Wlɔmö 10:2 - NAƆ ‑SË 'SËËDHƐ

² ‑A 'klɔɔ‑ ‑mü ꞊dhɛ a 'dhang ‑bho "dhiʋ̈ 'kpakpadhö 'a ꞊mɔɔ‑ ‑bha 'a‑ "sɛɛdhɛ ‑kë ‑a ‑nu ‑bha ꞊dhɛ Atanna ‑dhɔkë ‑sü ‑pɛng ‑yö ‑dɔ ‑nu ‑ta, "kɛɛ ‑a 'gü ꞊në 'wii‑ ma.

Wlɔmö 10:2 ပူးပေါင်းရင်းမြစ်များ

Këwɔn ‑nu 21:20

꞊Dhɛ 'ö ꞊waa‑ ‑wʋ ‑nu bha‑ ma, 'yö 'wo ‑ya Atanna 'tɔ bhɔ ‑sü ‑bha. 'Yö 'wo‑ pö Pɔdhö ‑dhɛ: «Yi dheebhang, ‑bhö ‑dhɛ ‑ga, pë ‑nu 'wo kë sië Zedhizadhɛmö ‑pö ya‑ 'gü ‑a ‑nu ‑ga 'wo ya: Zuifö ‑nu "gblü drun 'gbɛ ꞊dede ꞊wa 'dhang bho Yesu ‑wɔn "dhiʋ̈. ‑A ‑nu ꞊gban "pɛpɛ ‑wo Atanna ‑bha 'tɔng‑ ‑nu 'ö Moizö ‑ya nu kwa ‑dhɛ bha‑ ‑kun ‑së 'ka.

Fidhipö 3:6

꞊Ya 'to 'zü 'wɔn ‑pɛng ‑dɔ wo ꞊gbin‑ ‑sü ‑bha, kö mɛ‑ ‑dho kë n "dhiʋ̈, "kɛɛ kö 'waa 'gbɛ, ‑a ‑gɛn ‑mü ꞊dhɛ ꞊gbaɔn 'a‑ wo Atanna ‑bha 'kɔdhigümɛ ‑nu ‑ta, ‑a "sinma 'yaa 'dhö. ꞊Ya 'to 'zü Atanna ‑bha 'tɔng‑ 'kun ‑sü ‑zë ‑bha, n ‑mɔɔ 'ka 'yaa 'dhö.

Fidhipö 1:9

'Wɔn 'ö ꞊ya kë 'a‑ ‑dhɛ ‑gɔ kö a bhɛa" sië‑ ‑dhɛ, yö ‑mü ꞊dhɛ kö ‑dhɔ 'ö ka 'gü bha ‑ya 'bha ‑da ‑ta ‑kpɛawo, kö ‑a dhɔɔbhaawɔn ‑nu ‑bho 'koo dɔ ‑sü 'ö 'kpakpadhö bha ‑yö kë ka ‑gɔ ‑dhɔ bha‑ 'gü.

Wlɔmö 10:3

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑kɔ 'ö Atanna ‑yö mɛ ‑kë 'ka "slʋ̈ʋ̈slʋ̈ ö wëëdhö bha, 'wii‑ 'gü ma, 'yö woo ꞊dede 'wo dho 'wo wo ‑dɩ ‑kë "slʋ̈ʋ̈slʋ̈ "slë ꞊mɔɔ wo ‑dɩ ‑dhɛ.

Gadhatö 1:14

"Yi 'yaa gun zun sië Zuifö ‑nu yi ‑bha Atanna ‑dhɔkë ‑kɔ ‑bha n ‑gɔ ‑kɔ ‑nu 'ö‑ 'gü, 'ö 'a ‑ziö 'ka n "tɩma ‑nu 'wo yi ‑gɔ "sɛ 'gü ‑a ‑nu 'gbɛ ꞊dede ‑ta bha ka‑ ‑kɔ ‑dɔ. Yi dë ‑nu wɔ ‑kɔ ‑pɛng 'ö gun dɔ sië n ‑ta ‑kɔ ‑nu 'ö‑ 'gü "dhiʋ̈ ziö 'ka bha ka‑ ‑kɔ ‑dɔ.

