‑Dhɛkpaɔ 7:14 - NAƆ ‑SË 'SËËDHƐ

¹⁴ 'Yö 'a‑ ‑yɔ bɔ‑ ‑gɔ 'a‑ pö: «Bhi ꞊në 'i‑ ‑nu dɔ, 'i‑ ‑nu 'godhɛ ‑nu ꞊gban dɔ ‑wa n Dëmɛ.» ꞊Dhɛ 'ö ꞊ya kë "dhʋ̈ 'yö‑ pö n ‑dhɛ: «'Mɛ 'ö 'wɔn "gbɩɩ‑ ꞊gban suu 'do 'do ‑yö ‑wɔ ‑nu ‑ta Atanna ‑wɔn 'gü bha ꞊në 'wo bha. ‑A ‑nu ‑bha ‑tɔyang bha‑ "zu ꞊në 'wo‑ wo "bhlaanë ꞊yɔɔn 'ka 'yö "puu 'ka bha.

‑Dhɛkpaɔ 7:14 ပူးပေါင်းရင်းမြစ်များ

Matiö 24:21

‑A ‑gɛn ‑mü ꞊dhɛ ‑wëëwɔn ‑nu 'wo dho kë "tʋ̈ng bha‑ 'gü bha, ‑yö ‑dho kë ‑ziisü ꞊dedewo. 'Ö sü "kpʋngtaadhɛ kë ‑yi ‑bha 'ö nu 'ö zun‑ 'ka ꞊dɛɛ ‑bha, ‑a suu 'yii kë do, 'sa ‑a ‑bhɔ ‑bha 'yii 'dho kë 'pö 'zü 'ö to‑ ‑bha.

Makö 13:19

‑a ‑gɛn ‑mü ꞊dhɛ 'wɔn 'ö dho kë "tʋ̈ng bha‑ 'gü bha, ‑a ‑bha ‑kë ‑wëësü ‑sü ‑dhiang ‑zian 'yaa zë. Atanna 'dhö "kpʋngtaadhɛ ‑da "dhʋ̈ yi bha‑ 'ka, ‑a ‑wëëwɔn suu 'ö "dhʋ̈ 'yii kë do, "ɛɛn ‑a "sinma 'yii 'dho kë 'zü 'ö to‑ ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 16:33

'Wɔn ‑nu bha a‑ ‑nu ‑pö ka ‑dhɛ "dhʋ̈ kö ka zuë" ꞊në ‑yö 'waanu kwɛng‑ ‑nu kwa ‑bha ‑kë 'ko "piʋ̈ ‑sü bha‑ 'gü; ‑a ‑gɛn ‑mü ꞊dhɛ ka ‑dho sëë bho ꞊dedewo "kpʋngtaadhɛ ya‑ 'gü, "kɛɛ ‑ka ka faan dɔ, n ‑kɔ ꞊ya ziö "kpʋngtaadhɛ ‑gɔ.»

Këwɔn ‑nu 14:22

'Yö 'wo 'mɛ 'wo 'dhang bho Yesu "dhiʋ̈ ‑a ‑nu faan dɔ kö ‑wo wo 'gü dɔ "gbɩɩ‑ ‑zʋ ‑yö ‑a ‑dhɛ ‑sü ‑bha 'yö 'wo‑ pö‑ ‑nu ‑dhɛ: «Mɛ "pɛpɛ 'wo 'dhang bho‑ ‑wɔn "dhiʋ̈ ‑wo ‑dho saan" 'sü ꞊dedewo "kpʋngtaadhɛ ya‑ 'gü, 'yö 'wo gun ‑na ‑da Atanna ‑bha ‑gblüdëdhɛkëdhɛ 'gü.

Wlɔmö 5:3

Yö ꞊në‑ ‑wɔn 'gü, 'yö kwa ꞊nii 'dhö ‑da saan" ‑zian 'gü, ‑a ‑gɛn ‑mü ꞊dhɛ kwa‑ 'wɔn ‑dɔ ꞊dhɛ saan" ꞊në mɛ ꞊yaa‑ wo 'yö mɛ zuë" 'dhö ‑kë ‑sɛa,

1 Kodhɛngtö 6:11

'Sa 'pë 'ö mɛ 'bha ‑nu 'wo ka kpö 'gü ꞊dɛɛ 'wo gun‑ 'ka 'yö bha. "Kɛɛ 'yö Atanna ꞊ya ka "zu, 'yö ꞊ya kaa‑ 'wɔn yaa bho ka ‑bha, 'yö ꞊ya ka kë "slʋ̈ʋ̈slʋ̈ ö wëëdhö, 'yö ꞊ya ka ‑ya ö ‑bha ‑ya 'gü, 'yö ꞊ya ka ‑bha za dhi ka ‑bɔ kwa Dëmɛ Yesu Klisi 'ka ‑sü ‑wɔn 'gü. 'Sa 'wɔn ‑sɛngbɔ ‑nu "pɛpɛ 'ö‑ ‑kë ka ‑dhɛ "dhʋ̈ bha ‑ya ‑kë 'ö ‑bha 'Nii‑ "slʋ̈ʋ̈slʋ̈ bha ꞊në‑ ‑kɔ 'ka.

