‑Dhɛkpaɔ 8:5 - NAƆ ‑SË 'SËËDHƐ

⁵ 'Yö Atanna ‑bha "kië bha 'ö ‑dhasiklɔɔ ‑gʋ̈ 'gü ‑pë bha‑ pa pɛng 'ö go "saa‑ ‑bho ‑ta ‑gwë "klʋ bha‑ ‑ta bha‑ 'ka, 'yö‑ ꞊wɛnng "kpʋng ꞊taa. 'Yö dha ‑yö ‑ya "wɩ ‑sü ‑bha, 'yö wɔɔdhö 'dhö ‑ya "wɩ ‑sü ‑bha "kpʋngtaadhɛ ꞊gban 'gü, kö dha ‑yö "yan 'kun sië, kö "sɛ ‑yö ꞊zii sië.

‑Dhɛkpaɔ 8:5 ပူးပေါင်းရင်းမြစ်များ

Matiö 24:7

"Sɛgɔ 'bha‑ ‑dho "wlü 'ö ‑pö "sɛgɔ 'bha‑ ‑ta 'ö 'wo ‑gblü gɔɔn, 'ö ‑gblüdë 'bha ‑yö ꞊wlü 'ö dho 'ö ‑gblü ‑da ‑gblüdë 'bha ‑ta, 'ö "vʋ̈ʋ̈ ‑yö ‑da, 'ö "sɛ ‑yö ꞊zii "sɛgɔ 'bha ‑nu 'gü.

Dhukö 12:49

'Yö‑ pö: «Nu 'a‑ wo "kpʋng ꞊taa bha a ‑nu pɛng ꞊në ‑da ‑dhɛ 'gü. ꞊Ya kë ꞊dhɛ ꞊ya ‑dhɛ ‑bhö ‑sü zü bho 'nu n "yaan ‑yö ‑dho dhi n ‑dhɛ ꞊dedewo!

Këwɔn ‑nu 16:26

‑Wo ‑to ‑dhɛ bha‑ 'gü 'yö "sɛ 'dhö ‑ya ꞊zii ‑sü ‑bha "gbɩɩ‑ ꞊dede 'ka, 'yö ‑kaso ‑kɔ bha‑ "kpan ‑gwë ꞊gban 'dhö ‑ya vin ‑sü ‑bha, 'yö‑ "dhi ꞊gban 'wo ‑pʋ, 'yö 'mɛ 'wo gun ‑kaso 'gü mü bha‑ ‑nu ꞊gban ‑bha lɔɔga ‑nu ‑wo go‑ ‑nu ‑bha.

Këwɔn ‑nu 4:31

꞊Dhɛ 'ö ꞊wa wo bo ‑bhɛa Atanna ‑dhɛ ‑sü 'ka ꞊dhɛ ‑kɔ bha‑ 'dhö, 'yö ‑dhɛ 'wo gun ‑ya ‑sü 'ka‑ 'gü bha 'ö ‑ya ꞊zii ‑sü ‑bha, 'yö‑ ‑nu ꞊gban "pɛpɛ 'wo pa 'Nii‑ "slʋ̈ʋ̈slʋ̈ 'ka, 'yö 'wo ‑ya Atanna ‑wʋ pö ‑sü ‑bha ‑zʋgbandhe 'ka mɛ ‑nu ‑dhɛ.

‑Dhɛkpaɔ 11:13

'Yö "sɛ ‑yö zun ꞊zii ‑sü ‑bha "tʋ̈ng do bha‑ 'gü, 'yö 'pö‑ 'kpii‑ bha 'ö ‑pɛ 'gü ‑kaɔng do, 'yö‑ "pɛan do ‑yö ꞊wɛnng, 'yö mɛ ‑dhü "gblü "saɔplɛ ‑wo ga "sɛ ꞊zii ‑kɔ do bha‑ 'gü, 'yö mɛ ‑kpɛa 'wo to bha "suʋ̈ 'dhö ‑da ‑nu 'gü, 'yö 'wo ‑ya Atanna 'ö dhang‑ 'gü bha‑ 'tɔ bhɔ ‑sü ‑bha.

