God-waŋarrwuŋ djämapuy mala 2:34 - Djambarrpuyŋu New Testamen

³⁴ “Ga ŋunhiyi mala-ŋurrkanhayŋuny nhumalaŋ yäku Daybittja, bäyŋu ŋunhi ŋayipiny marrtjin dhawuṯthurr rumbalmirrnydja balany djiwarr'lilnydja, yurr dhäruktja ŋayi gan dhuwal wukirriny bitjarrnha gam', ‘God-Waŋarrnydja waŋan ŋarrakalaŋuwalnydja Garraywal bitjarr gam', Nhininy gi dhiyalnha ŋarrakalnha gali'ŋurnydja dhunupa'ŋuŋura,

God-waŋarrwuŋ djämapuy mala 2:34 ပူးပေါင်းရင်းမြစ်များ

DJESUWALAŊUWUY DHÄWU MÄKKUŊ WUKIRRIWUY 12:36

Bili ŋayi ŋunhi Dhuyu-Birrimbirrnydja waŋan nhanukalnydja Daybitkalnydja, bitjarr, ‘God-Waŋarrnydja waŋan ŋarrakalaŋuwalnydja Garraywal bitjarr, “Nhininy dhiyala dhunupa'ŋuŋura gali'ŋurnydja, ga bäy ŋarra dhu miriŋuny mala nhuŋu galkirrinyamaram warrpam', bala nhe dhu ga ḻuku-worruman walalaŋgal.” ’ ”

Djon 3:13

Bäyŋu dhuwal ŋula waŋgany yolŋu marrtjinya balany djiwarr'lilnydja; ŋarrapin yan waŋganynha Gäthu'mirriŋun Yolŋun marŋgi ŋurukuny ŋunhi djiwarr'puywuny romgu, bili ŋarrapi ŋunhi yarrupthurrnydja räliny beŋuryiny djiwarr'ŋurnydja.”

God-waŋarrwuŋ djämapuy mala 2:35

yan bili ga miriŋuny nhuŋu dhu ŋunhi nyilŋ'maranhamirr warrpam' yan, bala nhe dhu ga ḻuku-ŋal'yunna, gorruman dhu ga ŋunhiliyin nhokiyingalaŋuwala nhe miriŋuwalnha malaŋuwal.’ ”

1 gorinlil dhäwu 15:25

Bili ŋayipin dhu ga ŋunhi nhina Djesu-Christnha ŋurruŋuny, ga yan bili ga bukmakkum yan ŋayi dhu God-Waŋarryu djuḻkmaramany ŋunhiwurrunhany ŋunhi walal nhanŋu miriŋu mala; bala walal dhu marrtji ŋorriny bukmaknha Garraywala yan ŋoyŋura ganydjarrŋurnydja.

Yipatjatjlil dhäwu 1:22

Bili God-Waŋarryuny Bäpaynydja ŋula nhäny mala ŋunhi nhirrparnydja bukmak yan nhanukala ḻukulilnydja Djesu-Christkalnha, ga nhinany ŋayi dhu ga ŋunhaliyiny ŋurruŋun yan, nhakun ŋayin ŋunhi ḻiyany bukmakkun ŋula nhakuny malaŋuw, ga bitjarryi bili ŋayi ŋunhi God-Waŋarryu nhirrparyi ŋanya Djesu-Christnhany ŋurruŋuyaŋalyi limurruŋguny yolŋuwnydja walalaŋ Garraywalaŋumirriwnydja.

Yeburuw 1:13

Bili yaka ŋayi ŋunhi God-Waŋarr waŋanha nhanukalaŋawnydja ŋayi djiwarr'puwuny dhäwu-gänhamirriw yolŋuw walalaŋ bitjanany, “Yo dhiyala walal nhininy dhunupa'ŋuŋura gali'ŋurnydja ŋarrakalnha, ga yän bili ga bäy ŋarra dhu djuḻkmaraŋ nhuŋu miriŋuny mala, walal dhu ga nhinany nhokalnha ganydjarrŋurnydja.”