1 Corınth 7:2 - Nǫ̀htsı̨ Nı̨htł'è

² Hanìkò dıì dǫ łǫ hołı̨ı̨ k'ę̀ę̀ ełek'aladèe t'à dǫzhìı gıtaàt'eè xàè gıts'èkeè gǫ̀hłı̨ nı̨dè nezı̨ hǫt'e, eyıts'ǫ ts'èko sı gıtaàt'eè xàè gıdǫǫ̀ gǫ̀hłı̨ nı̨dè nezı̨ hǫt'e.

1 Corınth 7:2 ပူးပေါင်းရင်းမြစ်များ

Matthew 5:32

Hanìkò sı̨ dıı hanaxèehsı̨: Dǫ wets'èkeè eyıì-le dǫ xè hołı̨ı̨ hòèhtsı̨-le kò ɂǫ̀yeèdo nı̨dè ededı̨ wet'à wets'èkeè eyıì-le dǫ xè at'ı̨ lanì. Eyıts'ǫ dǫzhìı ts'èko ɂǫ̀weèdoo sìı xè honìdza nı̨dè hołı̨ı̨ hòèhtsı̨ hǫt'e.

1 Corınth 6:18

Eyıt'à hołı̨ı̨ k'ę̀ę̀ ełek'alaahdèe ch'à edek'èahdì. Dǫ hołı̨ı̨ eyıì-le hohtsı̨ı̨ sìı edezhį̀į̀ t'à hołı̨ı̨ hohtsı̨ at'ı̨ nıìle, hanìkò amìı hołı̨ı̨ k'ę̀ę̀ ełek'alagedèe sìı edezhį̀į̀ t'à hołı̨ı̨ hogehtsı̨ hǫt'e.

1 Corınth 7:1

T'asìı ghǫ sets'ǫ̀ aahtł'è ı̨lèe sìı wek'e naxıts'ǫ̀ xàyahtı ha. Dǫ honìda-le kò nezı̨ hǫt'e.

1 Corınth 7:3

Dǫzhìı hǫet'ı̨ı̨ sìı edets'èkeè ghàdìtè ha hǫt'e, eyıts'ǫ ts'èko hoet'ı̨ı̨ sı ededǫǫ̀ ghàdìtè ha hǫt'e.

1 Corınth 7:9

Hanìkò gıgha wèhoedı-le nı̨dè honìgııdè kò t'asanìle. Sıì ełegı̨ı̨wǫ nı̨dè honìgedè gıgha denahk'e nezı̨ hǫt'e.

Ephesus 5:28

Zezì edets'ǫ dǫǫ̀ ghǫneètǫ xèht'eè dǫzhìı hoet'ı̨ı̨ sìı edezhį̀į̀ ghǫneètǫ lanì edets'èkeè ghǫneètǫ ha hǫt'e. Dǫ edets'èkeè ghǫneètǫ sìı edeghǫneètǫ hǫt'e.

Ephesus 5:33

Eyıt'à naxı̨ dǫzhìı yàahłı̨ı̨ sìı edeghǫnıahtǫ lanı naxıts'èkeè gıghǫnıahtǫ ha hǫt'e, eyıts'ǫ ts'èko hazǫǫ̀ nezı̨į̀ ededǫǫ̀ ts'ǫ̀ nageɂa ha hǫt'e.

1 Thessalonıca 4:4

Naxızhį̀į̀ sìı t'asìı nezı̨ı̨ xè degaı k'ę̀ę̀ wek'èahdì ha hoghàdeahtǫ.

1 Tımothy 4:3

Hots'et'ı̨ı̨ sìı ehkw'ı nıìle gedı ha, eyıts'ǫ weghǫ shèts'ezhee mǫ̀hdaa geɂà-le agogehɂı̨ ha. Nǫ̀htsı̨ weghǫ shèts'ezhee yèhtsı̨ hǫt'e, eyıt'à dǫ gıgha ehkw'ı-ahodıı xè nàowo ehkw'ıı k'ègeezǫǫ sìı gıghǫ shèzhe xè weghǫ masì gı̨ı̨wǫ ha hǫt'e.