1 Corınth 13:3 - Nǫ̀htsı̨ Nı̨htł'è

³ T'asìı hazǫǫ̀ sets'ǫ sìı dǫ-teèt'ı̨ı̨ gıghàehłe eyıts'ǫ sezhį̀į̀ wek'eek'ǫ̀ ha adèhłà kò dǫ ghǫneehtǫ-le nı̨dè t'asìı wı̨ı̨zìı dehnǫ nıìle.

1 Corınth 13:3 ပူးပေါင်းရင်းမြစ်များ

Matthew 23:5

“Dǫ nadąą̀ zǫ nezı̨į̀ k'ehogeɂa. Hòtł'ò-yagehtıı-dǫǫ̀ ats'ı̨ı̨t'e dǫ hagogı̨ı̨hwhǫ ha gı̨ı̨wǫ t'à gıt'à yagehtıı-tǫą edek'e gehłaa sìı nechà agehɂı̨ eyıts'ǫ edeɂeèlǫ wekwè nedè agehɂı̨.

Luke 18:22

Zezì dǫ hadıì yıìkw'o ekò hayèhdı, “Įłaà t'asìı ı̨łè zǫ hanelà-le. T'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'èętło,” Zezì yèhdı.

Luke 18:28

Peter, Zezì ts'ǫ̀ hadı, “Goxı̨ nek'èè k'ets'edè ha ts'ı̨ı̨wǫ t'à t'asìı hazǫǫ̀ wedę ats'ı̨ı̨là ı̨lè!” yèhdı.

Luke 19:8

Zacchaeus wekǫ̀ geèhkw'e ekò Zacchaeus nıìtła gà Zezì ts'ǫ̀ hadı, “K'àowo, t'asìı hazǫǫ̀ sets'ǫ sìı tanı ts'ǫ̀ dǫ-teèt'ı̨ı̨ gıghàehłe ha. Eyıts'ǫ deɂǫ̀ǫ̀ t'asìı dǫ ghǫ ìhchì nı̨dè dı̨ eht'aà ts'ǫ̀ weghǫ̀naehłe ha,” yèhdı.

John 12:43

Nǫ̀htsı̨ goghǫ nezı̨į̀ adı nahk'e dǫ goghǫ nezı̨į̀ agedıı sìı gıgha nezı̨.

John 13:37

Peter k'achı̨ dayeehke, “Sets'ǫ̀ K'àowo, dànìghǫ dıì nek'èehtła ha dìì? Negha ełaehwhı ha ts'atà whıhda,” yèhdı.

John 15:13

Dǫ edeàgı̨ą gha ełaàwıı sìı eyı wenahk'e ełeghǫnets'eètǫ gǫ̀hłı̨-le.

John 6:63

Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

Zezì Wecheekeèdeè 21:13

Hanìkò Paul hadı, “Ayìıha seghǫ aahtse xè sedzeè etseè aahɂı̨? Zezì wıızì ts'ıhɂǫ̀ dasegeezà gha ts'atà whıhda hǫt'e, eyı zǫǫ̀-le wets'ıhɂǫ̀ ekǫ ełaehwhı ha segha asanìle hǫt'e,” gòhdı.

Galatıa 5:26

Eyıt'à xàhots'ııdì-le, ełets'ǫ̀ yıdats'ııt'è-le, eyıts'ǫ ełeghǫ ts'ohots'ııdì-le.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

1 Tımothy 4:8

Gozhį̀į̀ hòtł'ò eghàlaeda ats'ehɂı̨ı̨ sìı yaazea zǫ wet'àaɂà, ekò Nǫ̀htsı̨ wınì k'ę̀ę̀ ts'eedaa sìı t'asìı hazǫǫ̀ gha wet'àaɂà hǫt'e, dıì ts'eedaa gha eyıts'ǫ ı̨daà ts'eeda gha Nǫ̀htsı̨ edeyatıì goghàı̨ɂǫ ne t'à.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.