Wlɔmö 10:4 - NAƆ ‑SË 'SËËDHƐ

⁴ ‑A 'dhɛ 'ö 'wii‑ 'gü ma bha yö ‑mü ꞊dhɛ Klisi ‑bha nu ‑sü bha, 'yö ‑kë Moizö ‑bha 'tɔng‑ ‑nu ‑gɔ ‑da 'plöö ‑sü 'ka. Yö ꞊në‑ ‑wɔn 'gü, 'yö mɛ "ʋʋ mɛ 'ö ꞊ya 'dhang bho yö ‑zë ‑wɔn "dhiʋ̈ "tʋ̈ng 'dhɛ 'kwa dɔ‑ 'ka ya‑ 'gü, kö ꞊ya kë "slʋ̈ʋ̈slʋ̈ Atanna wëëdhö.

Wlɔmö 10:4 ပူးပေါင်းရင်းမြစ်များ

Matiö 3:15

"Kɛɛ 'yö Yesu ‑ya pö‑ ‑dhɛ 'ö‑ pö: «‑Bhö "wɩ‑ ‑bha kö ‑yö kë "dhʋ̈ ꞊kö "tʋ̈ng ya‑ 'gü, ‑a ‑gɛn ‑mü ꞊dhɛ ‑a ‑dhɛa ‑bha ‑dhɛ 'a‑ kë ꞊dhɛ ‑kɔ 'ö Atanna ‑ya pö‑ 'ka ꞊në‑ 'dhö.» 'Yö Zan ‑yö ‑wɩ ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:17

'Ö gun yi 'bha 'ka, Atanna ‑yö bɔ Moizö ꞊në‑ ‑ta 'yö 'tɔng‑ nu kwa ‑dhɛ. "Kɛɛ ‑a ‑bha "klʋsëdhɛ waa‑ tɛanwɔn 'ö ‑gban ‑bha bha, ‑yö ‑bɔ Yesu Klisi ꞊në‑ ‑ta 'yö nu kwa "piʋ̈ ꞊dɛɛ ‑yën ya‑ 'gü.

Wlɔmö 3:22

‑A zian 'ö "dhʋ̈ bha yö ‑mü ꞊dhɛ ꞊ya kë ꞊dhɛ 'kwa 'dhang bho Yesu Klisi "dhiʋ̈ ꞊dhɛ ‑yö ‑mɔɔ ‑bha 'ö kwaa‑ 'wɔn yaa ‑nu bho kwa ‑bha, kö Atanna ꞊ya kwa "zu ꞊naa bha, kö ꞊sɔng 'yaa kwa ‑bha 'zü. Mɛ "pɛpɛ 'kö ꞊wa 'dhang bho 'wɔn bha‑ "dhiʋ̈, ‑yö ‑kë mɛ suu "ʋʋ suu 'ö‑ 'ka, 'yaa‑ ‑nu ‑bho 'ko "piʋ̈ kë, ‑ya ‑kë ‑a ‑nu ꞊gban ‑dhɛ ꞊dhɛ 'ko 'dhö.

1 Kodhɛngtö 1:30

"Kɛɛ ka ‑kplü 'ö Atanna ‑ya wo Klisi ‑bha, 'ö yö ꞊në kwa "yaaki 'ka bha ‑yö ‑ga yö ꞊në‑ 'gü. Klisi bha ꞊në 'kwa bɔ‑ ‑ta 'yö pö 'yaa kwa ‑bha Atanna wëëdhö, 'yö 'kwa ꞊mɔɔ‑ ‑bha 'kwa ‑tosɛa ‑kë ‑a ‑bha kë 'gü, 'yö kwa dha 'wɔn yaa ‑gɔ.

Gadhatö 3:24

‑A ‑kë "dhʋ̈ ‑sü bha‑ 'gü, 'tɔng‑ ꞊në gun "yan 'to sië kwa ‑bha 'ö dho 'ö zun‑ 'ka Klisi nu ‑yi ‑bha, kë "dhʋ̈ kö kwa ‑kë "slʋ̈ʋ̈slʋ̈ ‑sü 'ö Atanna wëëdhö bha‑ ‑gɛn ‑yö ‑gban 'dhang ‑bho Yesu "dhiʋ̈ ‑sü ꞊në‑ ‑bha.

Gadhatö 4:5

Kë "dhʋ̈ kö ö ‑kɔ ‑yö ꞊mɔɔ 'mɛ 'wo gun 'pö ꞊dhuëngdhɛ 'gü 'tɔng‑ bha‑ ‑gɔ bha‑ ‑nu dha ‑sü ‑bha, kë "dhʋ̈ kö 'kwa kë 'pö Atanna ‑bha 'në 'ka.

Kodhɔsö 2:10

Yö 'ö bha ꞊në 'ka pë ꞊gban "pɛpɛ ꞊slɔɔ‑ "dhiʋ̈ 'yö‑ "piʋ̈ 'yaa 'to. ‑A ‑gɛn ‑mü ꞊dhɛ yö ꞊në Atanna ‑ya ‑ya "yina suu ꞊gban waa‑ ‑kɔ ‑ziö mɛ "bhɩɩ‑ ‑gɔ ‑pë ꞊gban "pɛpɛ suu ‑gɔ "dhiʋ̈.

Kodhɔsö 2:17

‑A ‑gɛn ‑mü ꞊dhɛ "kian 'kpɔ ‑sü bha ‑yö ‑gun 'wɔn 'ö Atanna yöö‑ kë ꞊në‑ "blɛɛn‑ 'ka, "kɛɛ 'wɔn 'ö "dhʋ̈ bha‑ tɛanwɔn ꞊dede 'ö‑ 'gü yö ‑mü Klisi ꞊në‑ 'ka.

Eblö 10:14

‑A ‑kë "dhʋ̈ ‑sü bha‑ 'gü, ö ‑dɩ nu ‑kɔ do 'ö‑ ‑kë bha ꞊në‑ ‑kë, 'yö pö 'aa 'mɛ 'ö‑ ‑nu ‑bha 'wɔn yaa bho‑ ‑nu ‑bha bha‑ ‑nu ‑bha 'zü Atanna wëëdhö tongtongdhö.