1 Corınth 3:3 - Nǫ̀htsı̨ Nı̨htł'è

³ Įłaà dıı nèk'e gots'ǫ dǫ lanì nànıahdè. Ełeghǫ ts'oxoahdı eyıts'ǫ ełets'ǫ̀ nàyaahtı nı̨dè, dıı nèk'e gots'ǫ dǫ gıxèahɂı̨ laaht'ı̨. Dǫ Nǫ̀htsı̨ k'ègeezǫ-le sìı gıxèahɂı̨ hǫt'e.

1 Corınth 3:3 ပူးပေါင်းရင်းမြစ်များ

Rome 13:13

Dzęh dǫ geeda lanì ehkw'ı ts'eeda ha hǫt'e. Ts'edǫ xè ts'ıɂǫ̀-hots'eeɂà welè-le, gozhį̀į̀ t'à hołı̨ı̨ k'alats'edèe welè-le, ełets'ǫ̀ nàyats'ehtı welè-le, eyıts'ǫ ełeghǫ ts'ohots'eedı welè-le.

1 Corınth 1:10

Sèot'ı̨ı̨, Zezì wedahxà hazǫǫ̀ ı̨łè zǫ laaht'e naxèehsı̨, hanì-ı̨dè ełek'èch'a aaht'e ha-le eyıts'ǫ hotıì naxınì ı̨łè zǫ lanì ha.

1 Corınth 1:11

Sèot'ı̨ı̨, dǫ mǫ̀hdaa Chloyı wekǫ̀ nàgedèe sìı ełets'ǫ̀ nàyaahtı naxègedı.

1 Corınth 11:18

T'akwełǫ̀ǫ̀ dıı haehsı̨ ha dehwhǫ: Naxı̨ Nǫ̀htsı̨ wecheekeè yàahłı̨ı̨ sìı łą̀ą nìahdè nı̨dè, ełek'ę̀ę̀ aahwhǫ-le weghǫ eèhkw'o hǫt'e, segha ehkw'ı agedı lanì.

1 Corınth 3:4

Naxı̨ mǫ̀hdaa dıı haahdı, “Sı̨ Paul k'ę̀ę̀ aht'ı̨,” eyıts'ǫ mǫ̀hdaa, “Sı̨ Apollos k'ę̀ę̀ aht'ı̨.” Haahdı nı̨dè dǫ Nǫ̀htsı̨ k'ègeezǫ-le sìı gıxèht'eè k'ehoahɂa hǫt'e.

2 Corınth 12:20

Naxıts'àwhıhtła nı̨dè sınì k'ę̀ę̀ aaht'e ha-le sǫnı, eyıts'ǫ sı̨ sı naxınì k'ę̀ę̀ aht'e ha-le sǫnı, eyı weghǫ nànıhwho hǫt'e. Ełek'èch'a aahdı ha sǫnı, ełeghǫ ts'oxoahdı ha sǫnı, naxık'èch'a t'à naxınì nàìtło ha sǫnı, ełek'èch'a aahda ha sǫnı, ełeghǫ goahde ha sǫnı, xàhoahdì ha sǫnı, eyıts'ǫ naxıxè hoı̨zı̨ hòɂǫ ha-le sǫnı, eyı hazǫǫ̀ ghǫ hòtł'ò nànıhwho hǫt'e.

Galatıa 5:15

K'èdaà ełek'èch'a goahde xè ełets'ǫ̀ yıdaaht'e nı̨dè ełedıhoahtsı̨ ha hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

James 3:16

Dǫ ełeghǫ sıì ts'ohogeedı xè gıt'àhoòɂà edegeetsı̨ nı̨dè dǫ xè nàdahoowo hǫt'e, eyıts'ǫ hołı̨ı̨ hazǫǫ̀ xàɂaa hogehtsı̨ hǫt'e.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.