Wlɔmö 4:4 - NAƆ ‑SË 'SËËDHƐ

^4-5 ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'ö ö ‑zʋ gɔn ꞊dhɛ Atanna ‑dho ö dha ‑a ‑bha 'tɔng‑ ꞊bhlëë ‑ya ‑sü ꞊në‑ ‑wɔn 'gü, kö‑ ‑mɛ ꞊tɛni ꞊dhɛ 'mɛ 'ö ꞊saa ‑yë ‑kë ꞊në‑ 'dhö. 'Mɛ 'ö ꞊saa ‑yë ‑kë ꞊ya ö bo, ‑a ‑dhɛa ‑bha ꞊dhɛ ‑wa ꞊saa bho, 'waa‑ pö yö ‑zë ‑bha ꞊dhɛ 'ma gbaɔ‑ ‑mɛ ‑gɔ. Kö ꞊sua ꞊në 'wo‑ ‑kë, kö yë 'ö‑ ‑mɛ ‑ya ‑kë 'yö 'wo‑ ꞊saa bho. "Kɛɛ Atanna ‑bha mɛ ‑dha za ‑gɔ ‑sü bha 'yaa "dhʋ̈, gbaɔdhe ‑mü. ‑A ‑gɛn ‑mü ꞊dhɛ 'bha bo 'dhang bho ‑sü ‑zë 'ka Yesu ‑wɔn "dhiʋ̈ kö 'bɔn 'yaa i ‑bha 'zü ‑a wëëdhö. ꞊Ya kë "dhʋ̈ kö ‑a ‑yë 'i‑ ‑kë ꞊në 'mɛ?

Wlɔmö 4:4 ပူးပေါင်းရင်းမြစ်များ

Wlɔmö 11:6

'Sa ‑a ‑nu ‑ya 'ö‑ wo ‑dɩ ‑ta "dhʋ̈ bha, ‑a ‑gɛn 'yii ‑gban ‑a ‑nu këwɔn ‑së ‑nu ‑bha, ‑yö ‑gasitɛ ꞊në‑ ‑kë ‑nu ‑dhɛ, 'yaa yö ‑zë 'ka 'nu kö‑ kë 'ö‑ wo "dhʋ̈ bha 'wii 'dho‑ pö‑ ‑bha ꞊dhɛ ꞊ya ‑gasitɛ kë‑ ‑nu ‑dhɛ.

Wlɔmö 9:32

‑A ‑nu ‑fië ‑bha 'klɔɔ‑ ‑mü ‑më 'ka? ‑A 'klɔɔ‑ ‑mü ꞊dhɛ ‑a ‑nu ‑dɩ "dhia ‑ma Atanna 'gü ‑sü mɔɔ‑ 'wo gun‑ wo sië bha‑ ‑gɛn 'yii ‑gban ‑a ‑nu ‑bha ‑zʋ ‑yö ‑a ‑dhɛ ‑sü ‑bha, "kɛɛ ‑wo wo ‑zʋ ‑gɔn wo ‑dɩ faan 'ö Atanna ‑bha 'tɔng‑ 'kun ‑sü 'gü bha ꞊në‑ ‑dhɛ. ‑A kë 'wo‑ wo "dhʋ̈ bha ꞊në ‑kë ‑a ‑nu ‑gɛn "dhiʋ̈ ‑zuö ‑dhɛ 'ka.

Wlɔmö 11:35

'Dee 'wɔn ‑kë ‑a ‑dhɛ ‑blɛɛsü 'yö gun ‑na ‑a ‑gɔ "yɔɔ dɔ‑ ‑mɛ ‑gɔ?»

Wlɔmö 3:24

"Kɛɛ yö ‑zë "klʋ ‑yö ‑së. ‑Ya ‑zë ö ‑bha "klʋ ‑së ‑dhɛ bha ꞊në‑ ‑dhɛ 'yö‑ pö mɛ "ʋʋ mɛ 'ö ꞊ya 'dhang bho Yesu Klisi ‑wɔn "dhiʋ̈, kö‑ "tʋ̈ng 'yaa‑ ‑mɛ ‑bha 'wɔn yaa ‑wɔn 'gü 'zü, kö‑ ‑mɛ ꞊ya kë "slʋ̈ʋ̈slʋ̈ ꞊naa bha. ‑Yö ‑gasitɛ ꞊në‑ 'ka 'yö‑ ‑kë kwa ‑dhɛ "wɛɛwɛɛ, 'yö kwa kë 'mɛ 'ö ꞊sɔng 'yaa‑ ‑bha ‑a 'ka, Yesu Klisi ‑bha ‑kë kwa ‑gɔtadhɔmɛ 'ka ‑sü 'saa‑ 'gü.