Wlɔmö 4:2 - NAƆ ‑SË 'SËËDHƐ

² ꞊Ya kë 'nu ꞊dhɛ 'wɔn ‑së 'ö Ablaamö ‑ya ‑kë ꞊në Atanna ‑ya zë‑ ‑wɔn ‑dhɛ 'yö‑ pö‑ ‑bha ꞊dhɛ 'bɔn 'yaa‑ ‑bha, kö Ablaamö ‑mɔɔ ‑bha 'nu 'ö 'tɔ kun Atanna ‑ta. "kɛɛ 'yii‑ kë "dhʋ̈. ‑A 'tɔ ‑kun Atanna ‑ta ‑gɛn 'yii ꞊slɔɔ yö ꞊në‑ ‑wɔn 'gü.

Wlɔmö 4:2 ပူးပေါင်းရင်းမြစ်များ

Wlɔmö 15:17

‑A ‑kë "dhʋ̈ ‑sü ‑wɔn 'gü, a ‑mɔɔ ‑bha 'a n ‑tɔ kun Atanna wëëdhö Yesu Klisi 'saa‑ 'gü ‑a ‑bha yë 'a‑ kë sië bha‑ ‑wɔn 'gü.

1 Kodhɛngtö 1:29

‑A ‑kë "dhʋ̈ ‑sü bha‑ 'gü, mɛ 'bha 'yaa 'dhö kö ‑ya pö yö ‑zë ö ‑dho ö 'tɔ 'kun Atanna wëëdhö.

1 Kodhɛngtö 1:31

Kë "dhʋ̈ kö 'wɔn 'ö Atanna ‑wʋ ‑ya pö ꞊dhɛ: «Mɛ 'ö 'tɔ 'kun ‑dhɔ 'dhö‑ ‑bha ‑a ‑dhɛa ‑bha ꞊dhɛ ‑a ‑mɛ ‑yö ö 'tɔ 'kun 'wɔn 'ö kwa Dëmɛ ‑ya ‑kë bha ꞊në‑ ‑wɔn 'gü» bha‑ 'gü ‑wɔn ‑yö kë.

1 Kodhɛngtö 4:7

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ 'bha fië‑ 'yaa 'dhö mɛ 'bha 'ka. ‑A ‑gɛn ‑mü ꞊dhɛ 'kö 'bha kë ‑duɛ 'kpii‑ 'gü kö Atanna ꞊në i ‑ya mü. ‑A ‑kë "dhʋ̈ ‑sü bha‑ 'gü, 'bha 'dho i ‑dɩ 'sü 'kpii‑ i ‑ya ‑yɛa bha‑ 'gü ‑wɔn 'gü ꞊dhɛ 'pë 'wii‑ nu ‑zë wo i ‑dhɛ, 'i‑ ꞊slɔɔ i ‑dɩ faan ꞊në‑ ‑bha ‑a 'dhö.

1 Kodhɛngtö 9:16

‑A ‑gɛn ‑mü ꞊dhɛ n ‑bha Atanna ‑wʋ 'a‑ pö sië bha gamɛ 'gü ‑wɔn 'yaa ‑mü. ‑Zun "dhiʋ̈ ‑mü. 'Maa ꞊mɔɔ‑ ‑bha kö 'a n 'tɔ 'kun‑ 'gü 'wɔn 'ö‑ 'gü bha 'yö bha, 'mii‑ kë "dhʋ̈ 'yaa n ‑bha ‑së.

2 Kodhɛngtö 11:12

"Kɛɛ 'mii 'dho n ‑kɔ ‑ya ka ꞊kwɛɛ ‑naɔ ‑bha, 'sa a 'dho‑ kë "dhʋ̈ ‑kpɛawo 'a dho‑ 'ka, kë "dhʋ̈ kö 'mɛ 'wo 'wɔn ‑dɔ 'gü ‑gɔ mɔɔ‑ sië kë "dhʋ̈ kö ‑wa pö wo ‑bha ꞊dhɛ yɛng‑ ‑nu yi yë kë ‑kɔ do bha ꞊në 'yiʋ̈‑ ‑yö dɔ‑ ‑nu ‑bha kö 'wa 'dho‑ ‑dɔ 'gü ‑gɔ bha‑ ꞊slɔɔ.

2 Kodhɛngtö 11:30

꞊Ya kë ꞊dhɛ ꞊ya 'to 'tɔ 'kun ‑sü ‑bha, kö ma ‑zë a ‑dho n 'tɔ 'kun n ‑ma "sɩ 'yaa n ‑dhɛ ‑sü ꞊në ‑bha.

2 Kodhɛngtö 5:12

'Ya 'dho kë ka 'gü ꞊dhɛ yi yi ‑dɩ ꞊gɔɔn ‑dee 'bha ꞊në‑ bho sië kö yi "dhia ‑yö 'ma ka 'gü. ‑A pö 'yi‑ wo "dhʋ̈ bha yi‑ ‑pö "dhʋ̈ kö ka ꞊në ka ‑gɛn gbɔ‑ kë "gblʋ̈gblʋ̈, ka ‑kë yi "sɛɛ‑ 'gü ‑sü ‑wɔn 'gü, kë "dhʋ̈ kö 'mɛ 'ö wo ‑zë 'wo wo 'tɔ kun 'wɔn ‑nu 'ö mɛ "yan ‑bha kun ꞊në‑ 'gü, 'ö 'waa wo 'tɔ 'kun zuëga ‑së ‑kë ‑a ‑nu "gblʋ̈ʋ̈‑ ‑wɔn ‑zë 'gü bha ꞊wa pë "ʋʋ pë 'ö‑ pö, kö‑ ‑yɔ ‑yö ꞊slɔɔ ka ‑gɔ.

Efɛzö 2:9

'Yii 'sü ka këwɔn ‑së ‑nu ‑bha, kë "dhʋ̈ kö mɛ 'bha 'ya 'dho‑ pö 'ö ö 'tɔ 'kun.

Fidhipö 3:9

Kë "dhʋ̈ 'zü kö 'a 'to‑ ꞊kwɛɛ‑. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'maa n ‑zʋ 'gɔn ꞊taamasü ya‑ 'gü ꞊dhɛ Atanna ‑bha 'tɔng‑ 'kun ‑sü ꞊në n "sɛɛdhɛ ꞊gban bho n ‑bha ‑a wëëdhö, "kɛɛ 'dhang 'a‑ bho Klisi "dhiʋ̈ ꞊në n "sɛɛdhɛ ꞊gban bho n ‑bha, ‑a ‑gɛn ‑mü ꞊dhɛ mɛ "sɛɛdhɛ ‑bho mɛ ‑bha ‑kɔ 'dhɛ kö bha ‑yö ‑go Atanna ꞊në‑ 'gü, mɛ ‑dɩ faan 'yaa ‑mü, ‑ya ‑kë "dhʋ̈ 'mɛ 'ö 'dhang bho Klisi "dhiʋ̈ ꞊në‑ ‑dhɛ.