Wlɔmö 4:1 - NAƆ ‑SË 'SËËDHƐ

¹ ‑Ka ‑dhɛ ‑ga, Ablaamö bha ꞊në 'mɛ 'kwa Zuifö 'ka kwa 'ziʋ̈‑ 'kpii‑ 'ka. "Kɛɛ ‑a pö 'ö Atanna ‑ya wo yi 'bha 'ka ꞊dhɛ pö 'yaa‑ ‑bha bha ‑yö kë ‑kɔ ‑kë ꞊dhɛ?

Wlɔmö 4:1 ပူးပေါင်းရင်းမြစ်များ

Wlɔmö 4:16

Yö ꞊në‑ ‑wɔn 'gü, 'yö 'mɛ 'ö Atanna ‑yö "plüün bha‑ bho‑ ‑nu ‑dhɛ bha 'wo‑ ꞊slɔɔ ‑zʋ ‑yö ‑a ‑dhɛ ‑sü ꞊në‑ "gblʋʋ "piʋ̈. Kë "dhʋ̈ kö ‑yö kë 'pë 'ö‑ ꞊gbaɔ "wɛɛwɛɛ ꞊në‑ 'ka, kö 'ya 'dho 'to Zuifö ‑nu 'ö wo ‑zë ‑a ‑bha 'tɔng‑ 'dhö‑ ‑nu ‑gɔ bha woo do‑ ‑nu ‑bha 'wɔn 'ka, "kɛɛ kö ‑yö kë mɛ "pɛpɛ 'wo dho 'dhang bho‑ "dhiʋ̈ ‑a ‑nu ꞊gban ‑bha 'wɔn 'ka ꞊dhɛ ‑kɔ 'ö ‑kë 'ka mɛ ꞊gban "pɛpɛ kwa "bhɛma Ablaamö ‑dhɛ yi 'bha 'ka bha‑ 'dhö. ‑A ‑gɛn ‑mü ꞊dhɛ ‑yö ‑bɛn zë ‑sü 'ka Atanna ‑gɔ 'sëëdhɛ 'gü ꞊dhɛ:

2 Kodhɛngtö 11:22

‑A ‑gɛn ‑mü ꞊dhɛ ꞊wa kë Eblö 'ka, kö mang ‑dɩ 'pö a‑ 'ka, ꞊wa kë Izraɛdhö mi 'ka, kö mang ‑dɩ 'pö a‑ 'ka, ꞊wa kë Ablamö suu ‑nu 'ka, kö mang ‑dɩ 'pö a‑ 'ka,

Këwɔn ‑nu 13:26

'Yö Pɔdhö ‑ya pö: «N dheebhang ‑nu, ka 'ö 'ka ‑kë Ablaamö suugümɛ ‑nu 'ka, waa‑ 'mɛ 'ö 'kaa Zuifö 'ka "kɛɛ 'ö 'ka Atanna ꞊bhlëë ‑zë ‑ya, kwa ꞊në naɔ ‑së 'ö ‑kë dha ‑sü ‑naɔ 'ka bha 'ö nu kwa ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 8:56

'Sa kö ka 'ziʋ̈‑ Ablaamö ‑zë ‑yö ö ‑zʋ ‑gɔn ꞊dhɛ ö ‑dho n nu "tʋ̈ng yö, 'yö ö ‑sëkë "dhiʋ̈, "kɛɛ kö‑ yi‑ ‑tun mü ꞊gblɛɛn. ꞊Dhɛ 'ö‑ "yan 'dhö ‑da ‑a ‑dhɛ 'gü, ‑a ꞊nii‑ kë ‑da.»

Wlɔmö 7:7

"Kɛɛ ꞊ya kë 'sa "dhʋ̈ bha ‑oo, kö ꞊dhɛ ꞊në bha? Kö Atanna ‑bha 'tɔng‑ bha ꞊në pë yaa 'ka bha ‑ee? ‑Abin! "Kɛɛ ‑a 'klɔɔ‑ 'ö mü yö ‑mü ꞊dhɛ Atanna ‑bha 'tɔng‑ bha ꞊në‑ ‑zɔn n ‑dhɛ ꞊dhɛ 'wɔn 'dhɛ 'ö ꞊ni ꞊waa‑ kë kö 'wɔn yaa ꞊në bha, 'yö‑ ‑wɔn 'gü 'yö 'a 'wɔn yaa dɔ. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ꞊ya kë ꞊dhɛ Atanna ‑bha 'tɔng‑ bha 'yii ‑dhio dɔ 'nu kö ‑ya pö ꞊dhɛ i zuë" ya 'dho bhɔ pë ‑bha, kö 'maa zuë" ‑bhɔ pë ‑bha ‑sü dɔ 'wɔn yaa 'ka.

Matiö 3:9

'Ka 'dho‑ pö ka ‑dɩ ‑dhɛ ꞊dhɛ: «Ablaamö suu ‑mü yi 'ka, (ö "dhʋ̈ kö Atanna 'yii 'dho za dɔ ka ‑bha)», ‑a ‑gɛn ‑mü ꞊dhɛ Atanna ‑mɔɔ ‑bha 'ö ‑gwë ‑nu ya‑ ‑nu ‑gla Ablaamö suu 'gü ‑në ‑nu 'gü!

