Wlɔmö 10:3 - NAƆ ‑SË 'SËËDHƐ

³ ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑kɔ 'ö Atanna ‑yö mɛ ‑kë 'ka "slʋ̈ʋ̈slʋ̈ ö wëëdhö bha, 'wii‑ 'gü ma, 'yö woo ꞊dede 'wo dho 'wo wo ‑dɩ ‑kë "slʋ̈ʋ̈slʋ̈ "slë ꞊mɔɔ wo ‑dɩ ‑dhɛ.

Wlɔmö 10:3 ပူးပေါင်းရင်းမြစ်များ

Dhukö 10:29

"Kɛɛ 'yaa gun 'tɔnggɔmɛ bha‑ "piʋ̈ ꞊dhɛ dhiang ‑yɔ ‑yö 'to ö ‑ta, 'yö‑ pö Yesu ‑dhɛ: «De suu ꞊në 'wo‑ ‑dhɛ mɛ këyɔɔ?»

Dhukö 16:15

‑Ya ‑pö ‑nu ‑dhɛ yö ꞊në‑ ‑wɔn 'gü 'ö‑ pö: «Fadhiziɛn ‑nu, ka ‑zë ‑kɔ 'ka dho‑ kë‑ 'ka kö 'ka bhɔ mɛ ‑nu 'gü Atanna dhɔɔbhaawɔn kë ‑mɛ ‑bha ꞊në 'ka‑ ‑dhɛ ꞊mɔɔ, "kɛɛ 'sa kö yö ‑zë ‑yö ‑dhɛ yö ka zuë" "piʋ̈. 'Pë 'ö mɛ "bhɩɩ‑ ‑nu ‑zë ‑a ‑nu 'gü pë ‑së 'ka bha ꞊në yö ‑zë 'gü pë ‑yënngsü 'ka.

Wlɔmö 1:17

'Pë 'ö‑ ‑kë "dhʋ̈ bha‑ 'klɔɔ‑ ‑mü ꞊dhɛ ‑a naɔ ‑së bha ꞊në ‑kɔ 'ö mɛ ꞊ya kë‑ 'ka 'yö Atanna ‑yö mɛ ‑kë 'kpëdhö bha‑ ‑zɔn kwa ‑dhɛ ꞊dhɛ: Pë "wɛɛ 'bha 'kö dho bɔ‑ ‑ta kö ‑yö mɛ ‑mawɔn 'to 'yaa 'dhö kö 'yii kë 'dhang ‑bho ö "dhiʋ̈ ‑sü kö ‑wo wo ‑zʋ yö ö ‑dhɛ ‑zë 'ka, ꞊dhɛ ‑kɔ 'ö ‑bɛn zë ‑sü 'ka‑ 'ka ‑a ‑bha 'sëëdhɛ 'gü ‑a 'dhö ꞊dhɛ: «'Mɛ 'ö ö ‑zʋ yö Atanna ‑dhɛ, ‑a ‑mɛ ‑dho dha ö ‑bha 'dhang ‑bho ‑a "dhiʋ̈ ‑sü bha ꞊në‑ ‑wɔn 'gü, 'yö ‑tosɛa ‑së kë "kpʋng ꞊taa, 'yö dho 'yö‑ 'bha ‑kë ‑a "piʋ̈ dhang‑ 'gü ‑todhʋ̈ 'ka.»

Wlɔmö 10:2

‑A 'klɔɔ‑ ‑mü ꞊dhɛ a 'dhang ‑bho "dhiʋ̈ 'kpakpadhö 'a ꞊mɔɔ‑ ‑bha 'a‑ "sɛɛdhɛ ‑kë ‑a ‑nu ‑bha ꞊dhɛ Atanna ‑dhɔkë ‑sü ‑pɛng ‑yö ‑dɔ ‑nu ‑ta, "kɛɛ ‑a 'gü ꞊në 'wii‑ ma.

Wlɔmö 10:20

Ezai ‑zë ‑zianwo ‑yö ‑ziö 'dhɛ bha‑ ‑ta 'ö‑ pö: Atanna ‑ya ‑pö: 'Mɛ 'waa gun n mɔɔ‑ sië bha ꞊në ꞊wa n yö, 'yö 'ma n ‑dɩ ‑zɔn 'mɛ 'waa gun n ‑wɔn ‑bha 'gü dhɛɛ" ‑zian kë sië bha‑ ‑nu ‑dhɛ.»

Wlɔmö 11:7

'Sa ꞊ya kë "dhʋ̈ kö kwa ‑dho ‑a pö ꞊dhɛ ꞊naa bha? Kö dha ‑dhɛ 'ö Izraɛdhö ‑mɛ ‑nu gun‑ mɔɔ‑ sië Atanna wëëdhö bha 'wii‑ yö. Mɛ 'dhɛ 'ö‑ ‑nu sü ö ‑bha 'ka bha ꞊në 'wo kë‑ yö, 'yö mɛ ‑kpɛa 'wo to ‑a ‑nu gɔɔ ‑kë "gbɩɩ‑ ꞊dhɛ ‑kɔ do 'ö ‑bɛn zë ‑sü 'ka‑ 'ka ‑a ‑wʋ 'sëëdhɛ 'gü bha‑ 'dhö ꞊dhɛ:

