‑Dhɛkpaɔ 7:9 - NAƆ ‑SË 'SËËDHƐ

⁹ ꞊Dhɛ 'ö ꞊ya kë "dhʋ̈, a ‑dho ‑dhɛ ‑ga 'zü kö mɛ kpö ‑ziisü 'ö mɛ 'bha 'yaa ꞊mɔɔ‑ dhʋng ‑sü ‑bha, 'ö go "sɛgɔ 'do 'do ꞊gban 'gü, "siya suu 'do 'do ꞊gban 'gü, mɛ suu ꞊gban "pɛpɛ 'do 'do, waa‑ ‑wʋ suu 'do 'do ꞊gban pö ‑mɛ ‑nu bha ‑wo dɔ sië ‑gbloo 'kpiisü bha waa‑ "bhlaanë bha‑ ‑nu wëëdhö, kö sɔ "puu ‑ya ‑nu ‑bha, kö "sɔɔndhɛ ‑ya ‑nu ꞊kwɛɛ‑.

‑Dhɛkpaɔ 7:9 ပူးပေါင်းရင်းမြစ်များ

Dhukö 12:1

Yö ‑zë 'ö kë sië "dhʋ̈ "tʋ̈ng 'ö‑ 'gü bha kö mɛ "bhɩɩ‑ 'ö bho 'ko ‑ta kö ꞊ya kë ‑ziisü. Kö‑ ‑nu pɛng ꞊ya bhɔ 'ko zë ꞊dhɛ ‑bha. 'Mɛ 'wo gun ‑dhɛ bha‑ 'gü ‑wo ‑mɔɔ mɛ "gblü drun ꞊dede ‑bha. ‑Yö ‑ya ‑dhio dɔ ‑sü ‑bha ö ‑bha ꞊klang ‑nu ‑ta yö ꞊në‑ 'gü 'ö‑ pö: «‑Ka ka ‑dɩ 'kun Fadhiziɛn ‑nu ‑bha ꞊gɔng 'wo‑ ‑da mɛ ‑nu ‑gɔ "gblʋ̈ʋ̈dhɛ ꞊gblɛɛndhɛ ‑bha bha ꞊në‑ ‑gɔ ('kö 'ka 'dho kë ꞊dhɛ‑ ‑nu 'dhö),

Dhukö 21:36

‑A ‑kë "dhʋ̈ ‑sü 'gü, ‑ka ‑ya ka "yaan kö 'ka bhɛa" Atanna ‑dhɛ "tʋ̈ng ꞊gban 'gü, kë "dhʋ̈ kö 'ka faan ꞊slɔɔ, kö 'wɔn "pɛpɛ 'ö nu sië bha ‑yö 'kun bho ka 'gü, kö yi 'ö Mɛgbömɛ dho nu‑ 'ka bha ‑yö ‑kpan ka ‑bha ‑dɔ ‑gɛan ‑sü 'ka.»

Naɔ ‑së 'ö ‑gban Yesu Klisi ‑bha 'ö Zan ‑ya pö 12:13

'yö 'wo "sɔɔndhɛ ‑nu ‑kan, 'yö 'wo dho dɔ‑ ‑gɔ zian‑, kö ‑wo "gɛɛ kë sië ‑nu wo 'wo ‑bhabhoo kun 'wo‑ pö: «"Sookwedhi! ‑Bha ‑bha ‑bha! "Sookwedhi! Izraɛdhö ‑mɛ ‑nu ‑bha ‑gblüdë ‑yö nu sië! ‑Yö ‑nu kwa Dëmɛ ‑bha nu 'gü! "Sookwedhi! Atanna 'tɔ‑ bhɔ!»