2 Tesadhonikö 1:4

Yö ꞊në‑ ‑wɔn 'gü 'yö yi ‑gɛn gbɔ 'dhö "gblʋ̈gblʋ̈ Atanna ‑bha 'kɔdhigümɛ ‑nu kpö 'gü ‑dhɛ 'gbɛ 'gü ꞊dɛɛ, ‑a ‑gɛn ‑mü ꞊dhɛ Atanna ‑wɔn 'ö ka ‑gɔ "yi 'yaa zun‑ ‑bha, ka 'dhang bho ‑sü ‑ya "dhiʋ̈ 'kpakpadhö. 'Wɔn ‑nu 'wo‑ ‑wɔ ka ‑ta ka ‑bha 'dhang ‑bho Yesu Klisi "dhiʋ̈ ‑sü ‑wɔn 'gü, saan" ‑nu 'ka‑ wo, ‑a 'bha 'yii ka ‑kɔ bho Atanna ‑wɔn ‑bha. ‑Yö yi zuë" ꞊nii ‑da ꞊dedewo.

Eblö 13:12

'Wɔn 'ö‑ ‑wɔn 'gü, 'yö Yesu ‑dɩ pö 'yii ga 'pö‑ yaan‑ ‑bha bha 'yö bha. ‑Yö ka ‑wɩ ‑bha 'ö ga "saan "dhiʋ̈ "kɛɛ kö yö ꞊në gun 'yiʋ̈‑ ‑wɔn 'ka. Kë "dhʋ̈ kö 'ö 'wɔn yaa bho mɛ "bhɩɩ‑ ‑nu ‑bha ö ‑dɩ ꞊yɔɔn 'ka.

Eblö 9:14

'yö Klisi ꞊yɔɔn ‑zë ꞊wɛ? "Kɛɛ kö yö ꞊në yö ‑zë 'ö ö ‑dɩ nu "saapë 'ö pö 'aa‑ ‑bha ‑a 'ka Atanna ‑dhɛ 'Nii‑ "slʋ̈ʋ̈slʋ̈ 'ö 'yaa ga tongtongdhö 'ö Atanna ‑ya ‑ya 'gü bha‑ faan 'ka. ‑A ꞊yɔɔn bha ‑yö ‑mɔɔ ‑bha 'ö kwa ‑zu "wlaawɔn ‑nu 'kwa‑ ‑kë bha‑ ‑wɔn 'gü, 'ö 'kwa ‑kë "puu Atanna wëëdhö, 'ö kwa ‑zʋ 'yaa ‑bö ‑a ‑nu ‑wɔn ‑ta 'zü. Kë "dhʋ̈ kö 'kwa Atanna "yaandhe bha ꞊në‑ ‑dhɔkë.

1 Piɛdhö 1:19

Ka‑ 'wɔn ‑dɔ 'kpakpadhö ꞊dhɛ "saa‑ 'ö‑ ‑mɔɔ 'ka 'yaa 'dhö 'ö Klisi ‑ya bho bha ꞊në ka dha ‑a ꞊yɔɔn 'ö‑ ꞊wɛnng bha‑ 'ka. Klisi bha ꞊në ꞊dhɛ "bhlaanë 'ö ‑dhii 'yaa‑ ‑bha, "ɛɛn 'ö pö 'aa‑ ‑bha 'ö 'wo‑ ‑kë 'saa‑ 'ka bha‑ 'dhö.

1 Zan 1:7

"Kɛɛ ꞊ya kë ꞊dhɛ kwaa‑ ‑tosɛa bha pö 'yii kë‑ ‑bha ꞊dhɛ ‑kɔ 'ö‑ ‑bha 'dhö‑ 'ka ‑a 'dhö, kö kwa ‑kɔ ‑yö 'ko ꞊kwɛng ꞊dedewo tɛan‑ 'ka. Yö ꞊në ꞊ya kë "dhʋ̈ 'pö 'yö‑ Gbö Yesu Klisi ꞊yɔɔn 'ö ꞊wɛnng kwa ‑wɔn 'gü bha 'ö kwaa‑ 'wɔn yaa ꞊gban "pɛpɛ bho kwa ‑bha.

‑Dhɛkpaɔ 12:11

Kwa dheebhang ‑nu ‑kɔ ꞊ya ziö ‑gɔ "bhlaanë ꞊yɔɔn 'ö ꞊wɛnng ‑nu ‑wɔn 'gü bha waa‑ Yesu ‑wɔn ‑dhiang 'wo gun‑ zë sië mɛ ‑nu ‑dhɛ bha‑ 'saa‑ 'gü. ‑A ‑gɛn ‑mü ꞊dhɛ kwa dheebhang ‑nu bha ‑wo kë ‑we ‑bha 'wo woo‑ tosɛa nu, 'ö 'wo ‑we ‑bha 'wo ga Yesu ‑wɔn 'gü.