Wlɔmö 8:31

꞊Ya kë "dhʋ̈ kwa ‑dho ‑a pö 'sa ꞊dhɛ? Atanna ‑zë ꞊ya bo bɔ ‑sü 'ka kwa 'ka, kwa 'yaɔ‑ ‑mɛɛ ꞊në ‑kɔ dho ꞊mɔɔ kwa ‑bha?

Naɔ ‑së 'ö ‑gban Yesu Klisi ‑bha 'ö Zan ‑ya pö 8:53

"Ɛɛn ꞊ya kë "dhʋ̈ kö bhi ‑zë i fië‑ ꞊në 'dhö yi dë Ablaamö 'ö yö ‑zë ꞊ya ga bha‑ 'ka bha ‑ee? Atanna ‑wʋdhiʋ̈loomɛ ‑nu ꞊gban ꞊wa ga ‑dhɛ 'ö‑ ‑bha bha bhi ‑zë de ‑mü i 'ka ('yö 'i‑ pö 'mɛ ꞊ya 'dhang bho i "dhiʋ̈ 'yii 'dho ga tongtongdhö)?»

Naɔ ‑së 'ö ‑gban Yesu Klisi ‑bha 'ö Zan ‑ya pö 8:33

'Yö 'wo‑ ‑yɔ bɔ‑ ‑gɔ 'wo‑ pö: «Ablaamö suu ‑mü yi 'ka, 'yii ‑da ꞊dhuëngdhɛ 'gü mɛ 'bha ‑gɔ do, ‑yö kë ‑kɔ ‑kë ꞊dhɛ 'yö 'i‑ pö yi ‑dho 'go ꞊dhuëngdhɛ 'gü?»

Dhukö 3:8

'Ö ꞊ya kë ꞊dhɛ 'ka ka bo ka sɔng 'ka ꞊dedewo tɛan‑ 'ka kö ‑kaa ‑zɔn ka "ta ‑kɔ ‑bha kö mɛ ꞊gban ‑wa ‑dhɛ yö ꞊dhɛ 'ka ka zuë" slëë" ꞊dedewo tɛan‑ 'ka, 'ka 'dho‑ pö ka ‑dɩ ‑dhɛ ꞊dhɛ Ablaamö suu ‑mü ka 'ka ('ö "dhʋ̈ kö Atanna ‑bha 'në ‑nu ‑mü ka 'ka ꞊naa bha), ‑a ‑gɛn ‑mü ꞊dhɛ a‑ pö ka ‑dhɛ ꞊dhɛ ‑yö ‑mɔɔ ‑bha 'ö ‑gwë ‑nu ya‑ ‑nu ‑gla Ablaamö suu 'gü ‑në ‑nu 'gü.

Eblö 12:9

‑Kaa 'suan‑ bho kwa 'kpɔ ‑dë ‑nu 'wo "kpʋng ꞊taa ya‑ ‑nu ‑bha. ‑Wo kwa "klʋ ꞊në‑ bho kwa 'nëdhɛ 'gü 'yö 'kwa ꞊bhlëë ‑ya ‑nu ‑bha. ꞊Ya kë "dhʋ̈ 'yö kwa Dë 'kö dhang‑ 'gü ꞊wɛ? ‑A ‑dhɛa ‑bha ꞊dhɛ 'kwa kwa ‑gɔ 'dho‑ ‑dhɛ "sia‑ kö 'kwa dha.

Wlɔmö 6:1

꞊Ya kë "dhʋ̈ kö 'wɔn bha‑ ‑gɔ 'kwa‑ sü‑ 'gü yö ‑mü ‑më 'ka? Kwa ‑dho zë Atanna ‑bha ‑gasitɛ ‑kë kwa ‑dhɛ ‑sü ‑wɔn ꞊në‑ ‑dhɛ kö 'kwa ‑tosɛa kë 'wɔn yaa 'gü ‑kpɛawo 'kwa 'dho‑ 'ka, kë "dhʋ̈ kö ‑yö ö ‑bha ‑gasitɛ bha‑ 'bha ‑da 'gü 'pö ‑kpɛawo ‑ee?

Wlɔmö 1:3

Yö 'ö bha ꞊në ꞊ya kë mɛbhɩɩdhɛ 'gü, 'yö ‑kë Davi ‑bha 'në 'ka,

Wlɔmö 3:5

'Yö ꞊ya kë 'sa "dhʋ̈ kö kwa ‑dho ‑a pö ꞊dhɛ? ꞊Ya kë ꞊dhɛ kwa ‑bha 'wɔn yaa kë ‑sü ꞊në ꞊ya kë‑ ‑zɔn ‑pë 'ka ꞊dhɛ Atanna ‑yö dhiang ‑zë tɛan‑ ‑ta bha ‑oo, kö‑ 'wɔn ‑wɔ kwa ‑ta ‑gɛn 'yaa 'dhö 'sa kö 'kwa 'wɔn yaa kë ‑dhe! "Ɛɛn ꞊dhɛ? ꞊Ya kë "dhʋ̈ kö 'yii 'wɔn wɔ kwa ‑ta ꞊flü ‑ta ꞊naa bha ‑ee? ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ 'gbɛ ‑wo wo ‑zʋ ‑gɔn ꞊dhɛ ‑kɔ bha ꞊në‑ 'dhö.