‑Dhɛkpaɔ 9:11 - NAƆ ‑SË 'SËËDHƐ

¹¹ Sɔtraan ‑bha "kië 'ö ‑klɔng züziösü bha‑ ‑gɔ "dhiʋ̈ bha ꞊në gun ‑kpaa ‑nu bha‑ ‑nu ‑gɔmɛ 'ka 'ö gun‑ ‑nu ‑dhɛ "dhiʋ̈. "Yina 'ö "dhʋ̈ bha ‑wa ‑dhɛ Eblö ‑wʋ 'gü «Abadɔn». 'Yö 'wo‑ ‑dhɛ glɛkö ‑wʋ 'gü «Apodhiɔn» ‑a 'tɔ bha waa‑ pö "dhʋ̈ kö ‑wa pö «mɛgüseemɛ».

‑Dhɛkpaɔ 9:11 ပူးပေါင်းရင်းမြစ်များ

Dhukö 8:31

"Kɛɛ kö ‑wo bhɛa" sië Yesu ‑dhɛ ꞊dedewo kö 'ya 'dho wo kë 'mɛ bha‑ 'gü 'ö‑ ‑nu bɔ ‑klɔng züziösü 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:31

‑A ‑gɛn ‑mü ꞊dhɛ "kpʋngtaadhɛ "dhɔɔ ga "tʋ̈ng 'yaa ꞊gblɛɛn 'zü, Sɔtraan 'ö ‑gblüdë 'ka ('ö mɛ ꞊gban 'dhö‑ ‑gɔ 'kun 'gü) "kpʋng ꞊taa bha‑ ‑bha ‑gblüdëdhɛ ‑sü ‑gɔ "tʋ̈ng ꞊ya ꞊loo, kö Atanna ‑ya yöö ꞊dede ‑zuö "kpɛnng yi do 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:30

Dhiang 'ö maa‑ zë ka ‑dhɛ ka ꞊klang kë ‑dhiang 'ka ‑a ‑kpɛa ꞊në 'a‑ zë sië bha, ‑a ‑gɛn ‑mü ꞊dhɛ Sɔtraan 'ö "kpʋng ꞊taa ‑gblüdë 'ka bha ‑yö nu sië n ‑gɔ. 'Sa kö ‑yö kë ꞊dhɛ ‑a faan ꞊në "gbɩɩ‑ 'ö ‑ziö n ‑bha ‑ta 'yaa ‑mü.

Naɔ ‑së 'ö ‑gban Yesu Klisi ‑bha 'ö Zan ‑ya pö 16:11

'Yö 'wo‑ 'wɔn dɔ ꞊dhɛ za 'ö dho‑ ‑nu zë kö 'wii 'dhang bho n "dhiʋ̈ bha‑ 'klɔɔ‑ ‑mü ꞊dhɛ Sɔtraan 'ö ‑gblüdë 'ka "kpʋng ꞊taa, 'ö 'wo bɔ‑ 'ka bha za ꞊yaa‑ zë 'nu ('yö 'wo‑ 'wɔn dɔ ꞊dhɛ 'dhang ‑bho n "dhiʋ̈ ‑sü ‑dɩ doseng ꞊në ꞊sɔng bho mɛ ‑bha Atanna wëëdhö).»

Naɔ ‑së 'ö ‑gban Yesu Klisi ‑bha 'ö Zan ‑ya pö 5:2

"Yi ꞊gblü 'kpikpi do 'bha ‑yö 'pödhɛ bha‑ 'gü 'ö dɔ sië "saan 'wo‑ ꞊klëën Atanna ‑dhɔkë ‑dhɛ ‑zü bha‑ "dhi 'dhɛ 'wo‑ ‑dhɛ "bhlaa ‑nu bɔdhɛ bha‑ "sɔɔ, 'ö 'wo‑ ‑dhɛ Eblö ‑wʋ 'gü Bɛsata. "Yi ꞊gblü 'ö "dhʋ̈ bha 'kɔ 'zaa‑ do 'bha‑ ‑gun dɔ sië‑ ‑ta 'ö‑ "dhi‑ gun "sɔɔdhu.

Naɔ ‑së 'ö ‑gban Yesu Klisi ‑bha 'ö Zan ‑ya pö 8:44

꞊Ya kë "dhʋ̈ kö ka ‑zë ka dë ꞊në Sɔtraan 'ka, 'yö 'ka‑ "piʋ̈ ꞊dhɛ 'ka ka dë bha‑ ‑dhidhɛwɔn kë bha, 'sa kö yö ‑zë mɛzëmɛ ‑mü 'ö ‑bhɔ 'ka "dhʋ̈ ‑a zübhoyi 'ka 'yii tɛanwɔn pö do, ‑a ‑gɛn ‑mü ꞊dhɛ tɛanwɔn pö zuëga 'yaa‑ "gblʋ̈ʋ̈‑, ‑a ‑dɔ 'ka ‑mü ꞊sua ꞊në‑ 'ka, 'yii ꞊sua kë‑ ꞊nii 'yaa ‑da, ‑a ‑gɛn ‑mü ꞊dhɛ yö ꞊në ꞊sua suu ‑da.