Wlɔmö 11:25

N dheebhang ‑nu, tɛanwɔn do 'bha 'ö gun ‑bin ‑sü 'ka ꞊në maa‑ pö ka ‑dhɛ bha kö 'ka 'dho ka ‑dɩ 'sü 'wɔndɔmɛ 'ka. Yö ‑mü ꞊dhɛ ‑yö "dhʋ̈ tɛan‑ 'ka ꞊dhɛ Izraɛdhö ‑mɛ ‑nu bha‑ ‑nu ‑kɔ "pɛan 'bha ‑yö kë ‑sü 'ka ꞊dhɛ 'mɛ ꞊wa gɔɔgbɩɩdhɛ kë Atanna ‑wʋ ‑ta ‑a 'dhö, "kɛɛ 'wii 'dho 'to "dhʋ̈ "sɛ 'tuʋ̈‑ 'ka. "Kɛɛ ‑wo ‑dho 'to "dhʋ̈ ꞊kö 'ö dho 'ö zun‑ 'ka yi 'ö 'mɛ 'waa Zuifö 'ka 'ö 'wo dho bɔ Atanna 'ka bha ‑a ‑nu "dhiʋ̈ pa ‑yi ‑bha. Yö ꞊në ꞊ya bo kë ‑sü 'ka ꞊dhɛ ‑kɔ bha‑ 'dhö,

Efɛzö 6:13

'Wɔn 'ö‑ ‑wɔn 'gü, 'yö 'a‑ pö ꞊dhɛ 'ka ka ‑kɔ ‑da Atanna ‑bha ‑gblü ‑gɔɔn 'ka ‑kwɛɛ ꞊gban 'gü bha 'yö bha. Kë "dhʋ̈ kö 'ka 'to‑ "gbɩɩ‑ 'ka "tʋ̈ng yaa 'gü ‑gblü bha‑ gɔn ‑sü 'gü, kö 'ka 'dho 'go "gblʋʋ tongtongdhö.

Eblö 11:12

‑Kɔ 'ö ‑kë 'ka, 'yö Ablaamö 'ö ꞊ya gun ꞊ya kë zii, 'ö 'yaa 'në 'kpɔmɛ 'ka 'nu 'zü tongtongdhö bha 'ö 'në kpɔ, 'yö 'waa ꞊mɔɔ‑ ‑bha kö ‑wa suu "dhi dɔ ꞊dhɛ "susëngga 'ö dhang‑ ‑bha, "ɛɛn ꞊dhɛ "yɛɛn 'ö ꞊weeyi "dhiʋ̈ ‑a 'dhö ꞊dɛɛ bha 'yö bha.

Eblö 12:22

"Kɛɛ ka ‑zë, Siɔn ‑tɔn waa‑ Zedhizadhɛmö ‑pö 'ö Atanna "yaandhe 'ö dhang‑ 'gü bha‑ ‑yɛa ꞊bhaa ‑dhɛ 'ka, waa‑ ‑a ‑bha "kië "gblü mɛɛ ‑nu bha‑ ‑nu 'dhö bha ꞊në 'ka ꞊yɔɔn ‑sü 'ka‑ "sɔɔ.

‑Dhɛkpaɔ 11:15

'Yö Atanna ‑bha "kië ‑nu bha‑ "saɔplɛ ‑naa ‑yö ö ‑bha "truu ‑piö. 'A dho n "tʋ 'to kö ‑wʋ 'gbɛ ‑yö "wɩ sië dhang‑ 'gü ‑yuudhö 'ö‑ pö: «‑Gblüdëdhɛ ‑kë "kpʋng ꞊taa "sɩ ꞊ya 'to 'mɛ 'ö‑ ‑dhɛ, dɔ ‑kɔ ya‑ 'gü yö ‑mü kwa Dëmɛ Atanna waa‑ ‑bha ‑Yamɛ bha ꞊në‑ ‑nu 'ka, yö ‑zë ‑a ‑bha mɛ ‑dhɛ bha‑ "dhiʋ̈todhɛ 'yii 'dho kë tongtongdhö, ‑yö ‑dho ‑a kë ‑todhʋ̈ 'ka!»

‑Dhɛkpaɔ 22:3

Pë "pɛpɛ kö Atanna ꞊ya "dhang ‑da ‑bha, ‑a do ‑zian 'yii 'dho kë 'pö‑ bha‑ 'gü. Atanna waa‑ "bhlaanë bha‑ ‑nu ‑bha ‑gblüdëdhɛ ‑kë ‑ta ‑gbloo ‑dho kë 'pö‑ bha ꞊në‑ 'gü, 'yö‑ ‑bha gwëëzë ‑nu 'wo‑ ‑dhɔkë mü.