Wlɔmö 3:22

‑A zian 'ö "dhʋ̈ bha yö ‑mü ꞊dhɛ ꞊ya kë ꞊dhɛ 'kwa 'dhang bho Yesu Klisi "dhiʋ̈ ꞊dhɛ ‑yö ‑mɔɔ ‑bha 'ö kwaa‑ 'wɔn yaa ‑nu bho kwa ‑bha, kö Atanna ꞊ya kwa "zu ꞊naa bha, kö ꞊sɔng 'yaa kwa ‑bha 'zü. Mɛ "pɛpɛ 'kö ꞊wa 'dhang bho 'wɔn bha‑ "dhiʋ̈, ‑yö ‑kë mɛ suu "ʋʋ suu 'ö‑ 'ka, 'yaa‑ ‑nu ‑bho 'ko "piʋ̈ kë, ‑ya ‑kë ‑a ‑nu ꞊gban ‑dhɛ ꞊dhɛ 'ko 'dhö.

Wlɔmö 3:26

("Kɛɛ ꞊ya ‑kɔ 'ö 'bɔn bho‑ 'ka mɛbhɩɩdhe ‑bha ‑a ‑zɔn "tʋ̈ng ya‑ 'gü.) 'Sa ‑ya ‑kë "dhʋ̈ kö 'wa 'dho "yi ꞊në yö ö ‑gɔ we "piʋ̈, kö 'ya‑ pö 'mɛ 'ö ꞊ya 'dhang bho Yesu ‑wɔn "dhiʋ̈ ‑a ‑bha ꞊dhɛ 'bɔn 'yaa‑ ‑bha, kö 'ya 'dho kë pö ‑ya ö ‑bha ‑gɛn 'ka.

Wlɔmö 5:19

Mɛ dosengseng ‑bha ‑da Atanna "dhiʋ̈ ‑sü ꞊në pö ‑ya mɛ 'gbɛ ‑bha ‑a wëëdhö. ‑Kɔ do bha‑ 'gü 'pö Yesu Klisi yöö doseng ‑a ‑bha Atanna ꞊bhlëë 'ö‑ ‑ya bha ꞊në dho mɛ 'gbɛ dha, 'yö ꞊sɔng bho‑ ‑nu ‑bha Atanna wëëdhö.

2 Kodhɛngtö 5:21

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi bha 'yii 'wɔn yaa kë tongtongdhö, "kɛɛ Atanna ‑yö kë kwaa‑ 'wɔnyaa ‑nu ‑kwɛɛ ‑ya yö ꞊në‑ ꞊gbin‑ 'yö‑ ‑dhii kun kpɔnkplɔndhö ꞊dhɛ 'pë 'ö yöö ꞊dede ‑zian ꞊në 'wɔn yaa 'ka ‑a 'dhö. ‑A kë 'ö‑ wo "dhʋ̈ bha ‑ya ‑kë "dhʋ̈ kwa ꞊në kwa ‑wɔn 'gü, kë "dhʋ̈ kö 'kwa bɔ Klisi 'ka, kö ꞊sɔng 'bha 'ya 'dho kë kwa ‑bha ö wëëdhö.

Fidhipö 3:9

Kë "dhʋ̈ 'zü kö 'a 'to‑ ꞊kwɛɛ‑. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'maa n ‑zʋ 'gɔn ꞊taamasü ya‑ 'gü ꞊dhɛ Atanna ‑bha 'tɔng‑ 'kun ‑sü ꞊në n "sɛɛdhɛ ꞊gban bho n ‑bha ‑a wëëdhö, "kɛɛ 'dhang 'a‑ bho Klisi "dhiʋ̈ ꞊në n "sɛɛdhɛ ꞊gban bho n ‑bha, ‑a ‑gɛn ‑mü ꞊dhɛ mɛ "sɛɛdhɛ ‑bho mɛ ‑bha ‑kɔ 'dhɛ kö bha ‑yö ‑go Atanna ꞊në‑ 'gü, mɛ ‑dɩ faan 'yaa ‑mü, ‑ya ‑kë "dhʋ̈ 'mɛ 'ö 'dhang bho Klisi "dhiʋ̈ ꞊në‑ ‑dhɛ.

2 Piɛdhö 1:1

Mang Simɔ Piɛdhö ‑mɛ 'a ‑kë Yesu Klisi ‑bha bɔmɛ 'ka, 'a ‑ya mü 'zü 'a ‑kë "yi ‑dɔ ‑a ‑kɔ ‑bha ‑mɛ 'ka bha ma ꞊në 'a 'sëëdhɛ ya‑ bɔ, mɛ "pɛpɛ 'ka bɔ‑ 'ka, 'ö kwɛng‑ ‑nu kwa ‑bha 'dhang bho ‑a "dhiʋ̈ ‑sü ꞊bhlëë 'dhö ꞊dhɛ 'ko 'dhö, kwa ‑bha Atanna kwa Dhamɛ Yesu Klisi 'ö 'yaa bɔ mɛ 'ka ꞊flü ‑wɔn 'gü bha‑ 'saa‑ 'gü bha ka ‑dhɛ.