1 Corınth 6:3 - Nǫ̀htsı̨ Nı̨htł'è

³ Yak'eet'ı̨į̀ gısınìyats'ehtı ha wek'èahsǫ-le nì? Hanì hòɂǫ ha nı̨dè dıı nèk'e gota dàgot'ı̨ı̨ sìı denahk'e wesınìyats'ehtı ha hǫt'e!

1 Corınth 6:3 ပူးပေါင်းရင်းမြစ်များ

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

Luke 8:14

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o, hanìkò t'asìı łǫ ghǫ nànıgedè xè sǫǫ̀mba łǫ gı̨ı̨wǫ eyıts'ǫ sìgoèt'ı̨ gı̨ı̨wǫ t'à geèzhè-le.

Rome 6:16

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

1 Corınth 6:15

Naxızhį̀į̀ sìı Zezì-Krı wets'ǫ hǫt'e wek'èahsǫ-le nì? Eyıt'à gozhį̀į̀ Zezì wets'ǫ ne sìı ts'èkojıı t'à whetı̨į̀ ats'ele ha nì? Į̀le, hats'et'ı̨ ha honàedı nıìle!

1 Corınth 6:16

Dǫ, ts'èkojıı t'à whetı̨ı̨ sìı yexè ı̨łè zǫ lanì at'į̀ hǫt'e wek'èahsǫ-le nì? Nǫ̀htsı̨ Nı̨htł'è k'e dıı hanì dek'eèhtł'è, “Eyı nàke geet'èe sìı gızhį̀į̀ ı̨łè lade ha hǫt'e,” dek'eèhtł'è.

1 Corınth 6:19

Naxızhį̀į̀ sìı Yedàyeh Nezı̨ı̨ wekǫ̀ lanì hǫt'e wek'èahsǫ-le nì? Ededı̨ sìı naxıdzeè yìı nàdè hǫt'e, ededı̨ sìı Nǫ̀htsı̨ naxıghàyı̨ı̨ɂǫ hǫt'e. Eyıt'à naxızhį̀į̀ sìı xàè naxıts'ǫ nıìle.

1 Corınth 6:4

Eyıt'à t'asìı wet'àaɂà-le ghǫ ełek'e nìdahogeeɂà nı̨dè, dǫ ı̨łè gosınìyaehtıì aweahłe. Naxıta dǫ t'asìı deè elı̨-le sìı eyı weahchı ha dìì-le!

2 Tımothy 2:4

Dǫ eghǫǫ-dǫǫ̀ elı̨ı̨ sìı edets'ǫ k'àowo wınì k'ę̀ę̀ eghàlaeda ha nıwǫ hǫt'e, eyıt'à la eyıì-le k'alawo ha nıwǫ-le.

2 Tımothy 4:10

Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.

2 Peter 2:4

Nǫ̀htsı̨ wets'ǫ yak'eet'ı̨į̀ hołı̨ı̨ hogèhtsı̨ ekò etegoèhɂı̨-le ı̨lè, hanìkò wehłı̨kǫ̀ ts'ǫ̀ agǫ̀ǫ̀là. Gısınìyaetıı dzęę̀ gots'ǫ̀ togoòtł'òo gòɂǫǫ k'è gıdanìı̨la hǫt'e.

Jude 1:6

Eyıts'ǫ yak'eet'ı̨į̀ mǫ̀hdaa gıts'ǫ̀ dàgòjàa sìı eyı sı wenaahdì. Dànì k'ahogedè ha gıghàhòt'ǫǫ sìı gıghàehdı ı̨lè. Eyı yak'eet'ı̨łı̨ı̨ sìı welǫ whìle ts'ǫ̀ satsǫ̀tł'ıì gık'e whela xè Nǫ̀htsı̨ togoòtł'òo yìı gok'èdì, eyıts'ǫ nǫǫde dzęę̀ k'e Nǫ̀htsı̨ gosınìyaehtı ha hǫt'e.