‑Dhɛkpaɔ 3:18

‑A ‑kë "dhʋ̈ ‑sü bha ꞊në‑ ‑wɔn 'gü, 'yö 'a‑ pö ka ‑dhɛ ꞊dhɛ 'ka nu, kö 'ka "sënng 'ö ꞊waa‑ gbo ꞊gban bho‑ 'gü "pɛpɛdhö bha‑ 'dhɔ n ‑gɔ, kö 'ka kë ꞊naɔmɛ ꞊dede 'ka, kö 'ka sɔ "puu 'dhɔ kö 'ka ka 'kpee‑ ‑ta kpa‑ 'ka kö 'yiʋ̈‑ 'ya 'dho ka kë, kö 'ka "yan kë ꞊bɛdhɛ 'dhɔ kö 'ka‑ kë ka "yan ‑bha kö 'ka ‑dhɛ yö.

‑Dhɛkpaɔ 4:4

Kö ‑gbloo "wɛɛ ‑kaɔng ꞊plɛ ga ‑yiisiö 'bha ‑wo ꞊klëën ‑sü 'ka 'zü ‑a 'kpiisü bha‑ ‑zü, 'ö mɛ zizi ‑nu ‑kaɔng ꞊plɛ ga ‑yiisiö 'ö sɔ "puu 'dhö‑ ‑nu ‑bha bha 'wo ‑ya ‑sü 'ka‑ ‑ta 'dɔɔndhö, kö "sënng faan‑ ‑ya ‑nu ‑gɔ ‑bha.

‑Dhɛkpaɔ 5:11

A ‑to ‑dhɛ 'dhɛ bha‑ ‑ga ‑dhɛ 'gü, 'yö n "tʋ 'dhö ‑da Atanna ‑bha "kië kpö 'gbɛ ꞊dede ‑wʋ 'gü, ‑wo ‑gun "gblü mɛɛ ‑ta ‑mɛɛ, dhʋng 'yaa gun‑ ‑bha, kö ‑wo ꞊klëën ‑sü 'ka Atanna ‑bha ‑blüdëdhɛ ‑gbloo bha‑ ‑züzüdhɛ ꞊gban "pɛpɛ 'gü waa‑ pë "yaandhe ‑nu bha waa‑ mɛ zizi ‑nu bha‑ 'dhö.

‑Dhɛkpaɔ 5:9

'Yö 'wo "tan ‑dee do bho 'wo‑ pö: «I ‑bha 'sëëdhɛ bha‑ 'sü ‑sü kö 'i‑ "dhiʋ̈tadhɛ ꞊gban "pʋ kö 'i ‑dhɛ ‑ga 'gü ‑dhɛ ‑mü tɛan‑ ꞊dede 'ka. ‑A ‑gɛn ‑mü ꞊dhɛ ‑wo kë bhi ꞊në i zë, 'yö 'i mɛ 'gbɛ ꞊dede ‑gɔ ‑ta dhɔ Atanna ‑dhɛ ga 'i‑ wo bha‑ 'saa‑ 'gü, 'yö 'i "siya ꞊gban suu 'do 'do sü waa‑ mɛ suu ꞊gban "pɛpɛ 'do 'do 'dhö "sɛ suu 'do 'do ꞊gban 'gü kë "dhʋ̈ kö ‑wo kë Atanna ‑bha 'ka.

‑Dhɛkpaɔ 6:11

'Yö 'wo ‑tɔyang "puu ‑da 'mɛ 'wo bha‑ ꞊gban ‑bha 'yö 'wo ‑kɔ ‑ya ‑nu zuë" ‑ta 'wo‑ pö ‑wo wo zuë" 'në 'dɛdɛ ‑da mü kö ‑wa ‑nu dheebhang ‑nu, ‑a ‑nu Atanna ‑bha yëkëyɔɔ ‑nu ‑kpɛa 'wo to ‑a ‑nu zë 'pö ꞊dhɛ‑ ‑nu 'dhö, kö‑ ‑nu "dhiʋ̈ ‑yö pa.

‑Dhɛkpaɔ 7:8

'yö‑ 'bha ‑yö go "dhʋ̈ Zabidhɔng ‑gɔ 'kɔɔdhö, 'yö‑ 'bha ‑yö go "dhʋ̈ Zosɛfu ‑gɔ 'kɔɔdhö, 'yö‑ 'bha ‑yö go "dhʋ̈ Bɛnngzamɛ ‑gɔ 'kɔɔdhö, 'yö 'wo 'klëë‑ kpɔ‑ ‑nu ‑bha.