‑Dhɛkpaɔ 7:3 - NAƆ ‑SË 'SËËDHƐ

³ «'Ka 'dho 'wɔn yaa 'bha kë "kpʋngtaadhɛ "ɛɛn ꞊weeyi waa‑ "dhü ‑nu 'bha 'ka ꞊kö kö 'yi 'klëë‑ 'kpɔ mɛ "pɛpɛ 'wo kwa ‑bha Atanna ‑bha gwëëzë ‑nu 'ka Izraɛdhö ‑sɛ 'gü bha‑ ‑nu ‑kpong 'gü ‑dhɛ ‑bha.»

‑Dhɛkpaɔ 7:3 ပူးပေါင်းရင်းမြစ်များ

Matiö 24:22

꞊Ya kë ꞊dhɛ Atanna 'yii ‑dhɛkpaɔyi bha‑ 'bha "kan‑ "dhiʋ̈ 'nu ‑zianwo kö ‑dha 'wɔn bha‑ ‑gɔ ‑mɛ 'yii 'dho ꞊slɔɔ. "Kɛɛ ‑kë ‑së "kë "së, Atanna ꞊yaa‑ 'bha bho‑ "dhiʋ̈ 'mɛ 'ö‑ ‑nu sü ö ‑bha 'ka bha‑ ‑nu ‑wɔn 'gü.

Matiö 24:31

"Truu 'kpii‑ bha ‑yö ‑dho "wɩ 'yi bha ꞊në‑ 'ka, 'yö 'a ma "kië ‑nu bɔ "kpʋngtaadhɛ ꞊gban "pɛpɛ 'gü, 'yö 'wo 'mɛ 'a‑ ‑nu sü n ‑bha 'ka bha‑ ‑nu sü ‑dhɛ "pɛpɛ bha‑ ꞊gban 'gü, 'yö 'wo‑ ‑nu ꞊loo 'ko ‑ta ‑dhɛ do 'gü.»

Naɔ ‑së 'ö ‑gban Yesu Klisi ‑bha 'ö Zan ‑ya pö 12:26

'Mɛ 'ö‑ "piʋ̈ ꞊dhɛ 'ö bɔ n 'ka, ‑a ‑dhɛa ‑bha ꞊dhɛ ‑a ‑mɛ ‑yö ziö n ꞊keng‑ kö ‑dhɛ 'a‑ ‑bha ‑yö kë mü 'pö, ‑a 'klɔɔ‑ ‑mü ꞊dhɛ yë ‑kë n ‑dhɛ ‑mɛ bha n Dë ‑ya ꞊bhlëë ‑ya.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:33

‑A ‑wɔn 'gü, 'mɛ 'ö ꞊ya 'dhang bho‑ "dhiʋ̈, 'yö ö ‑kɔ ‑ya ‑wɔn ‑bha, 'yö‑ 'wɔn dɔ ꞊dhɛ pë "pɛpɛ 'ö Atanna ‑ya pö ‑a 'bha 'yaa ꞊sua 'ka.

Wlɔmö 6:22

"Kɛɛ dɔ 'dhɛ 'kwa‑ wo ꞊dɛɛ, 'ö 'ka 'go 'wɔn yaa ‑gɔ ꞊dhuëngdhɛ 'gü 'ö 'ka bɔ Atanna 'ka bha‑ ꞊trɔɔn 'ö ka ‑bha yö ‑mü pö 'ö 'yaa ka ‑bha ‑a wëëdhö bha ꞊në‑ 'ka, 'yö‑ ‑gɔ ‑yö dho 'ö dɔ ‑tosɛa 'ö 'yaa yën 'ö‑ "piʋ̈ bha‑ ꞊slɔɔ ‑sü ‑ta.

‑Dhɛkpaɔ 13:16

'Yö wü do bha 'ö ö faan ‑wɔ 'zü 'në 'sɛɛnnë ‑nu oo, mɛ "gblʋ̈gblʋ̈ ‑nu oo, ꞊naɔmɛ ‑nu oo, "flɛɛmɛ ‑nu oo, ꞊dhuëng ‑nu waa‑ 'wlɔɔ‑ ‑nu ꞊gban "pɛpɛ ‑ta 'yö 'wo 'klëë‑ kpɔ wo ‑kɔ ‑së 'gü ‑kɔdhɛ ꞊taa ‑dhɛ ‑nu waa‑ ‑nu ‑kpong "dhiʋ̈ ‑dhɛ ‑nu 'gü.