2 Kodhɛngtö 4:4

'Dhang 'ö 'waa‑ bho Klisi ‑wɔn "dhiʋ̈ bha‑ 'klɔɔ‑ ‑mü ꞊dhɛ Sɔtraan 'ö "kpʋng ꞊taa yö bha ꞊në wo ‑zë ‑a ‑nu ‑bha ‑zlan 'ka, 'yö ꞊yaa‑ ‑nu "gblüdhö ‑yan ꞊gban 'wü "pɛɛpɛdhö, kë "dhʋ̈ kö 'wa 'dho Atanna ‑bha naɔ ‑së 'yi‑ dɔ sië, 'ö yö ꞊në ꞊dhɛ ‑dhangbha 'dhö ‑dhɛtiidhɛ 'gü bha‑ yö. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'wɔntaɔngsë bha ꞊në 'mɛ ꞊ya 'dhang bho‑ "dhiʋ̈ 'yö‑ ‑mɛ ‑ta ‑yö ‑pʋ, 'yö Atanna ‑bha mɛdhɛ bha‑ 'bhü yö Klisi 'ö Atanna "blɛɛn‑ 'ka bha‑ ‑bha.

2 Kodhɛngtö 4:6

‑A 'klɔɔ‑ ‑mü ꞊dhɛ Atanna do 'ö‑ pö yi 'bha 'ka ꞊dhɛ: «‑Dhɛ 'gü‑ ‑dho "pʋ ‑dhɛtiidhɛ 'gü bha» yöö do bha ꞊në ‑dhɛ ‑pʋ kwa zuë" "piʋ̈ "tʋ̈ng 'kwa dɔ‑ 'ka ya‑ 'gü kë "dhʋ̈ kö‑ ‑bha mɛdhɛ 'bhü 'ö Klisi ‑bha bha 'kwa‑ dɔ.

Këwɔn ‑nu 22:3

«Zuifö ‑mü n 'ka, a ‑bhɔ Taasö ‑pö 'ö Sidhisi ‑sɛ 'gü bha‑ 'gü, "kɛɛ a n "klʋ ‑bho Zedhizadhɛmö ‑dhɛ ya ꞊në‑ 'gü Gamadhiɛdhö ꞊keng‑. ‑Yö n ꞊klang ‑kë 'pö kwa "bhɛma ‑nu ‑bha 'tɔng‑ bha‑ 'kun ‑kɔ 'ka ꞊dedewo. ‑A ‑wɔn 'gü mang ‑dɩ 'pö Atanna ‑bha yë kë ‑pɛng ‑yö ‑gun n ‑ta ꞊dhɛ ‑kɔ 'ö 'ka‑ 'ka ꞊dɛɛ bha‑ 'dhö.

2 Kodhɛngtö 8:3

A‑ ‑pö ka ‑dhɛ tɛan‑ ꞊dede 'ka ꞊dhɛ ‑a 'dhɛ ‑a ‑nu ‑kɔ ‑yö ꞊mɔɔ‑ ‑bha ‑wo kë‑ ‑kë yi ‑dhɛ, 'ö 'wo ‑ziö 'ka wo ‑dɩ "dhiʋ̈ ‑zianwo, "kɛɛ 'sa ‑wa ‑bho wo ‑dɩ 'gü, mɛ 'bha 'yii‑ pö‑ ‑nu ‑dhɛ ꞊dhɛ ‑wa kë "dhʋ̈.

