Wlɔmö 7:1 - NAƆ ‑SË 'SËËDHƐ

¹ N dheebhang ‑nu, a‑ 'wɔn ‑dɔ "pɛɛpɛdhö ꞊dhɛ 'pë 'ö maa‑ pö ka ‑dhɛ bha ka‑ ‑dɔ 'nu ‑blɛɛsü, ‑a 'klɔɔ‑ ‑mü ꞊dhɛ ka 'tɔng‑ ‑dɔ 'kpakpadhö. Ka‑ 'wɔn ‑dɔ ꞊dhɛ mɛ 'ö 'yii ga ꞊kö, 'ö ‑tun ‑zë wo "yaan, kö‑ ‑mɛ ‑kɔ ‑yö ‑tun 'tɔng‑ ‑gɔ kpö ꞊wlöö ꞊naa bha. "Ɛɛn 'yaa "dhʋ̈ ‑ee?

Wlɔmö 7:1 ပူးပေါင်းရင်းမြစ်များ

Wlɔmö 1:13

N dheebhang ‑nu, ‑yö n "piʋ̈ ꞊dhɛ 'ka‑ 'wɔn dɔ ꞊dhɛ ‑nu ka "piʋ̈ mü ‑dhɔ ‑yö n ‑kë ‑kpɛawo, "kɛɛ ‑a "sɩ ꞊në 'yaa n ‑dhɛ. ‑Yö n "piʋ̈ ꞊dhɛ 'a nu kö 'a Yesu ‑wɔn ‑dhiang zë kaa‑ 'pö‑ bha‑ 'gü 'pö kö 'mɛ 'wo mü ‑wo 'dhang bho‑ "dhiʋ̈ ꞊dhɛ ‑kɔ 'a‑ ‑kë 'ka "sɛ ‑kpɛa 'wo to ‑a ‑nu 'gü ‑a 'dhö.

Wlɔmö 10:1

N dheebhang ‑nu, 'wɔn 'ö 'ma 'yaanu 'a n ‑zʋ gɔn‑ 'ka ‑kpɛawo Zuifö ‑nu ‑wɔn 'gü, 'ö 'a ꞊bhɛa Atanna ‑dhɛ ‑a ‑wɔn 'gü, yö ‑mü ꞊dhɛ kö ‑wo dha.

Wlɔmö 10:4

‑A 'dhɛ 'ö 'wii‑ 'gü ma bha yö ‑mü ꞊dhɛ Klisi ‑bha nu ‑sü bha, 'yö ‑kë Moizö ‑bha 'tɔng‑ ‑nu ‑gɔ ‑da 'plöö ‑sü 'ka. Yö ꞊në‑ ‑wɔn 'gü, 'yö mɛ "ʋʋ mɛ 'ö ꞊ya 'dhang bho yö ‑zë ‑wɔn "dhiʋ̈ "tʋ̈ng 'dhɛ 'kwa dɔ‑ 'ka ya‑ 'gü, kö ꞊ya kë "slʋ̈ʋ̈slʋ̈ Atanna wëëdhö.

Wlɔmö 6:14

‑A ‑gɛn ‑mü ꞊dhɛ ‑a ‑bha ‑gasitɛ ꞊në 'ka ‑kplü ‑sü 'ka‑ ‑bha ꞊taamasü ya‑ 'gü, 'ö 'ka ‑tosɛa kë sië‑ ꞊yënng 'gü. 'Kaa 'tɔng‑ ‑gɔ ‑kpla 'gü 'zü, 'wɔn 'ö‑ ‑wɔn 'gü 'yö 'wɔn yaa ‑kɔ 'yii 'dho ꞊mɔɔ ka ‑bha 'zü bha 'yö bha.

Wlɔmö 6:3

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑yö 'to ka "yaan ꞊dhɛ mɛ "pɛpɛ 'ö ꞊wa kwa ‑bɔ Yesu Klisi 'ka ‑zu bho 'ö 'kwa ‑kplü ‑a ‑bha bha kö ga 'ö‑ wo bha kwɛng‑ ‑nu kwa‑ ‑wo kwa "kwëë.

Wlɔmö 7:6

"Kɛɛ dɔ 'dhɛ 'kö 'kwa‑ wo ꞊taamasü ya‑ 'gü ya, 'kwa 'go 'tɔng‑ ‑gɔ ꞊dhuëngdhɛ 'gü, ‑a 'klɔɔ‑ ‑mü ꞊dhɛ pë 'ö gun kwa 'kun ‑sü 'ka 'yö kwa gun‑ ‑gɔ ‑kaso 'gü bha 'kwa ga‑ ‑pë ‑gɔ. ‑A ‑kë "dhʋ̈ ‑sü ‑wɔn 'gü, yë ‑dee 'dhɛ 'kwa‑ kë sië ꞊taamasü ya‑ 'gü, Atanna ‑bha kë 'gü bha‑ ‑bha 'Nii‑ "slʋ̈ʋ̈slʋ̈ bha ꞊në‑ kë ‑faan ‑da kwa 'gü. ‑A kë ‑kɔ zii 'dhɛ 'ö gun 'tɔng‑ "gblʋʋ ‑ta bha 'kwaa‑ ‑gɔ ‑kaso 'gü 'zü.

Wlɔmö 9:3

'Ma n ‑zʋ 'gɔn 'dhang 'ö 'wii‑ bho Klisi ‑wɔn "dhiʋ̈ bha‑ 'ka, ‑yö ‑kë n "piʋ̈ ꞊dhɛ 'kö 'zü Atanna ꞊ya "dhang ‑zian ꞊në‑ bho ma ‑zë n ‑bha ‑a ‑nu ‑wɔn 'gü, "ɛɛn 'kö 'zü 'ma "kan ‑zian ꞊në‑ wo Klisi ‑bha, "kɛɛ kö wo ‑zë ‑wo dha, ‑yö ‑dho 'kun bho n 'gü.

1 Kodhɛngtö 9:8

'Ma‑ pö "dhʋ̈ 'ya 'dho kë ka 'gü ꞊dhɛ 'pë 'ö mɛbhɩɩdhe ꞊në‑ bho ö ‑dɩ 'gü ‑a 'dhö. ‑A ‑gɛn ‑mü ꞊dhɛ ‑yö ‑bɛn zë ‑sü 'ka "dhʋ̈ 'pö Atanna ‑bha 'tɔng‑ 'ö Moizö ‑ya ‑bɛn zë bha‑ 'gü.

Gadhatö 4:21

'Mɛ ka‑ "piʋ̈ ꞊dhɛ 'ka 'to 'tɔng‑ ꞊gban ꞊wlöö bha 'ö ꞊ya kë ꞊dhɛ 'pë 'ö 'tɔng‑ ‑ya pö 'kaa‑ 'gü ꞊në‑ ma kö 'ka‑ pö n ‑dhɛ.