1 Corınth 3:1 - Nǫ̀htsı̨ Nı̨htł'è

¹ Sèot'ı̨ı̨, Yedàyeh Nezı̨ı̨ naxıts'ǫ̀-èlı̨ lanì naxıts'ǫ̀ gohde ha dìì ı̨lè, hanìkò dıı nèk'e gots'ǫ dǫ lanì nànıahdè k'ę̀ę̀ naxıts'ǫ̀ gohde ı̨lè, Zezì-Krı naxıgha ehkw'ı-ahodı ts'ǫǫ̀hk'e bebìa laaht'e ı̨lè t'à.

1 Corınth 3:1 ပူးပေါင်းရင်းမြစ်များ

Matthew 16:23

Zezì Peter ts'ǫ̀ ets'aèhtła, hayèhdı, “Wehłı̨ı̨, sechį̀ht'a ts'ǫ̀ aąde! Nı̨ sìı kwe wet'à daèhkw'ıh ha lanet'e. Nǫ̀htsı̨ wınì k'ę̀ę̀ nànınewo nıìle, hanìkò dǫ gınì k'ę̀ę̀ nànınewo hǫt'e,” hayèhdı.

Rome 7:14

Moses wenàowoò sìı degaı-deè hǫt'e wek'èts'eezǫ, hanìkò goxı̨ sìı degaı-deè ats'ı̨ı̨t'e nıìle, hołı̨ı̨ gots'ǫ̀ k'àhowo t'à.

1 Corınth 14:20

Sèot'ı̨ı̨, hòt'a chekoa nàowoò k'ę̀ę̀ nànıahdè-le. Nàowołı̨ı̨ ts'ǫǫ̀hk'e nı̨dè bebìa hołı̨ı̨ k'ègeezǫ-le laaht'e, hanìkò naxınì t'à ǫhdah k'ę̀ę̀ nànıahdè.

1 Corınth 14:37

Naxıta gots'ǫ dǫ nakwenàoɂǫǫ elı̨ nıwǫǫ sìı, hanì-le-ı̨dè Yedàyeh Nezı̨ı̨ gots'ǫ t'asìı nezı̨ı̨ sets'ǫ̀ ajà nıwǫǫ sìı, dıı ayìı ghǫ naxıts'ǫ̀ eehtł'èe sìı gots'ǫ̀ K'àowo wenàowoò hǫt'e, yenıedì welì.

1 Corınth 2:6

Dǫ Nǫ̀htsı̨ k'ègeezǫǫ sìı wet'à gots'ı̨ı̨zǫǫ yatıì t'à gıts'ǫ̀ gots'ede hǫt'e. Eyı yatı sìı dıı nèè gots'ǫ dǫ gogı̨ı̨zǫǫ eyıts'ǫ k'aodèe gı̨ı̨lı̨ı̨ sìı gıgha wet'àaɂà nıìle, ededı̨ sìı gıdıhołè ts'ǫ̀ gıadè hǫt'e.

Galatıa 6:1

Sèot'ı̨ı̨, naxı̨ Yedàyeh Nezı̨ı̨ k'ę̀ę̀ aahdaa sìı dǫ hołı̨ı̨ hòèhtsı̨ wek'èahsǫ nı̨dè, eyı dǫ wets'ǫ̀ naxıdzeè nezı̨ı̨ t'à ehkw'ı edaà aweahłe. Hanìkò edexoahdı, naxı̨ sı hołı̨ı̨ nàowoò t'à naxeèdzà ha sǫnı.

Hebrew 5:13

Dǫ ejıet'ò zǫ t'à edaa sìı ı̨łaà bebìa lanì hǫt'e, eyıt'à Nǫ̀htsı̨ wegha ehkw'ı ts'eedaa yatıì yek'èezǫ-le hǫt'e.

1 John 2:12

Sèot'ı̨ı̨, Zezì wıızì dahxà naxıhołı̨į̀ naxıghǫ nahoazha t'à naxıts'ǫ̀ eehtł'è hǫt'e.