‑Dhɛkpaɔ 13:17

'Yö mɛ 'bha ‑mɛ 'bha 'yaa ꞊mɔɔ‑ ‑bha kö ‑yö pë 'dhɔ, "ɛɛn kö ‑yö pë 'go, kö 'klëë‑ 'ö wü bha‑ 'tɔ ‑yö gun‑ 'gü bha, "ɛɛn "nimlɔɔ 'ö ꞊dhɛ‑ "blɛɛn‑ bha‑ 'dhö bha 'yaa‑ ‑mɛ ‑bha.

‑Dhɛkpaɔ 14:1

'A dho ‑dhɛ ‑ga kö "bhlaanë bha ‑yö dɔ sië ‑tɔn 'ö Zedhizadhɛmö bha‑ ꞊gbin‑ waa‑ mɛ "gblü këng do ‑kɔ ‑yiisiö waa‑ mɛ "gblü ‑yiisiö 'ö waa‑ Dë ‑a ‑nu 'tɔ ‑yö gun ‑ya ‑sü 'ka‑ ‑nu ‑kpong "dhiʋ̈ bha‑ ‑nu 'dhö.

‑Dhɛkpaɔ 14:9

'Yö Atanna ‑bha "kië bha‑ ‑yaaga ‑naa ‑yö dɔ‑ 'dhɛ bha‑ ꞊keng‑ 'pö kö ‑ya pö sië 'ö‑ pö: «Mɛ "ʋʋ mɛ 'ö yaa‑ wü bha‑ ‑dhɔkë "ɛɛn 'ö yaa‑ "blɛɛn‑ bha‑ ‑dhɔkë, 'ö‑ ‑bha ‑bɛn bha‑ ‑ya ö ‑kɔdhɛ ‑bha, "ɛɛn ö ‑kpong "dhiʋ̈,

‑Dhɛkpaɔ 19:2

‑A dɔ ‑za bha pö 'aa‑ ‑bha, ‑a ‑gɛn ‑mü ꞊dhɛ 'yaa za dɔ mɛ 'bha ‑bha ꞊flü ‑ta. Yö ꞊në‑ ‑wɔn 'gü 'yö 'wɔn bho ‑zuadhe 'kpii‑ 'ö "kpʋngtaadhɛ see‑ ‑sü 'ka ö ‑bha ‑zua zë ‑sü 'ka bha‑ 'gü. ‑A 'wɔn ‑bho 'gü ‑gɛn ‑mü ꞊dhɛ yö ꞊në kë Atanna ‑bha yëkëmɛ ‑nu ‑zë.»

‑Dhɛkpaɔ 20:4

꞊Dhɛ 'ö ꞊ya kë "dhʋ̈, 'yö 'a n "yan ‑kpan ‑blüdëdhɛ ‑gbloo 'gbɛ ꞊dede ‑bha kö mɛ ‑ya ‑ta. 'Mɛ 'wo gun ‑ya ‑sü 'ka‑ ‑ta "dhʋ̈ bha 'yö 'wo za dɔ ‑sü dɔ‑ ‑nu ‑kɔ 'ka. 'Yö go mü 'zü 'yö 'a mɛ "pɛpɛ 'wo‑ ‑nu zë tɛanwɔn 'wo‑ ma Yesu "dhi ‑a pö 'wo‑ wo, 'ö 'wo Atanna ‑wɔn ‑dhiang zë mɛ ‑nu ‑dhɛ ‑a ‑wɔn 'gü bha‑ ‑nu 'nii‑ ‑nu yö. 'Mɛ 'wo "dhʋ̈ bha ꞊në 'wii zun wü bha‑ ‑dhɛ kpiö 'gü kö ‑wa ‑dhɔkë, "ɛɛn kö ‑wa "blɛɛn‑ ‑dhɔkë. 'Yö 'wii‑ ‑nu daɔ dɔ wü bha‑ ‑bha dɔ 'gü ‑a ‑nu ‑kpong "dhiʋ̈ ‑dhɛ ‑nu waa‑ ‑nu ‑kɔ ‑bha ‑dhɛ ‑nu 'gü. 'Mɛ 'wo bha 'yö 'wo go ga 'gü 'wo ‑bö, 'yö waa‑ Klisi ‑nu 'wo ‑gblüdëdhɛ ‑kë ‑kwɛ "gblü do 'ka.

