‑Dhɛkpaɔ 7:2 - NAƆ ‑SË 'SËËDHƐ

² 'Yö 'a‑ ‑bha "kië "wɛɛ do 'bha yö kö ‑yö 'go sië 'yënng‑ ‑wo ‑zian 'ka 'ö nu "kɛɛ kö Atanna "yaandhe bha‑ ‑bha 'klëë‑ ‑kpɔ pë ‑bha ‑pë ‑ya ꞊kwɛɛ‑. 'Yö‑ pö Atanna ‑bha "kië ‑nu 'ö "sɛ waa‑ ꞊weeyi ‑nu 'gü see‑ ‑faan nu‑ ‑nu ‑dhɛ bha‑ ‑nu ‑dhɛ "gbɩɩ‑ 'ka 'ö‑ pö:

‑Dhɛkpaɔ 7:2 ပူးပေါင်းရင်းမြစ်များ

Matiö 16:16

'Yö Simɔ Piɛdhö ‑ya pö‑ ‑dhɛ 'ö‑ pö: Atanna ‑bha ‑Yamɛ 'ö‑ bɔ yö ‑mü i 'ka! Atanna "yaandhe Gbö ‑mü i 'ka!»

Matiö 26:63

"Kɛɛ 'yö Yesu ‑yö ö "dhi ta 'yö 'yii "wɩ. 'Yö "saabhomɛ ‑nu ‑gɔmɛ 'kpii‑ bha 'ö‑ pö 'zü‑ ‑dhɛ ‑deewo 'ö‑ pö: «'I‑ ‑zë Atanna "yaandhe ꞊dede ‑dhɛ, ꞊sii ꞊dede ‑ta, bhi ꞊në 'i‑ ‑bha ‑Yamɛ 'ö‑ Gbö 'ka bha‑ 'ka ‑ee? 'Ö ꞊ya kë ꞊dhɛ bhi ꞊në 'i‑ 'ka tɛan‑ ꞊dede 'ka, ‑bhö ‑a pö yi ‑dhɛ!»

Naɔ ‑së 'ö ‑gban Yesu Klisi ‑bha 'ö Zan ‑ya pö 6:27

'Sa a‑ ‑pö ka ‑dhɛ ꞊dhɛ: 'Ka 'dho‑ pö 'ka sëë bho ‑bhöpë 'ö ꞊see bha yö ‑zë ‑wɔn 'gü, "kɛɛ 'ka sëë bho ‑bhöpë 'ö ꞊gwëë, 'ö ꞊sii 'ö 'yaa yën‑ ‑kë mɛ ‑dhɛ bha ꞊në‑ ‑wɔn 'gü. ‑A ‑bhöpë suu 'ö "dhʋ̈ bha mang Mɛgbömɛ ꞊në 'a dho‑ nu ka ‑dhɛ. ‑A 'klɔɔ‑ ‑mü ꞊dhɛ n Dë Atanna ꞊ya ö ‑kɔ "gblʋʋ 'ö‑ ‑zɔn ꞊dhɛ yö ꞊në n bɔ bha‑ ‑ya n ‑bha.»

2 Kodhɛngtö 1:22

'Yö ö 'tɔ ‑ya kwa ‑bha, 'yö dho 'ö ö ‑bha 'Nii‑ "slʋ̈ʋ̈slʋ̈ bha‑ ‑ya kwa 'gü kö ‑yö kë 'wɔnsë 'ö‑ ‑ya ‑sü 'ka kwa ‑gɔ ‑dhɛkpaɔ dhia" 'gü bha‑ taɔng 'ka.

Efɛzö 1:13

‑Kɔ do bha‑ 'gü, 'mɛ 'ö 'kaa Zuifö 'ka kaa ‑dɩ 'pö, ꞊dhɛ 'ö 'ka bo tɛanwɔn 'ö ‑gban Atanna ‑bha, 'ö ‑kë 'wɔn ‑taɔng ‑së 'ö ‑gban Klisi ‑wɔn ‑bha, 'ö dhasü nu ka ‑dhɛ bha‑ bha‑ ma ‑sü 'ka, 'yö 'ka 'dhang bho Yesu bha‑ "dhiʋ̈, 'yö Atanna ‑yö ö ‑bha 'Nii‑ "slʋ̈ʋ̈slʋ̈ 'ö‑ "plüün bho mɛ "bhɩɩ‑ ‑nu ‑dhɛ, 'ö ꞊dhɛ‑ ‑kɔ "gblʋʋ 'dhö bha‑ ‑ya ka 'gü.

