‑Dhɛkpaɔ 8:10 - NAƆ ‑SË 'SËËDHƐ

¹⁰ 'Yö Atanna ‑bha "kië ‑nu bha‑ mɛ ‑yaaga ‑naa ‑yö ö ‑bha ‑piö, 'yö "susëngga 'kpii‑ do 'bha 'ö gun 'pu sië ꞊dhɛ "sɔng 'dhö bha 'ö go dhang‑ ‑bha 'ö ‑pö. 'Yö ‑pö ꞊gwaan "pɛpɛ 'wo "kpʋng ꞊taa ‑a ‑nu ‑pɛ 'gü ‑yaaga ‑sü ‑yaaga ‑naa ‑ta waa‑ "yi 'në sɛɛnnë ‑nu 'dhö.

‑Dhɛkpaɔ 8:10 ပူးပေါင်းရင်းမြစ်များ

Matiö 25:1

꞊Dhɛ 'ö Yesu ꞊yaa‑ pö "dhʋ̈ 'yö "gwënng do 'bha ‑da ‑nu ‑dhɛ 'zü 'ö‑ pö: «Atanna ‑bha ‑gblüdëdhɛ kë "tʋ̈ng‑ ‑dho kë ꞊dhɛ 'nëdhiëng ‑nu ‑kaɔng do 'wo woo‑ ‑dhangbha ‑nu sü 'wo dho dhedɔ troo ‑ta ‑a ‑nu ‑bha 'wɔn 'dhö.

Dhukö 10:18

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «‑A ‑kë "dhʋ̈ ‑sü 'wɔn 'ya 'dho ka 'kɔn,) ‑a ‑gɛn ‑mü ꞊dhɛ n ‑kɔ ꞊ya ziö Sɔtraan ‑gɔ,

Zudë 1:13

‑Wo ꞊dhɛ 'zü ꞊dhɛ "yi 'ö ꞊ya dunng bho ꞊në‑ 'dhö, 'yö‑ ‑nu këwɔn yaa ‑nu bha 'wo ‑wo "yɛa‑ ꞊dhɛ 'yi dunng ‑sü bha‑ "vuu 'ö ‑kë ‑ta bha‑ 'dhö. ‑Wo ꞊dhɛ 'zü ꞊dhɛ "susëng ‑nu 'wo zian ‑kan ꞊sië dhang‑ ‑bha ‑dhɛ ‑nu 'gü bha ꞊në‑ 'dhö. ‑Dhɛtiidhɛ 'ö ‑dhɛ 'yaa yö‑ 'gü bha ꞊në Atanna ‑ya ‑ya 'mɛ 'wo bha‑ ‑nu ‑gɔ ‑a ‑nu 'dho ‑dhɛ 'ka. ‑Wo ‑dho 'to ‑dhɛ bha ꞊në‑ 'gü 'ö to "dhʋ̈ "sɛ 'tuʋ̈‑ 'ka.

‑Dhɛkpaɔ 1:20

Pë ‑nu 'i i "yan ‑kpan ‑bha bha‑ 'klɔɔ‑ ‑ga 'ö ya. "Susëngga "saɔplɛ 'i‑ yö 'ö n ‑kɔ ‑së 'gü bha, Atanna ‑bha yëkëmɛ ‑nu 'wo‑ ‑bha mɛ kpö "saɔplɛ 'wo Azi ‑sɛ 'gü bha‑ ‑nu "dhiʋ̈ziöwomɛ 'ka bha‑ ‑nu ‑zɔn 'ka ꞊në bha. 'Yö‑ Atanna ‑bha 'kɔdhigümɛ ‑nu bha‑ ‑nu ‑zɔn 'ka 'dhö ‑dhangbha "saɔplɛ bha‑ 'ka.»

‑Dhɛkpaɔ 12:4

'Yö ö weng bha‑ sü, 'yö "susëng 'ö dhang‑ ‑bha bha‑ ‑pɛ 'gü ‑yaaga ‑sü "pɛan do bho 'mü 'yö‑ ꞊wɛnng "kpʋng ꞊taa, 'yö dho 'ö dɔ dhebhɔ 'ö‑ "gblʋ̈ʋ̈dhɛ 'dhö‑ kë sië bha‑ wëëdhö, kë "dhʋ̈ kö ꞊ya 'në 'kpɔ kö 'ö 'to "sia‑ mü 'ö‑ ‑bhö.

