‑Dhɛkpaɔ 8:2 - NAƆ ‑SË 'SËËDHƐ

² ꞊Dhɛ 'ö ꞊ya kë "dhʋ̈, 'a dho ‑dhɛ ‑ga, kö ꞊wa "truu "saɔplɛ 'gü ꞊gblü Atanna ‑bha "kië "saɔplɛ 'wo dɔ sië‑ wëëdhö bha‑ ‑nu ‑ta.

‑Dhɛkpaɔ 8:2 ပူးပေါင်းရင်းမြစ်များ

Matiö 18:10

'Yö go mü 'ö‑ pö: «‑Ka ka ‑dɩ 'kun 'në ‑nu 'wo ya‑ mɛ do ‑zian ‑zë "dhiisü ‑bha! ‑A ‑gɛn ‑mü ꞊dhɛ 'a‑ pö ka ‑dhɛ tɛan‑ ꞊dede 'ka ꞊dhɛ: Atanna ‑bha "kië ‑nu 'wo dhang‑ 'gü ꞊në 'wo "yan ‑to ‑nu ‑bha ‑mɛ ‑nu 'ka, 'yö 'wo dɔ ‑sü 'ka n Dë 'ö dhang‑ 'gü ‑a wëëdhö "tʋ̈ng ꞊gban 'gü (kö ‑wa ‑nu ‑bha za dɔ).

Matiö 24:31

"Truu 'kpii‑ bha ‑yö ‑dho "wɩ 'yi bha ꞊në‑ 'ka, 'yö 'a ma "kië ‑nu bɔ "kpʋngtaadhɛ ꞊gban "pɛpɛ 'gü, 'yö 'wo 'mɛ 'a‑ ‑nu sü n ‑bha 'ka bha‑ ‑nu sü ‑dhɛ "pɛpɛ bha‑ ꞊gban 'gü, 'yö 'wo‑ ‑nu ꞊loo 'ko ‑ta ‑dhɛ do 'gü.»

Dhukö 1:19

'Yö Atanna ‑bha "kië bha 'ö‑ ‑yɔ bɔ‑ ‑gɔ 'ö‑ pö: «Ma 'ö i n ‑ga ya, ma ꞊në 'wo n ‑dhɛ Gabliɛ, ma ꞊në 'a dɔ Atanna wëëdhö ‑a ‑bha "kië ‑nu kpö 'gü 'yö 'a‑ "dhiʋ̈ ‑ziö wo, yö ꞊në n bɔ kö 'a nu 'a dhiang zë i ‑dhɛ ꞊dhɛ ‑kɔ bha‑ 'dhö, kö 'a naɔ ‑së bha‑ dɔ i ‑gɔ.

Dhukö 21:36

‑A ‑kë "dhʋ̈ ‑sü 'gü, ‑ka ‑ya ka "yaan kö 'ka bhɛa" Atanna ‑dhɛ "tʋ̈ng ꞊gban 'gü, kë "dhʋ̈ kö 'ka faan ꞊slɔɔ, kö 'wɔn "pɛpɛ 'ö nu sië bha ‑yö 'kun bho ka 'gü, kö yi 'ö Mɛgbömɛ dho nu‑ 'ka bha ‑yö ‑kpan ka ‑bha ‑dɔ ‑gɛan ‑sü 'ka.»

1 Kodhɛngtö 15:52

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ yi 'ö Atanna ‑bha "truu ꞊taamasü dho "wɩ‑ 'ka bha, mɛ ꞊gban kwa ‑dho "gla ꞊dhɛ ‑kɔ 'ö mɛ‑ mɛ "yan zë‑ 'ka bha‑ 'dhö. ‑A ‑gɛn ‑mü ꞊dhɛ ꞊ya bo "wɩ ‑sü 'ka, 'yö 'mɛ ꞊wa ga 'nu bha 'wo ‑bö kwi ‑dee 'dhɛ 'ö ꞊ya kë mɛ ‑bha 'ö mɛ 'yaa ga tongtongdhö 'zü bha‑ 'ka, 'yö 'mɛ 'kwa dho kë "yaan 'pö "tʋ̈ng bha‑ 'gü bha 'kwa ‑gla.

1 Tesadhonikö 4:16

"Kɛɛ kwa Dëmɛ yöö ꞊dede ‑a ‑bha ‑go dhang‑ 'gü ‑sü 'ka, Atanna ‑bha "kië ‑nu ‑gɔmɛ do‑ ‑dho ‑a "kwikan 'ö 'kwa‑ ma, 'ö‑ ‑bha "truu ‑yö ‑wɩ 'ö 'kwa‑ ma, 'yö gun ‑na 'go dhang‑ 'gü 'ö ꞊lɔɔ, 'yö 'mɛ 'wo to‑ ‑bha zian ‑ta 'wo ga bha 'wo ‑bö ꞊kö ‑blɛɛsü.