Efɛzö 4:30

'Ka 'dho Atanna ‑bha 'Nii‑ "slʋ̈ʋ̈slʋ̈ ‑siö ‑dhɛ ‑wɔn kë 'ö 'ka‑ wë 'gü ‑siö ka ‑tosɛa kë ‑kɔ 'ka. ‑A ‑gɛn ‑mü ꞊dhɛ yö ꞊në 'klëë‑ 'ö Atanna ‑ya kpɔ ka ‑bha ‑a 'ka. Yö ꞊në‑ ‑zɔn kwa ‑dhɛ ꞊dhɛ ‑dhɛ 'bha‑ ‑dho kpaɔ, Atanna ‑dho kwa ‑bha dha ‑sü bha‑ ‑gɔ ‑da 'plöö.

1 Tesadhonikö 1:9

‑A ‑gɛn ‑mü ꞊dhɛ ‑kɔ ‑ya yi ‑dhɛng ‑bha ‑kɔ 'ka‑ ‑ya 'ka kö 'ya nu ka ‑gɔ "sɛ 'gü mü bha waa‑ ‑kɔ 'ka 'dhang bho‑ 'ka Atanna "dhiʋ̈, 'ö 'ka ka ꞊taa zun‑ 'ka ‑dhɔkëpë ꞊gban "pɛpɛ suu ‑gɔ 'ö 'ka Atanna "yaandhe ꞊dede 'ö‑ ‑wɔn 'yaa ꞊sua 'ka ‑a ‑dhɔkë, ‑kɔ 'ka ‑ya ‑sü 'ka‑ 'ka ‑a Gbö 'ö‑ bho ga 'gü, 'ö ꞊ya 'dho dhang‑ 'gü 'ö nu sië, Yesu 'ö kwa dha‑ ‑bha ‑mawɔnsiödhe 'ö nu sië ‑dhɛkpaɔ dhia" 'gü ‑a ‑gɔ bha‑ nu ‑sü ‑gɔ ꞊niida 'ka bha mɛ ꞊gban "pɛpɛ ‑wa ‑dhiang ‑zë.

2 Timote 2:19

"Kɛɛ 'kö 'zü 'ö ‑kë ꞊dhɛ ‑wa ‑pö "dhʋ̈ ꞊wɛ, 'yii 'dho Atanna ‑wʋ ꞊dede ‑zë bho ö "gblʋʋ ‑ta. ‑A ‑gɛn ‑mü ꞊dhɛ 'ö ö ‑bha 'kɔ "kpan 'kö‑ ‑ya bha 'yaa 'wü ‑pë 'ka, ‑yö 'klëë‑ ‑kpɔ ‑bha ö ‑wʋ 'ka 'ö‑ pö: «Kwa Dëmɛ ‑yö 'mɛ 'wo‑ ‑bha 'ka ‑a ‑nu ‑dɔ» "ɛɛn 'zü: «'Mɛ 'wo‑ pö wo ‑dɩ ‑dhɛ wo kwa Dëmɛ ‑dɔ, ‑wo wo ‑bo 'wɔn yaa kë ‑sü 'ka.»

Eblö 12:22

"Kɛɛ ka ‑zë, Siɔn ‑tɔn waa‑ Zedhizadhɛmö ‑pö 'ö Atanna "yaandhe 'ö dhang‑ 'gü bha‑ ‑yɛa ꞊bhaa ‑dhɛ 'ka, waa‑ ‑a ‑bha "kië "gblü mɛɛ ‑nu bha‑ ‑nu 'dhö bha ꞊në 'ka ꞊yɔɔn ‑sü 'ka‑ "sɔɔ.

‑Dhɛkpaɔ 1:3

'Wɔn dho kë dhia", 'ö Atanna ‑ya to "dhiʋ̈ 'ö‑ pö mɛ "bhɩɩ‑ ‑nu ‑dhɛ, 'ö ‑bɛn zë ‑sü 'ka 'sëëdhɛ ya‑ 'gü ya 'mɛ 'ö‑ ‑wʋ pö, 'ö ö "tʋ to‑ ‑bha, 'ö‑ 'gü ‑wɔn ‑kë kö‑ ‑mɛ ‑bha ‑së! ‑A ‑gɛn ‑mü ꞊dhɛ "tʋ̈ng 'ö Atanna ‑ya ‑ya 'wɔn ‑nu bha‑ kë "tʋ̈ng 'ka bha 'yaa ꞊gblɛɛn 'zü.

‑Dhɛkpaɔ 10:1

꞊Dhɛ 'ö ꞊ya kë "dhʋ̈, 'yö Atanna ‑bha "kië 'gü "gbɩɩ‑ do ‑yö go dhang‑ 'gü 'ö ꞊lɔɔ, kö "dhuu ‑yö ꞊klëën ‑sü 'ka‑ ‑zü, kö ꞊kpöng ‑yö ꞊klëën ‑sü 'ka‑ ‑gɔ ‑zü 'pö, kö‑ wɔ 'gü ‑yö 'bhü sië ꞊dhɛ 'yënng‑ 'dhö, kö‑ ‑gɛn 'ö‑ ꞊wlöö ‑a ꞊gban‑ kë sië ꞊dhɛ pɛng gɔn 'nɛɛ‑ 'ö këng ꞊sië 'dhö.

