1 Corınth 2:1 - Nǫ̀htsı̨ Nı̨htł'è

¹ Sèot'ı̨ı̨, t'akwełǫ̀ǫ̀ naxıts'ǫ̀ nèehtła ekò yatı wèdaat'ı̨ı̨ t'à naxıts'ǫ̀ goıhde nıìle. Eyıts'ǫ Nǫ̀htsı̨ wegodıì naxıts'ǫ̀ nèehɂǫ ekò dıı nèk'e gots'ǫ dǫ gogı̨ı̨zǫǫ gık'ę̀ę̀ k'ehoehɂa-le ı̨lè.

1 Corınth 2:1 ပူးပေါင်းရင်းမြစ်များ

Zezì Wecheekeèdeè 20:21

Israel got'ı̨į̀ eyıts'ǫ Greece got'ı̨į̀ į̀łah gıts'ǫ̀ goıhde ı̨lè. Edek'egı̨ı̨lı̨ t'à Nǫ̀htsı̨ ts'ǫ̀ agede ha eyıts'ǫ gots'ǫ̀ K'àowo Zezì ehkw'ı adı gı̨ı̨wǫ gha haehsı̨į̀ gıts'ǫ̀ goıhde ı̨lè.

Zezì Wecheekeèdeè 22:18

Gots'ǫ̀ K'àowo weehɂı̨ sets'ǫ̀ gode, hadı, ‘Jerusalem got'ı̨į̀ segodıì t'à gıts'ǫ̀ goı̨dee sìı gıgha ehkw'ı-ahodı-le t'à, ı̨whąą̀ Jerusalem gots'ǫǫ̀ naı̨tłe,’ sèhdı.

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

1 Corınth 1:17

Zezì-Krı, dǫ k'ètaìhdzı̨ ts'ǫ̀ sı̨ı̨hɂà nıìle, godı nezı̨ı̨ t'à dǫ xè gohdo ha sı̨ı̨hɂà hǫt'e. Dıı nèk'e wet'à gogı̨ı̨zǫ t'à gohde nıìle. Hanì gòhde nı̨dè Zezì dànì gogha dechı̨et'aa k'e ełaı̨wo wegodıì sìı naxıgha nàtso-le ahłe ha.

1 Corınth 1:6

Dànì Zezì-Krı weghǫ naxıts'ǫ̀ gots'ı̨ı̨dee sìı naxıgha ehkw'ı-ahodıì aahjà eyıts'ǫ wek'ę̀ę̀ aahdaà aahjà.

1 Corınth 2:13

Eyı weghǫ gots'ede nı̨dè dıı nèk'e gots'ǫ wet'à gogı̨ı̨zǫǫ t'à gots'ede nıìle, hanìkò Yedàyeh Nezı̨ı̨ yatı hoghàgoèhtǫ t'à gots'ede hǫt'e. Yedàyeh Nezı̨ı̨ weyatıì ehkw'ı t'à Nǫ̀htsı̨ ts'ǫǫ̀hk'e t'asìı ghǫ gots'ede hǫt'e.

1 Corınth 2:4

Godı nezı̨ı̨ t'à naxıts'ǫ̀ gohde ekò wet'à gots'ı̨ı̨zǫǫ yatıì t'à naxıts'ǫ̀ goıhde-le ı̨lè, hanìkò Yedàyeh Nezı̨ı̨ nàhtsoò asį̀į̀là t'à naxınadąą̀ enıìyah k'ę̀ę̀ eghàlaehda ı̨lè.

1 Corınth 2:7

Nǫ̀htsı̨ wenàowoò gǫǫzǫǫ sìı dǫ ts'ǫ̀ weghǫ gots'ede hǫt'e, eyı sìı dǫ ts'ǫ̀ deɂı̨į̀ wheɂǫ ı̨lè. Dıı nèè hòèlı̨ kwe gots'ǫ gogha wheɂǫǫ̀ ayį̀į̀là ı̨lè, eyıts'ǫ wet'à welǫ whìle ts'ǫ̀ enıìyah xè edaxàgozhe ha.

2 Corınth 10:10

Dǫ mǫ̀hdaa hagedı, “Paul gots'ǫ̀ eetł'è nı̨dè yatıì nàtsoo t'à gots'ǫ̀ gode, hanìkò goxè wheda nı̨dè t'asìı elı̨-le lanì wègaat'ı̨ eyıts'ǫ weyatıì gogha t'asìı nıìle,” gedı.

2 Corınth 11:6

Dǫ ts'ǫ̀ gohde gha nezı̨į̀ gohde aht'e-le kò, Nǫ̀htsı̨ ts'ǫǫ̀hk'e t'asìı k'èehsǫ hǫt'e. T'asìı łǫ hats'ı̨ı̨làa sìı eyı ghàà nezı̨į̀ wek'èahsǫǫ̀ anaxets'į̀į̀là hǫt'e.

2 Thessalonıca 1:10

Zezì jǫ nǫ̀ǫtłaa dzęę̀ k'e nı̨dè wets'ǫ dǫ degaı gıghàsǫedı ha, eyıts'ǫ dǫ gıgha ehkw'ı-ahodıı sìı gıxè enıìyah deè ha hǫt'e. Godı nezı̨ı̨ naxıts'ǫ̀ nèts'ı̨ı̨ɂǫǫ sìı naxıgha ehkw'ı-ahodı t'à naxı̨ sı naxıxè agode ha hǫt'e.

2 Tımothy 1:8

Eyıt'à gots'ǫ̀ K'àowo weghǫ dǫ ts'ǫ̀ goı̨de ha į̀į̀zhanelı̨-le, eyıts'ǫ sı̨ wegha dǫ-danìı̨laa-kǫ̀ whıhda t'à seghǫ į̀į̀zhanelı̨-le. Hanìkò godı nezı̨ı̨ gha sexè daneeɂa ha welì. Nǫ̀htsı̨ sìı eyı gha nàts'etsoò agohɂı̨ hǫt'e.

1 John 4:14

Nǫ̀htsı̨-Gotà, Weza dǫ Edaxàgolee elı̨ ha dıı nèk'e ts'ǫ̀ ayį̀į̀làa sìı wets'aɂı̨ t'à weghǫ gots'ede hǫt'e.

John Wenazhıı 1:2

John t'asìı hazǫǫ̀ yaɂı̨ı̨ sìı yeghǫ goı̨de. Nǫ̀htsı̨ weyatıì eyıts'ǫ Zezì wegodıì ghǫ goı̨de.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.