1 Corınth 5:3 - Nǫ̀htsı̨ Nı̨htł'è

³ Sı̨ naxıta whıhda-le sǫnı kò sınì t'à naxıxè whıhda hǫt'e. Eyı dǫ hanì hołı̨ı̨ hòèhtsı̨ı̨ sìı eyı whıhda lanì hòt'a wesınìyahtı hǫt'e.

1 Corınth 5:3 ပူးပေါင်းရင်းမြစ်များ

1 Corınth 5:12

Dǫ, Nǫ̀htsı̨ wecheekeè agı̨ı̨t'e-le sìı sı̨ gısınìyahtı ha sı̨į̀dı nıìle. Dǫ Nǫ̀htsı̨ wecheekeè goxè aget'ı̨ı̨ sìı naxı̨ gısınìyaahtı ha hǫt'e.

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 10:11

Eyı dǫ hagedıı sìı enı̨htł'è t'à dàts'edıı sìı wexèht'eè ats'ı̨ı̨t'e, gınıedì welì. Naxıta eghàlats'eeda nı̨dè naxıts'ǫ̀ ts'ı̨ı̨tł'è k'ę̀ę̀ k'ehots'eɂa ha.

2 Corınth 13:2

Nàekeè t'à naxıts'àwhıhtła ekò nadąą̀ yatı nàtsoo naxıghàehɂǫ ı̨lè. Dıì setł'axǫǫ̀ k'achı̨ hanaxèehsı̨ ha. K'achı̨ naxıts'àwhıhtła nı̨dè ı̨dìı dǫ hołı̨ı̨ hogèhtsı̨ı̨ sìı eyıts'ǫ dǫ eyıì-le hazǫǫ̀ eładı̨į̀ agejà-le nı̨dè ts'èwhı̨į̀ gıghàhoehɂà ha nıìle,

Colosse 2:5

Sezhį̀į̀ t'à naxıts'ǫ̀ gǫǫwà whıhda, hanìkò sınì t'à naxıxè aht'e. Hotıì ehkw'ı aahda, eyı xè Zezì-Krı ghǫ naxınì nàtso t'à sıì sınà hǫt'e.

1 Thessalonıca 2:17

Sèot'ı̨ı̨, naxıts'ǫǫ̀ ats'ede ha sìı gogha wèhoedı-le ı̨lè, hanìkò whaà-lea ts'ǫ̀ naxıts'ǫǫ̀ ats'ejà. (Gozhį̀į̀ t'à naxıts'ǫǫ̀ ats'ejà, hanìkò goınì t'à ı̨łaà naxıxè ts'eèhkw'e.) Sıì naxıkanıts'eèɂà t'à, goı̨tłǫǫ̀ naxets'eɂį̀ ha hots'eèhdzà ı̨lè.