1 Corınth 7:7 - Nǫ̀htsı̨ Nı̨htł'è

⁷ Dǫ hazǫǫ̀ sexèht'eè geeda nı̨dè dehwhǫ. Hanìkò Nǫ̀htsı̨ sìı dǫ hazǫǫ̀ gıtaàt'eè t'asìı eładı̨ı̨ goghàı̨ɂǫ hǫt'e. Dǫ ı̨łè hoet'ı̨ ha weghàhòt'ǫ, eyıts'ǫ dǫ eyıì-le t'asìı eładı̨ı̨ weghàhòt'ǫ hǫt'e.

1 Corınth 7:7 ပူးပေါင်းရင်းမြစ်များ

Dànì Kèhoį̀wo 30:34

“Tł'anǫǫ̀ dàı̨dıı sìı k'ę̀ę̀ welè,” Laban yèhdı.

Zezì Wecheekeèdeè 26:29

Paul yets'ǫ̀ hadı, “Haexı, haexı-le, nı̨ zǫǫ̀-le hanìkò dǫ hazǫǫ̀ dıì segeèhkw'ǫǫ sìı sexèht'eè agejà nı̨dè dehwhǫ eyı gha Nǫ̀htsı̨ ts'ǫ̀ yahtı. Sexèht'eè satsǫ̀tł'ıì gık'e whela-le nı̨dè zǫ dehwhǫ,” yèhdı.

Rome 12:6

Wesǫnıwǫ ts'ıhɂǫ̀ goxı̨ hazǫǫ̀ t'asìı wet'à-ats'et'ı̨ ha Nǫ̀htsı̨ goghàyı̨ı̨la hǫt'e. Dǫ Yedàyeh Nezı̨ı̨ dahxà xàyahtı ha weghàhòt'ǫ nı̨dè wınì dànàı̨htsoo sìı k'ę̀ę̀ yet'àwet'į̀.

1 Corınth 12:11

Yedàyeh Nezı̨ı̨ ı̨łè zǫ hǫt'e, hanìkò eyı hazǫǫ̀ yeghàlaeda hǫt'e. Hotıì dànıwǫǫ sìı k'ę̀ę̀ edets'ǫ dǫ t'asìı goghàɂà hǫt'e.

1 Corınth 12:4

T'asìı eładı̨ı̨ xàɂaa goghǫ̀zhe hǫt'e, hanìkò Yedàyeh Nezı̨ı̨ ededı̨ et'ıì goghàyele hǫt'e.

1 Corınth 7:8

Dǫ hoget'ı̨-le eyıts'ǫ ts'èko gıdǫzhıì whìle sìı gıts'ǫ̀ dıı haehsı̨ ha dehwhǫ: Sı̨ hoeht'ı̨-le k'ę̀ę̀ hoget'ı̨-le nı̨dè gıgha nezı̨ hǫt'e.

1 Corınth 9:15

Hanìkò sı̨ ayìı seghàhòt'à ha ı̨lèe sìı wedę kò dehwhǫ. Edahxǫ t'asìı seghàahłe ha dehwhǫ t'à dıı hanì naxıts'ǫ̀ ehtł'è nıìle. T'asìı k'èxa-le godı nezı̨ı̨ t'à naxıts'ǫ̀ gohdee sìı weghǫ xàdahohdì ha dìì-le. Eyı sìı dǫ seghǫ yìhchı nı̨dè bò dę ełaıhwho kò segha denahk'e nezı̨ hǫt'e.

1 Corınth 9:5

Zezì wecheekeèdeè eyıì-le, gots'ǫ̀ K'àowo wechıke, eyıts'ǫ Peter, gıxèht'eè gots'èkeè gıgha ehkw'ı-ahodıı sìı edexè agets'ele ha goghàhòt'ǫ-le nì?