1 Corınth 7:9 - Nǫ̀htsı̨ Nı̨htł'è

⁹ Hanìkò gıgha wèhoedı-le nı̨dè honìgııdè kò t'asanìle. Sıì ełegı̨ı̨wǫ nı̨dè honìgedè gıgha denahk'e nezı̨ hǫt'e.

1 Corınth 7:9 ပူးပေါင်းရင်းမြစ်များ

Zezì Wecheekeèdeè 19:36

Ehkw'ı ats'edı-le gògedı ha dìì t'à ts'èwhı̨į̀ aaht'e eyıts'ǫ nàdahoahdè-le.

1 Corınth 7:2

Hanìkò dıì dǫ łǫ hołı̨ı̨ k'ę̀ę̀ ełek'aladèe t'à dǫzhìı gıtaàt'eè xàè gıts'èkeè gǫ̀hłı̨ nı̨dè nezı̨ hǫt'e, eyıts'ǫ ts'èko sı gıtaàt'eè xàè gıdǫǫ̀ gǫ̀hłı̨ nı̨dè nezı̨ hǫt'e.

1 Corınth 7:28

Hanìkò hǫaht'ı̨ nı̨dè hołı̨ı̨ hòwhàahtsı̨ nıìle, eyıts'ǫ ts'èko hǫat'į̀ı̨ whìle sìı honìdza nı̨dè hołı̨ı̨ hòèhtsı̨ nıìle. Hanìkò amìı honìgedèe sìı dıı nèk'e gıxè hoìla łǫ ha hǫt'e, eyı hoìla naxıts'ǫ ha dehwhǫ nıìle.

1 Corınth 7:36

Dǫzhìı ts'èkogòò xè honìda ha yeekèe sìı ts'ǫ̀ nezı̨į̀ k'ehoɂa-le lat'ı̨ nı̨dè, eyıts'ǫ eyı ts'èko weghoò łǫ adaade xè dǫzhìı yexè honìda ha nıwǫ nı̨dè t'asanìle. Eyı dǫ sìı hołı̨ı̨ hohtsı̨ nıìle, eyıt'à yexè honìda ha t'asanìle.

1 Corınth 7:39

Ts'èko wedǫǫ̀ ełaàwı gots'ǫ̀ wets'ǫ̀ dawhetł'ı̨ lanì hǫt'e. Hanìkò wedǫǫ̀ ełaı̨wo nı̨dè eyıì-le dǫzhìı xè honǫ̀ǫda ha nıwǫ nı̨dè edets'ǫ̀ k'àowo. Hanìkò eyı dǫzhìı sìı Nǫ̀htsı̨ wets'ǫ dǫ elı̨ ha hǫt'e.

1 Thessalonıca 4:4

Naxızhį̀į̀ sìı t'asìı nezı̨ı̨ xè degaı k'ę̀ę̀ wek'èahdì ha hoghàdeahtǫ.

1 Tımothy 5:11

Ekò ts'èko ı̨łaà gıghoò łǫ-le et'ıì gıdǫǫ̀ ełaı̨dèe sìı gıts'àahdı gha gıızì dek'enèahtł'è-le. Zezì-Krı ts'ǫ̀ yatı nàtsoo gèhtsı̨ sǫnı kò nǫǫde nı̨dè dǫzhìı gı̨ı̨wǫǫ̀ agede ha eyıts'ǫ honìgedè gı̨ı̨wǫ ha sǫnı.

1 Tımothy 5:14

Eyıt'à ts'èko gıghoò łǫ-le et'ıì gıdǫǫ̀ ełaı̨dèe sìı honìgııdè kò dehwhǫ hǫt'e. Gıza gǫ̀hłı̨ xè edekǫ̀ k'ègedì kò eyı denahk'e gıgha nezı̨ hǫt'e. Hanì-ı̨dè wehłı̨ı̨ goızì jıı ehtsı̨ ha gıghàhòɂà ha-le.