‑Dhɛkpaɔ 15:2

'A dho ‑dhɛ ‑ga kö pë 'bha 'ö mɛ "yan ‑yö ꞊ziö‑ 'gü ꞊dhɛ "dënggbɔ 'dhö bha ‑yö wɔ ‑sü 'ka mü mɔɔdhö ‑dhɛ ꞊gban 'gü, "kɛɛ kö pɛng ‑yö kaan‑ ‑sü 'ka‑ 'ka. 'Yö 'mɛ 'wii wo ‑gɔ 'dho "sia‑ wü bha‑ ‑dhɛ tongtongdhö 'ö 'wo to‑ "gbɩɩ‑ 'ka‑ ‑ta waa‑ "blɛɛn‑ bha waa‑ 'tɔ ‑bɛn 'ö "nimlɔɔ 'ka bha‑ 'dhö bha 'a‑ ‑nu yö kö ‑wo dɔ sië "yi ꞊gblü bha‑ "sɔɔ, kö kɔnng ‑nu 'ö Atanna ‑ya nu‑ ‑nu ‑dhɛ bha ‑ya ‑nu ꞊kwɛɛ‑.

‑Dhɛkpaɔ 17:6

'A dho ‑dhɛ ‑ga kö Atanna dhɔɔbhaamɛ ‑nu waa‑ Yesu "sɛɛ‑ ‑nu 'ö‑ ‑nu ꞊yɔɔn ꞊wɛnng bha‑ bian yaa‑ 'kun, 'a‑ yö, ‑a 'wɔn ꞊dede kë n ‑kɔn.

‑Dhɛkpaɔ 2:9

Saan" 'ka‑ wo sië n ‑wɔn 'gü bha a‑ ‑dɔ, ka ‑bha "flɛɛdhɛ bha a‑ ‑dɔ, 'sa 'kaa "flɛɛmɛ 'ka tɛan‑ ꞊dede ‑zë 'ka! Ka ‑dhiang yaa 'ö Sɔtraan ‑bha mɛ ‑nu 'wo‑ pö wo ‑dɩ ‑dhɛ ꞊dhɛ wo ‑bɔ Atanna 'ka "kɛɛ kö 'waa bɔ‑ 'ka bha 'wo‑ zë bha‑ ꞊gban ‑yö n "yaan!

‑Dhɛkpaɔ 22:14

Mɛ "ʋʋ 'mɛ 'wo dho wo ‑bha ‑sɔ "zu, ‑a ‑nu ‑bha ‑së, ‑wo ‑dho kë ‑tosɛa ‑kë ‑bha ‑dhü bha‑ bhɛ ‑bhö ‑mɛ 'ka, "ɛɛn 'ö 'wo dho kë ‑da 'pö‑ bha‑ 'gü ‑mɛ 'ka wo ‑bha ‑sɔ 'wo‑ ‑zu bha‑ ‑wɔn 'gü, kö‑ ‑mɛ ‑nu ‑bha ‑së.

‑Dhɛkpaɔ 5:9

'Yö 'wo "tan ‑dee do bho 'wo‑ pö: «I ‑bha 'sëëdhɛ bha‑ 'sü ‑sü kö 'i‑ "dhiʋ̈tadhɛ ꞊gban "pʋ kö 'i ‑dhɛ ‑ga 'gü ‑dhɛ ‑mü tɛan‑ ꞊dede 'ka. ‑A ‑gɛn ‑mü ꞊dhɛ ‑wo kë bhi ꞊në i zë, 'yö 'i mɛ 'gbɛ ꞊dede ‑gɔ ‑ta dhɔ Atanna ‑dhɛ ga 'i‑ wo bha‑ 'saa‑ 'gü, 'yö 'i "siya ꞊gban suu 'do 'do sü waa‑ mɛ suu ꞊gban "pɛpɛ 'do 'do 'dhö "sɛ suu 'do 'do ꞊gban 'gü kë "dhʋ̈ kö ‑wo kë Atanna ‑bha 'ka.

‑Dhɛkpaɔ 7:9

꞊Dhɛ 'ö ꞊ya kë "dhʋ̈, a ‑dho ‑dhɛ ‑ga 'zü kö mɛ kpö ‑ziisü 'ö mɛ 'bha 'yaa ꞊mɔɔ‑ dhʋng ‑sü ‑bha, 'ö go "sɛgɔ 'do 'do ꞊gban 'gü, "siya suu 'do 'do ꞊gban 'gü, mɛ suu ꞊gban "pɛpɛ 'do 'do, waa‑ ‑wʋ suu 'do 'do ꞊gban pö ‑mɛ ‑nu bha ‑wo dɔ sië ‑gbloo 'kpiisü bha waa‑ "bhlaanë bha‑ ‑nu wëëdhö, kö sɔ "puu ‑ya ‑nu ‑bha, kö "sɔɔndhɛ ‑ya ‑nu ꞊kwɛɛ‑.