‑Dhɛkpaɔ 14:7

kö ‑ya pö sië "gbɩɩ‑ 'ka 'ö‑ pö: «‑Ka "suʋ̈ Atanna ‑gɔ kö 'ka‑ 'tɔ bhɔ! ‑A ‑gɛn ‑mü ꞊dhɛ ‑a ‑bha za ‑dɔ mɛ "bhɩɩ‑ ‑bha "tʋ̈ng ꞊ya ꞊loo. ‑Ka 'mɛ ö "sɛ ‑kë 'ö dhang‑ ‑kë, 'ö ꞊weeyi ‑kë waa‑ "yigɔ ‑nu 'dhö bha ꞊në‑ ‑dhɔkë!»

‑Dhɛkpaɔ 16:4

'Yö‑ ‑yaaga ‑naa ‑yö ö ‑bha 'gbɔnë 'gü ‑pë ꞊wɛnng ꞊gwaan ‑nu waa‑ "yi 'sɛɛnnë "pɛpɛ 'ö "kpʋng ꞊taa ‑a ꞊gban ꞊bhaa, 'yö‑ ꞊gban ‑yö ‑kë ꞊yɔɔn 'ka.

‑Dhɛkpaɔ 6:13

'Yö "susëngga ‑nu 'wo ‑ya 'go ‑sü ‑bha dhang‑ ‑bha 'wo ꞊wɛnng ‑blubludhö ꞊dhɛ mangglo ‑kpo ‑nu 'wo ꞊wɛnng kö "tɛɛ "gbɩɩ‑ ꞊ya ziö bha‑ 'dhö.

‑Dhɛkpaɔ 8:7

'Yö‑ mɛ ‑blɛɛsü ‑yö ö ‑bha ‑piö. 'Yö mëngga waa‑ pɛng waa‑ ꞊yɔɔn ‑nu ‑kaan "kwëë ‑sü bha 'wo ‑ya ꞊wɛnng ‑sü ‑bha "kpʋng ꞊taa. 'Yö "kpʋngtaadhɛ ‑yö 'pɛ 'gü ‑yaaga, 'yö‑ "pɛan do ‑yö ‑gʋ̈, 'yö "dhü ‑nu ‑dɩ 'pö‑ ‑nu ‑bha ‑yö ‑kë "dhʋ̈, 'yö blëë "dhɛ ꞊gban ‑yö ‑gʋ̈.

‑Dhɛkpaɔ 9:1

꞊Dhɛ 'ö ꞊ya kë "dhʋ̈, 'yö Atanna ‑bha "kië ‑nu bha‑ mɛ "sɔɔdhu ‑naa ‑yö ö ‑bha ‑piö. 'Yö 'a "susëngga do yö kö ꞊ya 'go dhang‑ 'gü ꞊ya ‑pö "kpʋng ꞊taa. 'A 'dho ‑dhɛ ‑ga kö ‑klɔng züziösü bha ꞊waa‑ ‑dhaklɩ nu "susëngga bha‑ ‑dhɛ.

‑Dhɛkpaɔ 9:15

'Yö 'wo "yina ‑nu bha‑ ‑nu ‑pʋ. 'Sa ‑a ‑nu ‑kplü 'wo‑ wo mü bha ‑wa ‑nu ‑kplü "dhʋ̈ kö "tʋ̈ng ꞊dede bha ꞊në ꞊ya ꞊loo ‑dhɛkpaɔyi bha‑ 'ka, "su bha‑ 'gü, ‑kwɛ bha‑ ‑ta, kö ‑wa "pʋ, kë "dhʋ̈ kö ‑wo "kpʋngtaamɛ ‑nu "pɛ‑ 'gü ‑yaaga, kö ‑wa "pɛando ꞊gban zë.

‑Dhɛkpaɔ 9:18

'Yö pë ‑gaɔ ‑yaaga 'ö ‑kë pɛng bha waa‑ "gbiën waa‑ blɔɔn" 'ö gun 'go sië‑ ‑nu "dhi bha 'wo "kpʋngtaadhɛ ‑pɛ 'gü ‑yaaga ‑sü "pɛando ꞊gban 'gü see‑.