‑Dhɛkpaɔ 5:6 - NAƆ ‑SË 'SËËDHƐ

⁶ ꞊Dhɛ 'ö ꞊ya kë "dhʋ̈, 'a dho ‑dhɛ ‑ga kö "bhlaanë do 'ö "kpaa 'dhö‑ ‑bha ‑yö dɔ ‑sü 'ka ö ‑gɛan ‑gbloo 'kpiisü 'ö pë "yaandhe ‑yiisiö bha waa‑ mɛ zizi ‑nu bha 'wo ꞊klëën ‑sü 'ka‑ ‑zü bha‑ wëëdhɛ ꞊dede 'gü. "Bhlaanë bha ‑yö ‑gun ꞊dhɛ 'pë 'wo kë‑ zë ꞊në‑ bho "kɛɛ 'yö "yaan 'zü ‑deewo 'dhö. ‑A ‑sö ‑gun "saɔplɛ, 'yö‑ "yanga ‑yö gun 'pö "saɔplɛ. ‑A "yanga bha ꞊në gun Atanna ‑bha 'nii‑ "saɔplɛ 'ö‑ ‑nu bɔ "sɛ ‑ta ‑dhɛ ꞊gban "pɛpɛ 'gü bha‑ 'ka.

‑Dhɛkpaɔ 5:6 ပူးပေါင်းရင်းမြစ်များ

Dhukö 1:69

'Yö mɛ 'gügbɩɩ do 'ö dho kë kwa Dhamɛ 'ka, ‑a sü ‑a ‑bha gwëëmi Davi suu 'gü 'yö‑ bɔ kwa ‑dhɛ

Naɔ ‑së 'ö ‑gban Yesu Klisi ‑bha 'ö Zan ‑ya pö 1:29

꞊Dhɛ 'ö‑ ‑ta ‑dhɛ ꞊ya ꞊kpaɔ, 'yö Zan ‑yö Yesu yö kö ‑yö nu sië ö ‑zian 'ka. 'Yö‑ pö: «‑Ka ‑dhɛ ‑ga, "bhlaanë 'ö Atanna ‑ya bɔ kö ‑ya kë "saa‑ 'ka kö mɛ ꞊gban "pɛpɛ ‑bha 'wɔn yaa ‑mawɔn ‑yö 'to bha yö ꞊nɛ!

Naɔ ‑së 'ö ‑gban Yesu Klisi ‑bha 'ö Zan ‑ya pö 1:36

'yö ö "yan ‑kpan 'zü Yesu ‑bha kö ‑yö ziö sië. 'Yö‑ pö: «"Saa‑ "bhlaanë 'ö Atanna ‑ya bɔ (kö ‑yö mɛ "bhɩɩ‑ ‑nu ‑bha 'wɔn yaa bho‑ ‑nu ‑bha) bha yö ꞊nɛ!»

Këwɔn ‑nu 8:32

'Pë 'ö gun ‑bɛn zë ‑sü 'ka 'sëëdhɛ bha‑ 'gü 'ö Etiopi mi gun‑ ‑wʋ pö sië bha ‑ya ‑pö: «‑Yö ‑kë ꞊dhɛ "bhlaa 'wo 'dho sië‑ 'ka ‑a zë ‑dhɛ 'gü ‑a 'dhö. 'Ö ‑kë ꞊dhɛ "bhlaanë 'wo‑ kaa‑ "kan sië 'ö 'yaa "wɩ ‑a 'dhö, 'yii ö "dhi "pʋ.

‑Dhɛkpaɔ 1:4

Atanna ‑bha 'kɔdhigümɛ ‑nu kpö "saɔplɛ 'ka Azi ‑sɛ 'gü bha 'ma ka ꞊tua bho 'gbɛ. Mang Zan ‑mɛ ma ꞊në 'a 'sëëdhɛ ya‑ bɔ ka ‑dhɛ. Kö Atanna 'ö gun, 'ö 'dhö, 'ö yö ꞊në dho 'to ‑todhʋ̈ 'ka waa‑ 'nii‑ "saɔplɛ 'wo dɔ sië‑ ‑bha ‑gblüdëdhɛ ‑gbloo wëëdhö bha, waa‑ Yesu Klisi 'ö‑ "sɛɛ‑ 'ö 'yaa ‑wʋ ꞊plɛ pö, 'ö‑ ‑wʋ "dhiʋ̈ ꞊loo kwa ‑bha ꞊dhɛ ‑kɔ 'ö ö ‑wʋ kpɔ‑ 'ka‑ ‑bha ‑a 'dhö, 'ö yö ꞊në 'mɛ ꞊wa ga ‑a mɛ ‑blɛɛsü 'ö go ga 'gü 'ö ‑bö ‑a 'ka, 'ö yö ꞊në ‑gblüdë "pɛpɛ 'wo "kpʋng ꞊taa ‑a ‑nu ꞊gban ‑bha ‑gblüdë 'ka bha ‑wo ‑gasitɛ kë ka ‑dhɛ, kö ‑wo zuëwaanusü nu ka ‑dhɛ bha 'aa ‑yö kë. Yesu Klisi bha ꞊në kwa ‑dhɔ ‑ya ‑kë, 'yö dho 'yö ga kwa ‑wɔn 'gü kë "dhʋ̈ kö 'ö kwa bho 'wɔn yaa kë ‑sü ‑gɔ ꞊dhuëngdhɛ 'gü 'ö ꞊yɔɔn 'ö ꞊wɛnng kwa ‑wɔn 'gü bha‑ 'ka.

‑Dhɛkpaɔ 12:11

Kwa dheebhang ‑nu ‑kɔ ꞊ya ziö ‑gɔ "bhlaanë ꞊yɔɔn 'ö ꞊wɛnng ‑nu ‑wɔn 'gü bha waa‑ Yesu ‑wɔn ‑dhiang 'wo gun‑ zë sië mɛ ‑nu ‑dhɛ bha‑ 'saa‑ 'gü. ‑A ‑gɛn ‑mü ꞊dhɛ kwa dheebhang ‑nu bha ‑wo kë ‑we ‑bha 'wo woo‑ tosɛa nu, 'ö 'wo ‑we ‑bha 'wo ga Yesu ‑wɔn 'gü.

‑Dhɛkpaɔ 13:8

Mɛ "pɛpɛ kö 'wo "kpʋng ya‑ ꞊taa, 'ö‑ ‑nu 'tɔ ‑zë 'yaa ‑bɛn zë ‑sü 'ka "bhlaanë 'wo‑ zë bha‑ ‑bha ‑tosɛa ‑kë ‑bha 'sëëdhɛ 'ö 'mɛ 'wo dha ‑mɛ ‑nu 'ka ‑a ‑nu 'tɔ 'dhö‑ 'gü, "sɛ waa‑ dhang‑ ‑nu kë "tʋ̈ng 'gü bha‑ 'gü, ‑a ‑nu ꞊gban "pɛpɛ‑ ‑dho "gblëënu wü bha‑ ꞊wlöö 'wo‑ ‑dhɔkë:

‑Dhɛkpaɔ 14:1

'A dho ‑dhɛ ‑ga kö "bhlaanë bha ‑yö dɔ sië ‑tɔn 'ö Zedhizadhɛmö bha‑ ꞊gbin‑ waa‑ mɛ "gblü këng do ‑kɔ ‑yiisiö waa‑ mɛ "gblü ‑yiisiö 'ö waa‑ Dë ‑a ‑nu 'tɔ ‑yö gun ‑ya ‑sü 'ka‑ ‑nu ‑kpong "dhiʋ̈ bha‑ ‑nu 'dhö.

‑Dhɛkpaɔ 17:14

'Yö 'wo 'ko zë Atanna ‑bha "bhlaanë 'ka, "kɛɛ ‑a ‑nu ‑kɔ 'yii 'dho ꞊mɔɔ‑ ‑bha, "bhlaanë bha‑ ‑kɔ ‑dho ziö‑ ‑nu ‑gɔ, ‑a ‑gɛn ‑mü ꞊dhɛ yö ꞊në mɛ ‑gɔdhiʋ̈mɛ ꞊gban ‑bha ‑gɔdhiʋ̈mɛ 'ka, 'yö ‑gblüdë ꞊gban ‑bha ‑gblüdë 'ka. "Bhlaanë bha 'ö ö ‑bha mɛ ‑nu 'ö‑ ‑nu ‑dhɛ, 'ö‑ ‑nu ‑ya, 'ö 'wii 'go wo ‑wʋ ‑ta tongtongdhö, "ɛɛn 'ö 'wii "kan‑ ‑bha bha ꞊në wɛng‑ ‑nu ‑a ‑nu ‑kɔ dho ziö ‑gblüdë ‑nu bha‑ ‑nu ‑gɔ "dhʋ̈ bha.»

‑Dhɛkpaɔ 21:22

'Mii Atanna ‑dhɔkëgükɔ 'bha yö 'pö‑ bha‑ 'gü, ‑a ‑gɛn ‑mü ꞊dhɛ kwa Dëmɛ kwa ‑bha Atanna 'ö‑ ‑bha 'gügbɩɩdhɛ ‑dhiang 'yaa zë bha waa‑ ‑bha "bhlaanë bha ꞊në 'wo gun 'pö‑ bha‑ ‑bha Atanna ‑dhɔkë ‑dhɛ ꞊gban 'ka.

‑Dhɛkpaɔ 21:23

'Pö‑ bha‑ ‑mawɔn 'yaa gun ‑dhɛpuudhɛ ‑bha, ‑a ‑wɔn 'gü 'yënng‑ 'yaa gun ‑wo sië mü, kö yöö 'to "su ꞊në‑ ‑bha. ‑A 'klɔɔ‑ ‑mü ꞊dhɛ "bhlaanë bha ꞊në gun‑ ‑bha ‑dhangbha 'ka, 'yö Atanna ‑bha mɛdhɛ 'bhü ‑yö gun ꞊dhɛ ‑a ‑bha 'yënng‑ 'dhö.

‑Dhɛkpaɔ 22:1

'Yö Atanna ‑bha "kië bha 'ö dho 'ö ‑tosɛa 'ö 'yaa yën ‑a ‑kë ‑bha "yi bha‑ ꞊gwaan ga 'ö 'pö‑ ‑bha 'gü bha‑ ‑zɔn 'pö n ‑dhɛ. "Yi bha‑ ‑gun ꞊söng ‑sü 'ka 'ö mɛ‑ ‑dhɛ yö‑ ꞊bhaa ꞊dhɛ ‑kɔ 'ö 'mɛ‑ ‑dhɛ yö‑ 'ka "dënggbɔ 'gü bha‑ 'dhö, kö‑ ‑gɔ ‑yö 'go sië Atanna ‑bha ‑blüdëdhɛ ‑gbloo bha waa‑ "bhlaanë ‑bha bha‑ ‑nu 'gü

‑Dhɛkpaɔ 22:3

Pë "pɛpɛ kö Atanna ꞊ya "dhang ‑da ‑bha, ‑a do ‑zian 'yii 'dho kë 'pö‑ bha‑ 'gü. Atanna waa‑ "bhlaanë bha‑ ‑nu ‑bha ‑gblüdëdhɛ ‑kë ‑ta ‑gbloo ‑dho kë 'pö‑ bha ꞊në‑ 'gü, 'yö‑ ‑bha gwëëzë ‑nu 'wo‑ ‑dhɔkë mü.

‑Dhɛkpaɔ 4:8

Pë "yaandhe ‑yiisiö 'wo "dhʋ̈ bha‑ do gban‑ ‑gun "saɔdo, 'yö‑ ‑nu "yan 'dhö gun ꞊mɔɔ ‑sü 'ka‑ ‑nu kwi 'gü ‑dhɛ ꞊gban "pɛpɛ 'gü. ‑Yö ‑gun ‑nu kwi 'gü 'kɔɔdhö 'ö gun‑ ‑nu ‑bha "kpɛnngdhɛ ‑nu ꞊gban 'gü. ‑A ‑nu ‑bha yë 'ö 'dhö, 'ö 'wo ꞊gloo‑ ‑bha 'wo ‑wɔ 'gü "yaan yö ‑mü 'tɔ ‑loo 'mɛ 'ö ‑ya ‑sü 'ka ‑gbloo 'kpiisü bha‑ ‑ta bha ꞊në‑ ‑bha ‑sü 'ka 'wo‑ pö: «'Mɛ 'ö "slʋ̈ʋ̈slʋ̈, 'ö "slʋ̈ʋ̈slʋ̈, 'ö "slʋ̈ʋ̈slʋ̈, yö ‑mü kwa Dëmɛ, kwa ‑bha Atanna 'gü "gbɩɩsü 'ö gun, 'ö 'dhö ‑kpɛawo, 'ö dho 'to ‑todhʋ̈ 'ka bha ꞊në‑ 'ka.»

‑Dhɛkpaɔ 5:11

A ‑to ‑dhɛ 'dhɛ bha‑ ‑ga ‑dhɛ 'gü, 'yö n "tʋ 'dhö ‑da Atanna ‑bha "kië kpö 'gbɛ ꞊dede ‑wʋ 'gü, ‑wo ‑gun "gblü mɛɛ ‑ta ‑mɛɛ, dhʋng 'yaa gun‑ ‑bha, kö ‑wo ꞊klëën ‑sü 'ka Atanna ‑bha ‑blüdëdhɛ ‑gbloo bha‑ ‑züzüdhɛ ꞊gban "pɛpɛ 'gü waa‑ pë "yaandhe ‑nu bha waa‑ mɛ zizi ‑nu bha‑ 'dhö.

‑Dhɛkpaɔ 5:12

Kö ‑wo "tan bho sië "gbɩɩ‑ 'ka 'wo‑ pö: «"Bhlaanë 'wo‑ zë kö ‑yö kë mɛ "bhɩɩ‑ ‑nu ‑bha "saa‑ 'ka bha, 'gügbɩɩdhɛ oo, mɛdhɛ ‑nu oo, 'wɔndɔdhe waa‑ faan ‑nu oo, ꞊bhlëë waa‑ 'tɔbhɔdhe ‑nu ‑wa yö ꞊në‑ ‑gɔ. ‑A ‑dhɛa ‑bha ꞊dhɛ mɛ ꞊gban "pɛpɛ ‑wa yö ꞊në‑ ‑dhɔkë, kö ‑wa nuɛ" bho.»

‑Dhɛkpaɔ 5:13

꞊Dhɛ 'ö ꞊ya kë "dhʋ̈, 'yö n "tʋ 'dhö ‑da 'pö Atanna ‑bha ‑da ‑pë ‑nu 'wo dhang‑ 'gü 'wo "kpʋng ꞊taa, 'wo "sɛ ꞊wlöö waa‑ ‑a 'dhɛ ‑nu 'wo ꞊weeyi ꞊bhaa, 'pë "pɛpɛ 'kö Atanna ‑ya ‑da ‑a ‑nu ꞊gban ‑wʋ 'gü kö ‑wo "tan bho sië 'pö 'wo‑ pö: «'Mɛ 'ö ‑ya ‑sü 'ka ‑gbloo 'kpiisü ‑ta waa‑ "bhlaanë bha ꞊në‑ ‑dhɛ 'dhö‑ ‑bha ꞊dhɛ ‑wa ‑nu nuɛ" bho, kö ‑wo ꞊bhlëë ‑ya ‑nu ‑bha, kö ‑wa ‑nu 'tɔ bhɔ, kö 'gügbɩɩdhɛ ‑yö kë‑ ‑nu ‑gɔ ‑todhʋ̈ 'ka.»

‑Dhɛkpaɔ 5:14

꞊Waa‑ "tan bha‑ bho "dhʋ̈, 'yö pë "yaandhe ‑yiisiö bha 'wo‑ ‑yɔ bɔ 'wo‑ pö: «Kö ‑yö kë "dhʋ̈ bha 'aa ‑yö kë.» 'Yö mɛ zizi ‑nu bha 'wo zun wo kpiö 'gü, 'yö 'wo‑ ‑dhɔkë.

‑Dhɛkpaɔ 6:16

'wo‑ pö ‑tɔn ‑nu waa‑ ‑gwë 'gbɔng ‑nu ‑dhɛ ‑ka nu kö 'ka kpa yi ‑ta kö 'mɛ 'ö ‑ya 'sü 'ka ‑blüdëdhɛ ‑gbloo 'kpiisü ‑ta bha 'ya 'dho yi yö 'ö nëng 'ö "bhlaanë yöö‑ ‑ya yi ‑bha bha 'ö yi ꞊slɔɔ.