1 Corınth 7:5 - Nǫ̀htsı̨ Nı̨htł'è

⁵ Į̀łah naxınì k'ę̀ę̀ lenǫsıı ełets'ǫ̀ į̀le dahdı-le. Į̀łah hanì ha dahwhǫ nı̨dè whatsǫǫ̀ Nǫ̀htsı̨ ts'ǫ̀ xàyaahtı ha gòɂǫǫ̀ aahłe gha welè, hanìkò whaà-lea gots'ǫ̀ zǫ aaht'ı̨. Eyı tł'axǫǫ̀-ı̨dè ełets'ǫ̀ anaahde, naxınì nàtso-le t'à wehłı̨ı̨ naxeèhdzà ha sǫnı.

1 Corınth 7:5 ပူးပေါင်းရင်းမြစ်များ

Matthew 17:21

Galılee nèk'e łą̀ą nègı̨ı̨de ekò Zezì gots'ǫ̀ hadı, “Dǫ-wet'àaɂàa-deè dǫ tł'aàgıhtè ha.

Matthew 19:11

Zezì gots'ǫ̀ hadı, “Dǫ hazǫǫ̀ eyı yatı gìhchì ha dìì hǫt'e, dǫ hanì gıghàhòt'ǫǫ sìı zǫ eyı yatı gìhchı hǫt'e.

Matthew 4:10

Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

1 Corınth 7:4

Ts'èko hoet'ı̨ı̨ sìı wezhį̀į̀ ededı̨ zǫ wets'ǫ nıìle, wedǫǫ̀ sı wets'ǫ hǫt'e. Eyı xèht'eè dǫzhìı hoet'ı̨ı̨ wezhį̀į̀ sìı ededı̨ zǫ wets'ǫ nıìle, wets'èkeè sı wets'ǫ hǫt'e.

1 Thessalonıca 3:5

Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè.