corınth 11:29

Dǫ nàtso-le nı̨dè sı̨ sı wexè nàhtso-le hǫt'e. Dǫ hołı̨ı̨ hòèhtsı̨į̀ adlà nı̨dè sıì segha hoìla hǫt'e.

2 Corınth 6:3

T'asìı wı̨ı̨zìı t'à dǫnì tsį̀ts'ehwhı ha ts'ı̨ı̨wǫ-le, hanì-ı̨dè godı nezı̨ı̨ gha eghàlats'eedaa sìı wets'ıhɂǫ̀ t'asìı nezı̨-le t'à dǫ gok'e nìdahogeeɂà ha-le.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

Colosse 2:8

Hotıì edexoahdı, yatı ekǫ-le eyıts'ǫ nàowo ładı̨ı̨ t'à dǫ naxınì gìhchı sǫ̀ǫ̀. Ayìı hoghànaxegeehtǫǫ sìı nezı̨į̀ lagodı, hanìkò dıı nèk'e gots'ǫ gınàowoò zǫ hǫt'e. Zezì-Krı wenàowoò k'ę̀ę̀ agedı-le.

1 Peter 2:16

Dǫ Moses wenàowoò tł'a geèhkw'e-le lanì nàahdè, hanìkò dıı haahwhǫ-le, “Hòt'a Moses wenàowoò tł'a ts'eèhkw'e-le t'à hołı̨ı̨ hots'ehtsı̨ ha dìì-le,” dahwhǫ-le. Į̀le, Nǫ̀htsı̨ wecheekeè lanì nàahdè ha hǫt'e.

2 Peter 2:19

“T'asìı naxıts'ǫ̀ k'ahowo ha nıìle,” gògedı kò ededı̨ hołı̨ı̨ nàowoò gıts'ǫ̀ k'ahowo. T'asìı dǫ daèt'èe sìı yegha k'àowo elı̨ hǫt'e.

John Wenazhıı 2:14

“Hanìkò t'asìı mǫ̀hdaa naxık'e nìdahoehɂà ha: Naxını dǫ mǫ̀hdaa Balaam wenàowoò k'ę̀ę̀ dǫ hoghàgogeehtǫ. Eyı dǫ sìı Israel got'ı̨į̀ hołı̨ı̨ hogehtsı̨ gha k'àowo Balak hoghàehtǫ ı̨lè. T'asìı nǫ̀htsı̨ą hòèlı̨ı̨ ghàgeedıı sìı gedè agohɂı̨, eyıts'ǫ edezhį̀į̀ t'à hołı̨ı̨ k'alagedè agohɂı̨.