DJESUWALAŊUWUY DHÄWU MÄKKUŊ WUKIRRIWUY 4:12 - Djambarrpuyŋu New Testamen

¹² Ga dhiyak ŋunhi gämurruwny'tja gam. “Dhiyaŋuwurruyyiny yolŋuy walal dhu ga nhäma warray, yurr bäyŋun walal dhu ŋunhi maḻŋ'maramany. Ga ŋunhi walal dhu ga ŋämany ga buthuru-bitjundja, yurr bäyŋuyi yan walal dhu ŋunhi dharaŋandja. Ga ŋunhi walal balaŋ ŋänhany be dharaŋanany, walalnydja balaŋ ŋunhi bilyunan God-Waŋarrwala, märr ŋayiny balaŋ walalaŋ ŋunhi bäy-lakaranhan.”

DJESUWALAŊUWUY DHÄWU MÄKKUŊ WUKIRRIWUY 4:12 ပူးပေါင်းရင်းမြစ်များ

DJESUWALAŊUWUY DHÄWU MÄKKUŊ WUKIRRIWUY 8:18

Maŋutjimirr mala nhuma dhuwal yulŋuny, ga wanha balaŋ nhuma gi nhäŋun. Ga buthurumirr mala nhuma dhuwal yulŋuny ga wanha balaŋ nhuma gi dhuwal ŋäkun. Yaka yan nhuma gi dhuwal guyaŋiny ŋunhi,

DJESUWALAŊUWUY DHÄWU LUKKUŊ WUKIRRIWUY 8:10

Ga ŋayiny Djesuny waŋan balany walalaŋguny bitjarra, “Nhumany dhuwal malthunamirrnydja mala ŋarraku, bilin nhumany dhuwal marŋgimirra ŋurukuny ŋunhi Godkalaŋawnydja romgu, ŋurikiyiny ŋunhi djinawa'wuywuny mayaliw', bili God-Waŋarryuny nhumalaŋgal gan ŋunhi bilin dhawaṯmaraŋala. Yurr wiripuwurruŋguny yolŋuw walalaŋ ŋunhi walal yaka gulŋiyinya dhipaliyi romlil God-Waŋarrwal, ŋurikiwurruŋdhin ŋarra dhu ga ŋunhi lakaram mayali'wurrnydja, yurr yaka ŋarra dhu dhawaṯmaramany lakaram walalaŋ. Nhäma warray walal dhu ŋunhi yulŋuny, yurr bäyŋun walal dhu ŋunhi dharaŋandja nhäma; ga ŋäma walal dhu ga, yurr bäyŋun dharaŋanarawnydja ŋänharaw.” Ga bitjarra ŋayi gan ŋunhi Djesuy lakaraŋalnydja walalaŋgal.

God-waŋarrwuŋ djämapuy mala 3:19

Gatjuy, bilyurra walal nhumalaŋgiyingal nhuma yätjkurruŋurnydja. Ma', bilyurra walal nhanukala God-Waŋarrwala, märr ŋayi nhumalaŋ dhu ŋunhi yätjkurrnydja buwayakkuman,

2 Dimithiw dhäwu bolwuŋ 2:25

Gurrum'thurr marrtji bala waŋiny dhunupayaŋuny ŋunhiwurrunhany ŋunhi walal ga dhiyaŋ bala nhina ŋunha bala wiripuŋuŋur gali'ŋur, märr ŋayi dhu God-Waŋarryuny walalany bilmaram muka, bala walal dhu gananna ŋunhi walalaŋguwuy djarrpi'kunhawuynydja guyaŋanhawuy, bala yan marŋgithirra ŋurikin ŋunhi yuwalkkun yan dhäwuwny'tja.