‑Dhɛkpaɔ 11:19

꞊Dhɛ 'ö ꞊ya kë "dhʋ̈, 'yö Atanna ‑dhɔkëgükɔ 'ö dhang‑ 'gü bha‑ "dhi ‑yö ‑pʋ, 'yö mɛ ꞊gban 'wo wo "yan ‑kpan 'tɔng‑ 'ö ‑mlɛɛ ‑dee ‑da waa‑ mɛ "bhɩɩ‑ ‑nu ‑a ‑nu ꞊zinng 'gü bha‑ ꞊gbëë bha‑ ‑bha. 'Yö dha ‑yö ‑ya "yan 'kun ‑sü ‑bha kö ‑yö "wɩ sië, 'yö pë 'bha ‑nu 'wo ‑ya "wɩ ‑sü ‑bha, 'yö "sɛ 'dhö ‑ya ꞊zii ‑sü ‑bha, 'yö mëngga 'dhö ‑ya ꞊wɛnng ‑sü ‑bha.

‑Dhɛkpaɔ 4:5

Kö dha ‑yö "yan 'kun sië ‑dhɛ 'ö ‑gbloo 'kpiisü bha 'ö gun ‑ya sië‑ ‑bha bha‑ 'gü, 'ö ‑gbla, 'ö pë 'bha ‑nu ‑wo ‑wɩ mü ‑nu wo 'ö mɛ "tʋ‑ ‑da ‑wʋ 'gü ‑wuudhö. Kö "sɔng "saɔplɛ ‑wo 'pu sië ‑gbloo 'kpiisü bha‑ wëëdhö. 'Nii‑ "saɔplɛ 'ö go Atanna "piʋ̈ bha ꞊në 'wo gun 'pu sië "dhʋ̈ bha.

‑Dhɛkpaɔ 6:12

꞊Dhɛ 'ö ꞊ya kë "dhʋ̈, 'yö 'sëëdhɛ "dhiʋ̈ ‑ta 'ka ‑pë bha‑ "saɔdo ‑naa 'ö to bha 'yö "bhlaanë bha 'ö‑ ‑pʋ. 'Yö "sɛ 'dhö ‑ya ꞊zii ‑sü ‑bha, 'yö 'yënng‑ ‑gɔ ‑yö ꞊tröö ‑blünblündhö ꞊dhɛ ꞊gla "yi 'dhö, kö "su ‑zë ꞊ya kë ꞊dhɛ ꞊yɔɔn 'dhö.

‑Dhɛkpaɔ 8:3

Kö‑ ‑bha "kië ‑nu bha‑ "wɛɛ do 'bha ꞊ya nu ꞊ya dɔ ‑dhɔkëtagwë "klʋ bha‑ "sɔɔ, kö pë "fië 'wo ‑dhasiklɔɔ ‑gʋ̈ 'gü bha‑ do 'ö "sënng 'ka ꞊ya ꞊kwɛɛ‑. 'Yö 'wo ‑dhasiklɔɔ 'dhɛ 'wo‑ ‑gʋ̈ bha‑ 'gbɛ ꞊dede nu‑ ‑dhɛ kö ‑ya "gʋ̈ ‑gwë "klʋ 'ö "sënng 'ka bha‑ ‑ta, kö ‑yö 'mɛ 'wo bɔ Yesu 'ka bha‑ ‑nu ‑bha ‑bhɛa Atanna ‑dhɛ ‑wʋ ‑nu bha‑ ‑nu "dhiʋ̈ ꞊loo 'mɛ 'ö ‑ya ‑sü 'ka ‑gbloo 'kpiisü ‑ta bha‑ ‑bha.