DJESUWALAŊUWUY DHÄWU LUKKUŊ WUKIRRIWUY 1:53 - Djambarrpuyŋu New Testamen

⁵³ Ga ŋunhiwurrnydja yolŋu walal ŋunhi walal gan nhinan ŋula nhämiriw, goŋ-waŋarany, ga ŋayiny walalany gan ŋunhi God-Waŋarryuny gurruparnydja nhanŋuwuynha ŋayi manymaktja malany, ga yan bili ga bäy walal gana'yin ŋayaŋu-bakthurr. Yurr ŋunhiwurrunhany yolŋuny walalany ḻukunydja'mirrinhany, ŋayi ŋuli ganha ŋaŋ'ŋaŋ'thuna, walal ŋuli marrtjinyany yänan bala goŋ-waŋaran, dhäparŋ'nha dhika.

DJESUWALAŊUWUY DHÄWU LUKKUŊ WUKIRRIWUY 1:53 ပူးပေါင်းရင်းမြစ်များ

Mathuyu 5:6

“Nheny dhu ga ŋunhi yuwalknha yan nhina ŋayaŋu-djulŋithirra ŋuli nhe dhu ga ŋunhi mirithirrnydja nhakun djälthirr dhunupawnydja nhinanharaw, bili God-Waŋarryuny dhu ŋunhi dhaŋaŋguman nhuŋu ŋayaŋuny dhuwurr-dhunapaynha romdhuny!”

DJESUWALAŊUWUY DHÄWU LUKKUŊ WUKIRRIWUY 1:54

Yo. Guŋga'yurrnydja ŋayi gan limurrunhawuynha yan, ŋunhi nhanŋuwuy yan djämamirriny Yitjuralnha malany. Mel-wuyurrnydja ŋayi gan ŋunhi limurruŋ mirithin yan,

DJESUWALAŊUWUY DHÄWU LUKKUŊ WUKIRRIWUY 6:21

Ga nhumany ŋunhi nhuma ga djaṉŋarrthirr dhiyaŋ bala, nhumany dhu ga ŋayaŋu-djulŋithirra, bili God-Waŋarryuny nhumalany dhu maranhu-gurrupanna yalalaŋumirriynydja ŋunhalnydja djiwarr'ŋurnydja. Ga nhuma ŋunhi nhuma ga galŋa-yätjirr dhiyaŋ bala ŋäthinyaray, biyakun walal ŋayaŋu-djulŋithin, bili yalalaŋumirrnydja nhuma dhu ŋunhi ŋunhalnydja gi mirithin yan ŋoy-ŋamathi.”

DJESUWALAŊUWUY DHÄWU LUKKUŊ WUKIRRIWUY 6:24

“Ga nhumany ŋunhiwurrnydja yolŋu walal ŋunhi nhuma ga dhiyaŋ bala nhina girri'-dharrwamirr, ga walŋany nhumalaŋ manymaknha mirithirra, yalalaŋumirriynydja ŋunhalnydja nhuma dhu boŋguŋ wakinŋun gi nhini, goŋ-waŋaran ŋula nhämiriwnha.

Djon 6:35

Bala ŋayi Djesuny lakaranhaminan ŋanyapinya ŋayi bitjanminan, “Yo. Ŋarra muka dhuwal Ŋatha Walŋa-gurrupanamirrnydja. Ŋuli nhe dhu ŋula yol yolŋu marrtji räliny ŋarrakalnydja, ga märr-yuwalkmirriyirrnydja nhe dhu ŋarraku, nheny dhu yakan buluny djaṉŋarrthirr ga ŋar'ŋaryun ŋunhany ŋunhi birrimbirrnydja nhuŋu djinawany', bili manygarrayirrnydja nhe dhu ga ŋunhi ŋarrakiyinguŋun yan waŋganyguŋun.

1 gorinlil dhäwu 1:26

Marrkapmirr walal ḻundu walal, guyaŋi yan walal gi ŋunhi nhäthinya nhuma gan ŋäthil nhinan, yorrnha ŋayi ŋunhi God-Waŋarryu djarr'yurrnydja nhumalany bili walalnydja gan ŋunhi dhuwalaŋuwuyyuny yolŋuy walal nhäŋal nhumalany, ŋunhi ḻurrkun' yan nhuma gan marŋgimirrnydja nhinan ga ganydjarrmirrnydja mala, ga goŋmirrnydja mala.

1 gorinlil dhäwu 4:8

Wanhan nhuma ŋayaŋuny manygarrayinya? Nhän bili nhuma dhuwal ḻukunydja'mirra? Bilin barpuru nhumany dhuwal buŋgawayirra muka? … ga napurrnydja dhuwal ḻäypuynha mala. Ye-e-e-e wanha balaŋ nhuma dhuwal yuwalknha yan buŋgawayi, märr napurrnydja dhu bitjandhi bili yan buŋgawayirr rrambaŋin limurr.