‑Dhɛkpaɔ 1:4

Atanna ‑bha 'kɔdhigümɛ ‑nu kpö "saɔplɛ 'ka Azi ‑sɛ 'gü bha 'ma ka ꞊tua bho 'gbɛ. Mang Zan ‑mɛ ma ꞊në 'a 'sëëdhɛ ya‑ bɔ ka ‑dhɛ. Kö Atanna 'ö gun, 'ö 'dhö, 'ö yö ꞊në dho 'to ‑todhʋ̈ 'ka waa‑ 'nii‑ "saɔplɛ 'wo dɔ sië‑ ‑bha ‑gblüdëdhɛ ‑gbloo wëëdhö bha, waa‑ Yesu Klisi 'ö‑ "sɛɛ‑ 'ö 'yaa ‑wʋ ꞊plɛ pö, 'ö‑ ‑wʋ "dhiʋ̈ ꞊loo kwa ‑bha ꞊dhɛ ‑kɔ 'ö ö ‑wʋ kpɔ‑ 'ka‑ ‑bha ‑a 'dhö, 'ö yö ꞊në 'mɛ ꞊wa ga ‑a mɛ ‑blɛɛsü 'ö go ga 'gü 'ö ‑bö ‑a 'ka, 'ö yö ꞊në ‑gblüdë "pɛpɛ 'wo "kpʋng ꞊taa ‑a ‑nu ꞊gban ‑bha ‑gblüdë 'ka bha ‑wo ‑gasitɛ kë ka ‑dhɛ, kö ‑wo zuëwaanusü nu ka ‑dhɛ bha 'aa ‑yö kë. Yesu Klisi bha ꞊në kwa ‑dhɔ ‑ya ‑kë, 'yö dho 'yö ga kwa ‑wɔn 'gü kë "dhʋ̈ kö 'ö kwa bho 'wɔn yaa kë ‑sü ‑gɔ ꞊dhuëngdhɛ 'gü 'ö ꞊yɔɔn 'ö ꞊wɛnng kwa ‑wɔn 'gü bha‑ 'ka.

‑Dhɛkpaɔ 11:15

'Yö Atanna ‑bha "kië ‑nu bha‑ "saɔplɛ ‑naa ‑yö ö ‑bha "truu ‑piö. 'A dho n "tʋ 'to kö ‑wʋ 'gbɛ ‑yö "wɩ sië dhang‑ 'gü ‑yuudhö 'ö‑ pö: «‑Gblüdëdhɛ ‑kë "kpʋng ꞊taa "sɩ ꞊ya 'to 'mɛ 'ö‑ ‑dhɛ, dɔ ‑kɔ ya‑ 'gü yö ‑mü kwa Dëmɛ Atanna waa‑ ‑bha ‑Yamɛ bha ꞊në‑ ‑nu 'ka, yö ‑zë ‑a ‑bha mɛ ‑dhɛ bha‑ "dhiʋ̈todhɛ 'yii 'dho kë tongtongdhö, ‑yö ‑dho ‑a kë ‑todhʋ̈ 'ka!»

‑Dhɛkpaɔ 15:1

'Yö n "yan ‑yö ‑da 'zü "dhabhliwɔn ‑ziisü 'ö‑ 'wɔn ‑yö mɛ kɔn ‑a ‑dhɛ 'gü dhang‑ 'gü. 'Yö 'a Atanna ‑bha "kië "saɔplɛ yö kö nëng "saɔplɛ ‑ya ‑nu ‑gɔ 'do 'do 'ka. Nëng ‑totaamasü 'ö dho ‑ya "kpʋngtaadhɛ "dhiʋ̈ kö ‑yö kë Atanna ‑bha ‑mawɔnsiödhe "dhiʋ̈todhɛ 'ka bha ꞊në gun bha.

‑Dhɛkpaɔ 16:1

꞊Dhɛ 'ö ꞊ya kë "dhʋ̈, 'yö 'a ‑wʋ do 'bha ma kö ‑yö 'go sië Atanna ‑dhɔkëgükɔ 'ö dhang‑ 'gü bha‑ 'gü 'ö‑ pö‑ ‑bha "kië "saɔplɛ bha‑ ‑nu ‑dhɛ "gbɩɩ‑ 'ka 'ö‑ pö: «‑Ka 'dho kö 'ka Atanna ‑bha ‑mawɔnsiödhe gbɔnë "saɔplɛ bha‑ 'gü ‑pë ꞊wɛnng "kpʋng ꞊taa.»

‑Dhɛkpaɔ 8:13

A ‑to ‑a ‑dhɛ ‑ga ‑dhɛ 'gü 'yö n "tʋ ‑yö ‑da "gblëë‑ do ‑wlö ‑vin 'gü kö ‑yö ziö sië, kö ꞊ya dhang‑ 'kun "kɛɛ kö ‑ya pö sië "gbɩɩ‑ 'ka 'ö‑ pö: «‑Wëëwɔn ‑wa! ‑Wëëwɔn ‑wa! Atanna ‑bha "kië ‑yaaga 'dhɛ 'wo to ya ꞊wa wo ‑bha "truu ya‑ ‑piö ‑yö ‑dho kë ‑wëësü "kpʋngtaamɛ ‑nu ‑gɔ ꞊tɔn ‑kɛɛ!»

‑Dhɛkpaɔ 8:6

'Yö Atanna ‑bha "kië "saɔplɛ 'ö "truu ‑yö gun‑ ‑nu ‑gɔ bha 'wo ‑ya wo baa‑ 'sü bha kö 'wo "truu bha‑ ‑piö. 1

‑Dhɛkpaɔ 9:1

꞊Dhɛ 'ö ꞊ya kë "dhʋ̈, 'yö Atanna ‑bha "kië ‑nu bha‑ mɛ "sɔɔdhu ‑naa ‑yö ö ‑bha ‑piö. 'Yö 'a "susëngga do yö kö ꞊ya 'go dhang‑ 'gü ꞊ya ‑pö "kpʋng ꞊taa. 'A 'dho ‑dhɛ ‑ga kö ‑klɔng züziösü bha ꞊waa‑ ‑dhaklɩ nu "susëngga bha‑ ‑dhɛ.