1 Corınth 15:3 - Nǫ̀htsı̨ Nı̨htł'è

³ Yatı sets'ǫ̀ nìt'ǫǫ sìı yatı t'akwełǫ̀ǫ̀ wek'èahsǫ ha naxıghàehɂǫ hǫt'e. Eyı yatı sìı Zezì-Krı gohołı̨į̀ k'èxa ełaı̨wo hǫt'e, eyı sìı Nǫ̀htsı̨ Nı̨htł'è k'ę̀ę̀ agòjà.

1 Corınth 15:3 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 26:24

Hotıì Nǫ̀htsı̨ Nı̨htł'è k'e dànì dek'eèhtł'è k'ę̀ę̀ Dǫ-wet'àaɂàa-deè ełaàwı ha hǫt'e, hanìkò amìı k'aodèe gotł'aàyehtè ha sìı wegha hoìla nechà ha hǫt'e. Eyı dǫ wegǫ̀hłı̨-le nı̨dè denahk'e wegha nezı̨ ha ı̨lè,” gòhdı.

Matthew 26:28

Dıı sedoò sìı wet'à nakenahòdlı̨ hǫt'e. Dǫ łǫ gha sedoò xàı̨tł'ı, eyı wet'ǫ̀ǫ̀ gıhołı̨į̀ gıghǫ nahoezhe ha hǫt'e.

Luke 24:25

Zezì gots'ǫ̀ hadı, “Sıì t'asìı nıahdì-le xè naxınì nàtso-le. Nakwenàoɂǫǫ dàgı̨ı̨dìı sìı dànìghǫ naxıgha ehkw'ı-ahodı-le?

John 1:29

Ek'èdaedzęę̀ k'e John-Baptıst, Zezì yets'ǫ̀ etłe yaɂı̨ ekò, hadı, “K'eaht'į̀. Nǫ̀htsı̨ wesahzǫ̀ą wet'à dıı nèk'e dǫ gıhołı̨į̀ hazǫǫ̀ nahoezhe ha!

Zezì Wecheekeèdeè 17:2

Paul t'aats'ǫǫ̀ ełègehdèe-kǫ̀ at'ı̨ ı̨lè t'à ekǫ ts'ǫ̀ ajà. Taı dzęahta ts'ǫ̀ Nǫ̀htsı̨ Dzęę̀ k'e Nǫ̀htsı̨ Nı̨htł'è gots'ǫ dǫ hoghàgoehtǫ.

Zezì Wecheekeèdeè 3:18

Hanìkò Nǫ̀htsı̨ sìı nakwenàoɂǫǫ hazǫǫ̀ t'à nadąą̀ gots'ǫ̀ goı̨de ı̨lè. Chrıst daı̨ɂa ha, hadı ı̨lè, hanì yek'ę̀ę̀ eghàlaı̨dà.

Zezì Wecheekeèdeè 8:32

Eyı k'àowo sìı enı̨htł'è k'e dıı hanì dek'eèhtł'è yek'eyahtı ı̨lè: “Sahzǫ̀ą edeweè ts'ǫ̀ etłe lanì natł'ıgıaxà. Sahzǫ̀ą weghàà xaget'à kò t'asadı-le, eyı lanì xàyaı̨htı-le.

Rome 3:25

Nǫ̀htsı̨ sìı Zezì gohołı̨į̀ k'èxa ełaàwı ha goghàyı̨ı̨htı̨ hǫt'e. Zezì gohołı̨į̀ k'èxa wedoò xàı̨tł'ı gogha ehkw'ı-ahodı nı̨dè gohołı̨į̀ goghǫ nahoezhe ha hǫt'e. Nǫ̀htsı̨ hanì eghàlaı̨dàa sìı weghàà dànì wexè ehkw'ı ats'ede ha sìı wek'èts'eezǫ gha ayį̀į̀là hǫt'e. Įnę̀ę sìı gots'ǫ̀ ts'èwhı̨į̀ nıwǫ ı̨lè t'à hołı̨ı̨ hots'ehtsı̨ k'èxa ekòet'ıì nàgoı̨hkwa-le ı̨lè.

Rome 4:25

Zezì gohołı̨į̀ k'èxa ełaı̨wo awììdlà hǫt'e, eyıts'ǫ gogha naìdà. Eyı ts'ıhɂǫ̀ Nǫ̀htsı̨ gha ehkw'ı ts'eedaa k'ę̀ę̀ goıtà hǫt'e.

1 Corınth 11:2

T'asìı hazǫǫ̀ dànaxèehsı̨ı̨ sìı wenaahdì, eyıts'ǫ ayìı hoghànaxeèhtǫǫ sìı hotıì yàahtǫ̀, eyı gha naxıghàsǫehdı.

1 Corınth 11:23

Gots'ǫ̀ K'àowo yatı seghàı̨ɂǫǫ sìı eyı yatı naxıghàehɂǫ hǫt'e: Gots'ǫ̀ K'àowo Zezì k'aodèe tł'aàgį̀ı̨htı̨ toò k'e łèt'è nıìchì,

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Galatıa 1:12

Eyı godı nezı̨ı̨ sìı dǫ wı̨ı̨zìı seghàyı̨ı̨ɂǫ nıìle, eyıts'ǫ dǫ wı̨ı̨zìı yeghǫ hoghàseèhtǫ nıìle. Zezì-Krı ededı̨ godı nezı̨ı̨ seghàı̨ɂǫ t'à, wenıehdì asį̀į̀là.

Galatıa 1:4

Zezì-Krı dıı nèk'e hołı̨ı̨ nàowoò ch'à edaxàgole ha nıwǫ t'à, Nǫ̀htsı̨-Gotà wınì k'ę̀ę̀ gohołı̨į̀ k'èxa ełaı̨wo adììdlà hǫt'e.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Ephesus 1:7

Nǫ̀htsı̨ enıìyah t'à wesǫnıwǫ dahxà Zezì wedoò t'à gohołı̨į̀ hazǫǫ̀ goghǫ nahoazha eyıts'ǫ edaxàgoı̨la hǫt'e.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

Hebrew 5:1

Dıı nèk'e yahtıı-wet'àaɂàa-deè hazǫǫ̀ sìı dǫ gıxèht'eè gıta gots'ǫ gììchì hǫt'e. Edèot'ı̨ gha nakweè geèhkw'e gı̨ı̨lı̨ t'à Nǫ̀htsı̨ nadąą̀ k'ehogeɂa, dǫ-hołı̨į̀ k'èxa tıts'aàdìı ełaàgehde xè Nǫ̀htsı̨ ts'ǫ̀ gık'eehk'ǫ̀.

Hebrew 5:3

Eyıt'à edehołı̨į̀ k'èxa eyıts'ǫ dǫ gıhołı̨į̀ sı k'èxa Nǫ̀htsı̨ ts'ǫ̀ t'asìı k'eehk'ǫ̀ ha hǫt'e.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 John 2:2

Ededı̨ sìı gohołı̨į̀ k'èxa ełaàwı gha Nǫ̀htsı̨ ghàdìtı̨ hǫt'e. Goxı̨ zǫ gogha ajà nıìle, dıı nèk'e dǫ hazǫǫ̀ gıhołı̨į̀ gha ełaı̨wo.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.