2 Kodhɛngtö 4:4

'Dhang 'ö 'waa‑ bho Klisi ‑wɔn "dhiʋ̈ bha‑ 'klɔɔ‑ ‑mü ꞊dhɛ Sɔtraan 'ö "kpʋng ꞊taa yö bha ꞊në wo ‑zë ‑a ‑nu ‑bha ‑zlan 'ka, 'yö ꞊yaa‑ ‑nu "gblüdhö ‑yan ꞊gban 'wü "pɛɛpɛdhö, kë "dhʋ̈ kö 'wa 'dho Atanna ‑bha naɔ ‑së 'yi‑ dɔ sië, 'ö yö ꞊në ꞊dhɛ ‑dhangbha 'dhö ‑dhɛtiidhɛ 'gü bha‑ yö. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'wɔntaɔngsë bha ꞊në 'mɛ ꞊ya 'dhang bho‑ "dhiʋ̈ 'yö‑ ‑mɛ ‑ta ‑yö ‑pʋ, 'yö Atanna ‑bha mɛdhɛ bha‑ 'bhü yö Klisi 'ö Atanna "blɛɛn‑ 'ka bha‑ ‑bha.

Efɛzö 2:2

Ka ‑gun ‑tosɛa kë sië‑ "tʋ̈ng bha‑ 'gü ꞊dhɛ ‑kɔ 'ö 'mɛ 'waa Atanna dɔ 'wo "kpʋng ya‑ ꞊taa 'wo ‑tosɛa ‑kë 'ka bha ꞊në‑ 'dhö, 'yö 'ka "yina ‑nu ‑bha ‑gblüdë 'ö ‑ya ‑sü 'ka 'tëng‑ ‑ta "sɛ waa‑ dhang‑ ‑a ‑nu ꞊zinng 'gü bha ꞊në‑ ‑dhidhɛwɔn ‑kë. "Kɛɛ 'sa ‑a "yina 'ö "dhʋ̈ bha ꞊në ‑da 'mɛ 'wo gɔɔgbɩɩdhɛ kë sië Atanna ‑gɔ "tʋ̈ng ya‑ 'gü bha‑ ‑nu ‑gɔ 'gü 'yö 'wo‑ kë sië "dhʋ̈ bha.

1 Zan 4:4

"Kɛɛ ka ‑zë, n bhang ‑nu, ka Atanna ꞊në‑ ‑bha 'ka, ka ‑kɔ ꞊ya ziö 'nu ‑a ‑wʋ "dhiʋ̈ ‑loo ꞊flü 'ka ‑mɛ ‑nu bha‑ ‑nu ‑gɔ. ‑A 'klɔɔ‑ ‑mü ꞊dhɛ 'Nii‑ 'dhɛ 'ö ka ‑zë ka 'gü bha, faan ‑ya ‑bha 'ö ‑ziö 'ka ‑a 'dhɛ 'ö 'mɛ 'waa Atanna dɔ‑ ‑nu 'gü bha‑ ‑ta.

1 Zan 5:19

Kwa‑ 'wɔn ‑dɔ 'pö ꞊dhɛ kwa Atanna ꞊në ‑bha 'në 'ka, ꞊dhɛ "kpʋngtaadhɛ ‑todhʋ̈sü ꞊gban ‑yö Sɔtraan ꞊në‑ ‑bha ‑gɔ 'gü.

‑Dhɛkpaɔ 12:9

'Yö ‑zuzugwɛ 'wo yö ꞊në‑ ‑dhɛ ꞊mlɛɛ 'ö gun yi 'bha 'ka, 'wo‑ ‑dhɛ 'zü "yina yaa, "ɛɛn Sɔtraan, 'ö "kpënng‑ ‑kë "kpʋngtaadhɛ ‑todhʋ̈sü ‑gɔ bha 'wo waa‑ ‑bha ‑mɛ ‑nu ‑a ‑nu ‑zuö "kpʋng ꞊taa.

‑Dhɛkpaɔ 16:16

‑Dhɛ 'ö "yina yaa ‑nu bha 'wo ‑gblüdë ‑nu bha‑ ‑nu ꞊loo 'ko ‑ta ‑a ‑bha bha ‑wa ‑dhɛ ‑dhɛ eblö ‑wʋ 'gü Aamagedɔn.