Këwɔn ‑nu 21:28

'Yö 'wo ‑ya "gbla ‑sü ‑bha "gbɩɩ‑ 'ka 'wo‑ pö: «Izraɛdhö ‑mɛ ‑nu, ‑ka nu yi ‑dhɛ! ‑Ka ‑dhɛ ‑ga, 'mɛ 'ö ya ꞊në ‑da "sɛ "piʋ̈ 'yö bɔ ‑dhɛ ꞊gban "pɛpɛ 'gü 'yö mɛ ꞊gban "pɛpɛ ꞊draan 'ö pö: «'Mɛ 'yi ‑kë Izraɛdhö ‑mɛ ‑nu 'ka oo, Moizö ‑bha 'tɔng‑ ‑nu oo "ɛɛn Atanna ‑dhɔkëgükɔ ya yi 'bha yi ꞊bhlëë 'yaa 'dhö!» ꞊Ya 'go mü 'zü ꞊ya ‑da 'mɛ 'waa Zuifö 'ka‑ ‑nu 'ka kwa ‑bha Atanna ‑dhɔkëgükɔ ya‑ 'gü, 'yö‑ ‑kë "dhʋ̈ ‑sü bha‑ 'gü ꞊ya ‑dhɛ 'ö "slʋ̈ʋ̈slʋ̈ bha‑ ‑kë ‑dhiisü.»

Gadhatö 4:15

Ka ꞊nii "sinma 'ö ‑da n ‑wɔn 'gü "tʋ̈ng bha‑ 'gü bha ‑yö ‑kë mü ꞊dhɛ ꞊dɛɛ, ‑më ‑wɔn ꞊në ka "dhiʋ̈ ꞊slɔɔ? 'Sa a ‑mɔɔ ‑bha 'a‑ pö‑ "tʋ̈ng 'dhɛ 'kö bha‑ 'gü ꞊dhɛ ka ‑mɔɔ ‑bha 'nu 'ka ka "yanga ‑zian bho mü 'ka‑ nu n ‑dhɛ!

Kodhɔsö 4:13

A ‑mɔɔ ‑bha 'a‑ pö ka ‑dhɛ ꞊sii ꞊dede ‑ta ꞊dhɛ: Epaflasö bha ‑yö sëë bho sië 'mɛ 'ka bha oo, 'mɛ 'wo Dhaodise oo, 'mɛ 'wo Edhapodhi ka ‑wɔn 'gü ꞊dedewo, ‑a ‑gɛn ‑mü ꞊dhɛ ma ‑zë n "yan ‑ya ‑dhɛ 'gü.

Këwɔn ‑nu 22:22

Mɛ kpö bha ‑wo wo "tʋ ‑to Pɔdhö ‑wʋ ‑bha 'ö dho 'ö dhiang ‑nu bha‑ ꞊gban "pɛpɛ zë, "kɛɛ ꞊dhɛ 'wo‑ ‑bha ‑dho 'mɛ 'waa Zuifö 'ka‑ ‑nu "piʋ̈ ‑wɔn bha‑ ma, 'yö 'wo zun "gbla ‑sü ‑bha 'wo‑ pö: «‑Ka mɛ bha‑ zë kö ‑yö 'go mɛ "yan "dhiʋ̈ bha. ‑Tosɛa këmɛ 'yaa ‑mü!»

Naɔ ‑së 'ö ‑gban Yesu Klisi ‑bha 'ö Zan ‑ya pö 16:2

A‑ ‑pö ka ‑dhɛ ꞊dhɛ ‑wo ‑dho ka ‑gɛn ‑naa 'kpɔ Zuifö ‑nu ‑bha ‑yakwëë ‑kë 'gü ‑kɔ ‑nu 'gü. "Tʋ̈ng 'bha ‑zian ‑dho ꞊loo 'ö 'wo ka zë, 'ö 'mɛ 'wo ka zë sië "dhʋ̈ bha 'ö ‑kë ‑nu 'gü ꞊dhɛ ‑wo Atanna ‑dhɔ ꞊në‑ kë sië bha.

Wlɔmö 10:1

N dheebhang ‑nu, 'wɔn 'ö 'ma 'yaanu 'a n ‑zʋ gɔn‑ 'ka ‑kpɛawo Zuifö ‑nu ‑wɔn 'gü, 'ö 'a ꞊bhɛa Atanna ‑dhɛ ‑a ‑wɔn 'gü, yö ‑mü ꞊dhɛ kö ‑wo dha.