‑Dhɛkpaɔ 10:4

꞊Dhɛ 'ö dha ‑yö bo "wɩ ‑sü 'ka, 'yö 'a‑ pö 'a 'wɔn 'ö ‑kë bha‑ ‑bɛn zë, "kɛɛ 'yö ‑wʋ do 'bha ‑yö bɔ dhang‑ 'gü 'ö‑ pö n ‑dhɛ: «"Wɩ 'ö dha ‑ya wo ‑gɛn ‑yan 'ka "saɔplɛ bha ‑wʋ 'ö‑ pö bha‑ 'to i ‑dɩ ‑gɔ, 'bha 'dho‑ ‑bɛn zë.»

‑Dhɛkpaɔ 16:12

'Yö Atanna ‑bha "kië ‑nu bha‑ mɛ "saɔdo ‑naa ‑yö ö ‑bha gbɔnë bha‑ 'gü ‑pë ꞊wɛnng ꞊gwaanga 'kpii‑ 'wo‑ ‑dhɛ Öflatö bha‑ ‑ta. 'Yö "yi bha 'ö ꞊bhʋ̈ʋ̈ 'yö to "yɛɛn 'ö‑ ꞊bhaa bha ꞊në‑ ‑bha, kë "dhʋ̈ kö ‑yö zian bho ‑gblüdë ‑nu 'ö‑ ‑nu ‑go 'yënng‑ ‑wo ‑zian 'ka ‑wɔn ‑yö gun bha‑ ‑nu ‑gɔ.

‑Dhɛkpaɔ 5:2

'A dho "kan n ‑ta 'zü kö Atanna ‑bha "kië 'gü "gbɩɩ‑ do 'bha bha ‑yö "gbla sië "gbɩɩ‑ 'ka 'ö‑ pö: «'Dee 'dhö, 'ö 'klëë‑ ‑kpɔ 'sëëdhɛ ya‑ ‑bha ‑pë ya‑ 'wü ‑sü kö ‑wa "dhiʋ̈ "pʋ bha‑ "sɩ 'dhö‑ ‑dhɛ, 'ö ꞊mɔɔ‑ ‑bha 'ö‑ ‑kë.»

‑Dhɛkpaɔ 8:3

Kö‑ ‑bha "kië ‑nu bha‑ "wɛɛ do 'bha ꞊ya nu ꞊ya dɔ ‑dhɔkëtagwë "klʋ bha‑ "sɔɔ, kö pë "fië 'wo ‑dhasiklɔɔ ‑gʋ̈ 'gü bha‑ do 'ö "sënng 'ka ꞊ya ꞊kwɛɛ‑. 'Yö 'wo ‑dhasiklɔɔ 'dhɛ 'wo‑ ‑gʋ̈ bha‑ 'gbɛ ꞊dede nu‑ ‑dhɛ kö ‑ya "gʋ̈ ‑gwë "klʋ 'ö "sënng 'ka bha‑ ‑ta, kö ‑yö 'mɛ 'wo bɔ Yesu 'ka bha‑ ‑nu ‑bha ‑bhɛa Atanna ‑dhɛ ‑wʋ ‑nu bha‑ ‑nu "dhiʋ̈ ꞊loo 'mɛ 'ö ‑ya ‑sü 'ka ‑gbloo 'kpiisü ‑ta bha‑ ‑bha.

‑Dhɛkpaɔ 9:14

'Yö ‑wʋ bha 'ö‑ pö Atanna ‑bha "kië "saɔdo ‑naa 'ö "truu bha 'ö gun‑ ‑gɔ bha‑ ‑dhɛ 'ö‑ pö: «‑Bhö "yina ‑yiisiö 'wo ‑kplü ‑sü 'ka lɔɔ" 'ka ꞊gwaanga 'wo‑ Öflatö ‑kë bha‑ "kpʋng "dhiʋ̈ bha‑ ‑nu "pʋ!»

‑Dhɛkpaɔ 9:4

'Yö 'wo ‑dhio dɔ ‑kpaa ‑nu bha‑ ‑nu ‑ta 'wo‑ pö 'wa 'dho 'wɔn bho blëë "dhɛ ‑nu waa‑ "dhü ‑nu "ɛɛn tapë ‑nu ‑zë 'bha 'gü, "kɛɛ ‑wo mɛ "pɛpɛ 'ö Atanna ‑bha 'klëë‑ 'yaa 'kpɔ ‑sü 'ka‑ ‑nu ‑bha ‑a ‑nu ‑kpong "dhiʋ̈ bha ꞊në‑ ‑nu ‑wëë ‑kë "dhiʋ̈ bho.