1 Corınth 10:7 - Nǫ̀htsı̨ Nı̨htł'è

⁷ Gocho mǫ̀hdaa gıxèht'eè nǫ̀htsı̨ hòèlı̨ı̨ ts'ǫ̀ yaahtı-le. Dıı hanì dek'eèhtł'è, “Dǫ shègezhe xè gedǫ gha łą̀ą nègı̨ı̨de, eyı tł'axǫǫ̀ ededzeè t'à dǫ Nǫ̀htsı̨ k'ègeezǫ-le lanì gıgha sìgoèt'ı̨ xè ełexè sǫnàgedè,” dek'eèhtł'è.

1 Corınth 10:7 ပူးပေါင်းရင်းမြစ်များ

Zezì Wecheekeèdeè 15:20

Hanìkò dıı hats'edıì gıts'ǫ̀ ts'ı̨ı̨tł'è nı̨dè nezı̨ ha, ‘Bò nǫ̀htsı̨ hòèlı̨ı̨ ghàgeedıı sìı aahdè-le. Hołı̨ı̨ k'ę̀ę̀ ełek'alaahdèe-le. Tıts'aàdìı gık'à dahdlì t'à ełǫǫ̀wıı sìı gıkwǫ̀ aahdè-le, eyıts'ǫ edoò aahdǫ-le,’ gìts'edı ı̨lè.

1 Corınth 10:14

Eyıt'à seàgı̨ą nǫ̀htsı̨ą hòèlı̨ı̨ hazǫǫ̀ xàɂaa ts'ǫ̀ yaahtı ch'à eyıts'ǫ gınàowoò ààhchı ch'à hotıì edek'èahdì.

1 Corınth 5:11

Dǫ mǫ̀hdaa naxıxè Nǫ̀htsı̨ wecheekeè ats'ı̨ı̨t'e edègeedıı sìı eyı ghǫ naxıts'ǫ̀ eehtł'è. Hanìkò hołı̨ı̨ k'ę̀ę̀ ełek'alagedè nı̨dè, egedì-le nı̨dè, nǫ̀htsı̨ą hòèlı̨ı̨ ts'ǫ̀ yagehtı nı̨dè, dǫ gıızì jıı gehtsı̨ nı̨dè, t'aats'ǫǫ̀ gedǫ nı̨dè, sǫǫ̀mba gha dǫ ghǫyageeɂà nı̨dè, gıxè aaht'ı̨-le, eyıts'ǫ gıxè shèahzhe ha nıìle.

1 Corınth 6:9

Dǫ wejıı sìı Nǫ̀htsı̨ Wenàowoò k'ę̀ę̀ hòɂǫǫ sìı gıghàhòt'à ha nıìle wek'èahsǫ-le nì? Edeghǫyaahɂà sǫ̀ǫ̀. Dǫ edezhį̀į̀ t'à hołı̨ı̨ k'alagedèe, dǫ nǫ̀htsı̨ą hòèlı̨ı̨ ts'ǫ̀ yagehtıı, dǫ ełexè hołı̨ı̨ hogehtsı̨ı̨, sǫǫ̀mba k'èxa dǫzhìı et'ıì ełexè aget'ı̨ı̨, eyıts'ǫ dǫzhìı hołı̨ı̨ k'ę̀ę̀ ełek'alagedèe,

1 Corınth 8:7

Hanìkò eyı sìı dǫ hazǫǫ̀ deghàà gık'èezǫ nıìle. Dǫ mǫ̀hdaa ı̨nę̀ę nǫ̀htsı̨ą hòèlı̨ı̨ ghǫ hòtł'ò agı̨ı̨wǫ ı̨lè t'à bò hanıı ghǫ shègezhe nı̨dè nǫ̀htsı̨ hòèlı̨ı̨ ghàɂaadìı ne gı̨ı̨wǫ ha. Gınì nàtso-le t'à ekǫ-le nànıgedè xè ekǫ-le eghàlagı̨ı̨dà gı̨ı̨wǫ ha.

1 John 5:21

Sèot'ı̨ı̨, nǫ̀htsı̨ hòèlı̨ı̨ sìı ts'ǫ̀ yaahtı-le.