1 Corınth 2:7 - Nǫ̀htsı̨ Nı̨htł'è

⁷ Nǫ̀htsı̨ wenàowoò gǫǫzǫǫ sìı dǫ ts'ǫ̀ weghǫ gots'ede hǫt'e, eyı sìı dǫ ts'ǫ̀ deɂı̨į̀ wheɂǫ ı̨lè. Dıı nèè hòèlı̨ kwe gots'ǫ gogha wheɂǫǫ̀ ayį̀į̀là ı̨lè, eyıts'ǫ wet'à welǫ whìle ts'ǫ̀ enıìyah xè edaxàgozhe ha.

1 Corınth 2:7 ပူးပေါင်းရင်းမြစ်များ

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Matthew 13:35

Nakwenàoɂǫǫ yeghǫ goı̨de ı̨lèe sìı wek'ę̀ę̀ agòjà. Dıı hadı ı̨lè: “Godı t'à gohde ha, hanì-ı̨dè dıı nèè hòèlı̨ gots'ǫ ayìı wek'èhoedzǫ-le sìı t'à dǫ hoghàehtǫ ha,” nakwenàoɂǫǫ hadı dek'eèhtł'è.

Rome 11:25

Sèot'ı̨ı̨, dıı t'asìı enıìyah deɂı̨į̀ wheɂǫǫ sìı wek'èahsǫ ha naxeehwhǫ. Hanì-ı̨dè xàhoahdì aahde ha nıìle. Israel got'ı̨į̀ agı̨ı̨t'e-le gıta gots'ǫ dǫ hazǫǫ̀ edaxàgeedè gots'ǫ̀, Israel got'ı̨į̀ gıkwì dezhì ha.

Rome 8:29

Nǫ̀htsı̨ amìı weza gı̨ı̨lı̨ ha nadąą̀ yek'èezǫǫ sìı Zezì lagede ha nadąą̀ gòį̀hchì ı̨lè. Eyıt'à wechı łǫ gıta gots'ǫ sìı Nǫ̀htsı̨ weza ededı̨ denahk'e wet'àaɂàa elı̨ hǫt'e.

Rome 8:30

Nǫ̀htsı̨ nadąą̀ dǫ weza gı̨ı̨lı̨ ha gòį̀hchì ı̨lèe sìı gokayaı̨htı hǫt'e; dǫ gokayaı̨htıı sìı ehkw'ı agǫ̀ǫ̀là; eyıts'ǫ dǫ ehkw'ı agǫ̀ǫ̀làa sìı welǫ whìle ts'ǫ̀ gıxè enıìyah hòɂǫǫ̀ agǫ̀ǫ̀là.

1 Corınth 2:1

Sèot'ı̨ı̨, t'akwełǫ̀ǫ̀ naxıts'ǫ̀ nèehtła ekò yatı wèdaat'ı̨ı̨ t'à naxıts'ǫ̀ goıhde nıìle. Eyıts'ǫ Nǫ̀htsı̨ wegodıì naxıts'ǫ̀ nèehɂǫ ekò dıı nèk'e gots'ǫ dǫ gogı̨ı̨zǫǫ gık'ę̀ę̀ k'ehoehɂa-le ı̨lè.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Ephesus 3:10

Nǫ̀htsı̨ hanì eghàlaı̨dà hǫt'e. Dànì deɂǫ̀ǫ̀ gǫǫzǫǫ sìı yat'a ı̨nì k'aodèe hazǫǫ̀ gık'èezǫ ha nıwǫ t'à, edecheekeè got'à hanì eghàlaı̨dà hǫt'e.

2 Tımothy 1:9

Nǫ̀htsı̨ ededı̨ edaxàgoı̨la hǫt'e, wets'ǫ dǫ degaı ts'ı̨ı̨lı̨ ha gokayaı̨htı hǫt'e. T'asìı wı̨ı̨zìı hots'èhtsı̨ t'à agǫ̀ǫ̀là nıìle, hanìkò hanıwǫ t'à eyıts'ǫ wesǫnıwǫ ts'ıhɂǫ̀ agǫ̀ǫ̀là hǫt'e. Dıı nèè hòɂǫ kwe Zezì-Krı wet'ǫ̀ǫ̀ Nǫ̀htsı̨ hòt'a edesǫnıwǫǫ̀ goghàyı̨ı̨ɂǫ ı̨lè.

Hebrew 1:2

hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

Hebrew 11:3

Gogha ehkw'ı-ahodı t'à Nǫ̀htsı̨ edeyatıì t'à dèè, yat'a eyıts'ǫ t'asìı hazǫǫ̀ whehtsı̨ wek'èts'eezǫ hǫt'e. Hanì t'à t'asìı wègaat'ı̨ı̨ sìı t'asìı wègaat'ı̨ı̨ t'à hòèlı̨ nıìle.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

2 Peter 1:3

Nǫ̀htsı̨ nàtso wehòhɂǫ t'à, wet'à ts'eeda gha eyıts'ǫ wınì k'ę̀ę̀ ts'eeda gha t'asìı hazǫǫ̀ goghàı̨la hǫt'e. Nǫ̀htsı̨ gots'ǫ̀ wedzeè nezı̨ı̨ xè enıìyah wehòhɂǫ t'à gokayaı̨htıı sìı wek'èts'eezǫǫ̀ ats'ejà.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.