‑Dhɛkpaɔ 22:4

‑Wo ‑dho wo "yan ‑kpan ‑a wëëdhɛ bha, 'yö‑ 'tɔ ‑yö ‑kë ‑ya ‑sü 'ka‑ ‑nu ‑kpong "dhiʋ̈.

‑Dhɛkpaɔ 6:6

'Yö 'a ‑wʋ do 'bha ma kö ‑yö 'go sië pë "yaandhe ‑yiisiö bha‑ ‑nu kpö 'gü 'ö‑ pö "gbɩɩ‑ 'ka 'ö‑ pö: «‑Bhö ‑mlüga waa‑ "klëënga bha‑ ‑nu dan kö 'i‑ "dhɔɔ ‑siö. ‑Wo ‑mlü 'tɛa‑ ‑yan do 'dhɔ 'wëëga 'wo ‑dhɛkpaɔyi do ‑yë ꞊saa bho‑ 'ka bha‑ 'ka, kö ‑wo "klëën 'tɛa‑ ‑yan ‑yaaga 'dhɔ "dhʋ̈ 'pö, "kɛɛ 'bha 'dho "yɔn waa‑ we ‑zë ‑a ‑nu "dhɔɔ ‑siö.»

‑Dhɛkpaɔ 7:1

꞊Dhɛ 'ö 'wɔn bha ꞊ya bo ‑kë "dhʋ̈ ‑sü 'ka, 'a dho ‑dhɛ ‑ga, kö Atanna ‑bha "kië ‑yiisiö ‑wo dɔ sië "sɛ "gwënng 'gü ‑dhɛ ‑yiisiö bha‑ ꞊gban 'gü, kö "tɛɛ ‑gɔ ‑yiisiö 'wo "kpʋng ꞊taa bha ꞊waa‑ 'kun kö ‑ya ‑nu ‑gɔ, Kë "dhʋ̈ kö "tɛɛ 'ya 'dho ziö "kpʋng ꞊taa, "ɛɛn ꞊weeyi ‑ta ‑dhɛ "ɛɛn "dhü ‑zian 'bha ‑bha tongtongdhö.

‑Dhɛkpaɔ 7:2

'Yö 'a‑ ‑bha "kië "wɛɛ do 'bha yö kö ‑yö 'go sië 'yënng‑ ‑wo ‑zian 'ka 'ö nu "kɛɛ kö Atanna "yaandhe bha‑ ‑bha 'klëë‑ ‑kpɔ pë ‑bha ‑pë ‑ya ꞊kwɛɛ‑. 'Yö‑ pö Atanna ‑bha "kië ‑nu 'ö "sɛ waa‑ ꞊weeyi ‑nu 'gü see‑ ‑faan nu‑ ‑nu ‑dhɛ bha‑ ‑nu ‑dhɛ "gbɩɩ‑ 'ka 'ö‑ pö:

‑Dhɛkpaɔ 9:4

'Yö 'wo ‑dhio dɔ ‑kpaa ‑nu bha‑ ‑nu ‑ta 'wo‑ pö 'wa 'dho 'wɔn bho blëë "dhɛ ‑nu waa‑ "dhü ‑nu "ɛɛn tapë ‑nu ‑zë 'bha 'gü, "kɛɛ ‑wo mɛ "pɛpɛ 'ö Atanna ‑bha 'klëë‑ 'yaa 'kpɔ ‑sü 'ka‑ ‑nu ‑bha ‑a ‑nu ‑kpong "dhiʋ̈ bha ꞊në‑ ‑nu ‑wëë ‑kë "dhiʋ̈ bho.