‑Dhɛkpaɔ 5:12 - NAƆ ‑SË 'SËËDHƐ

¹² Kö ‑wo "tan bho sië "gbɩɩ‑ 'ka 'wo‑ pö: «"Bhlaanë 'wo‑ zë kö ‑yö kë mɛ "bhɩɩ‑ ‑nu ‑bha "saa‑ 'ka bha, 'gügbɩɩdhɛ oo, mɛdhɛ ‑nu oo, 'wɔndɔdhe waa‑ faan ‑nu oo, ꞊bhlëë waa‑ 'tɔbhɔdhe ‑nu ‑wa yö ꞊në‑ ‑gɔ. ‑A ‑dhɛa ‑bha ꞊dhɛ mɛ ꞊gban "pɛpɛ ‑wa yö ꞊në‑ ‑dhɔkë, kö ‑wa nuɛ" bho.»

‑Dhɛkpaɔ 5:12 ပူးပေါင်းရင်းမြစ်များ

Matiö 28:18

꞊Dhɛ 'ö ꞊wa zun‑ ‑dhɛ kpiö 'gü "dhʋ̈, 'yö Yesu ‑yö ꞊yɔɔn‑ ‑nu "sɔɔ 'yö ö ‑wʋ kpɔ‑ ‑nu ‑bha 'ö‑ pö: «‑Kɔ ‑ziö "sɛ waa‑ dhang‑ ‑nu 'gü ‑pë ꞊gban "pɛpɛ ‑gɔ ‑faan bha Atanna ꞊yaa‑ nu n ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:29

꞊Dhɛ 'ö‑ ‑ta ‑dhɛ ꞊ya ꞊kpaɔ, 'yö Zan ‑yö Yesu yö kö ‑yö nu sië ö ‑zian 'ka. 'Yö‑ pö: «‑Ka ‑dhɛ ‑ga, "bhlaanë 'ö Atanna ‑ya bɔ kö ‑ya kë "saa‑ 'ka kö mɛ ꞊gban "pɛpɛ ‑bha 'wɔn yaa ‑mawɔn ‑yö 'to bha yö ꞊nɛ!

Naɔ ‑së 'ö ‑gban Yesu Klisi ‑bha 'ö Zan ‑ya pö 17:2

‑A ‑gɛn ‑mü ꞊dhɛ ‑kɔ ‑ziö mɛbhɩɩdhe ꞊gban "pɛpɛ ‑gɔ ‑sü ‑faan 'i‑ nu n ‑dhɛ bha, i‑ ‑kë "dhʋ̈ kö 'a ꞊sii 'ö 'yaa yën ꞊në‑ nu mɛ "pɛpɛ 'i‑ ‑nu nu n ‑dhɛ bha‑ ‑nu ‑dhɛ.

2 Kodhɛngtö 8:9

‑A ‑gɛn ‑mü ꞊dhɛ kwa Dëmɛ Yesu Klisi ‑kɔ 'dhö ‑wo kwa ‑dhɛ ‑kɔ 'ö‑ 'gü ka yö ‑zë ‑dɔ. Yö 'ö pë 'bha ‑pë 'bha ‑saan 'yaa gun‑ ‑bha (‑a ‑bha ‑kë Atanna 'ka ‑sü 'gü) bha ‑yö kë ö ‑dɩ ‑kë "flɛɛmɛ 'ka ka ‑wɔn 'gü, kë "dhʋ̈ kö pë 'bha ‑saan 'ya 'dho kë ka ‑zë ka bha‑ ‑bha ‑kë "flɛɛsü ‑sü bha‑ zian‑ ‑ta.

1 Timote 1:17

A‑ ‑pö yö ꞊në‑ 'gü ꞊dhɛ kö Atanna 'ö "dhʋ̈, 'ö yö ꞊në‑ ‑bha 'yënng‑ 'dhö dhang‑ ‑bha yi ꞊gban ‑yi ꞊gban 'ka, 'ö mɛ 'bhaa‑ yö "kɛɛ 'ö 'yaa ga tongtongdhö, 'ö yöö do ꞊në Atanna 'ka bha yö ꞊në ꞊bhlëë ‑yö ‑ya ‑bha, kö‑ 'tɔ‑ bhɔ ‑kpɛawo kö ‑yö 'to‑ 'ka "dhʋ̈ bha 'aa ‑yö kë.

‑Dhɛkpaɔ 1:6

'Yö dho 'yö kwa ‑kë ö ‑bha ‑gblüdëdhɛ 'gü ‑mɛ ‑nu 'ka, 'yö dho 'ö kwa ‑kë ö Dë "saabhomɛ 'ka, kö Yesu Klisi 'ö "dhʋ̈ bha ꞊në‑ 'tɔ ‑yö bhɔ "tʋ̈ng ꞊gban "pɛpɛ 'gü, kö yö ꞊në‑ ‑bha 'yënng‑ ‑yö 'to dhang‑ ‑bha ‑kpɛawo bha 'aa ‑yö kë!

‑Dhɛkpaɔ 13:8

Mɛ "pɛpɛ kö 'wo "kpʋng ya‑ ꞊taa, 'ö‑ ‑nu 'tɔ ‑zë 'yaa ‑bɛn zë ‑sü 'ka "bhlaanë 'wo‑ zë bha‑ ‑bha ‑tosɛa ‑kë ‑bha 'sëëdhɛ 'ö 'mɛ 'wo dha ‑mɛ ‑nu 'ka ‑a ‑nu 'tɔ 'dhö‑ 'gü, "sɛ waa‑ dhang‑ ‑nu kë "tʋ̈ng 'gü bha‑ 'gü, ‑a ‑nu ꞊gban "pɛpɛ‑ ‑dho "gblëënu wü bha‑ ꞊wlöö 'wo‑ ‑dhɔkë:

‑Dhɛkpaɔ 15:3

Kö ‑wa 'tɔ bhɔ ‑tan 'ö Moizö 'ö ‑kë ‑a ‑bha yëkëmɛ 'ka bha 'ö‑ bho yi 'bha 'ka bha waa‑ "bhlaanë bha‑ ‑bha bho sië 'wo‑ pö: «'Gü "gbɩɩ‑ Atanna, i këwɔn ‑nu ‑wo "mlümlüsü 'ö 'wo ꞊bhlëësü ꞊dedewo. Bhi ꞊në 'i ‑gblüdë "pɛpɛ 'wo "sɛ ‑gɔ "dhiʋ̈, ‑a ‑nu ꞊gban ‑bha ‑gblüdë 'ka, i këwɔn 'bha 'yaa ꞊sua 'ka, 'yö pö 'aa‑ 'bha ‑bha tongtongdhö.

‑Dhɛkpaɔ 19:1

꞊Dhɛ 'ö ꞊ya kë "dhʋ̈, 'yö n "tʋ 'dhö ‑da ꞊gbang dɔ ‑wʋ 'bha 'gü dhang‑ 'gü ꞊dhɛ mɛ kpö ‑ziisü 'wo "wɩ sië‑ 'dhö kö ‑wo "kwi "kan sië 'wo ‑ya mü 'wo‑ pö: «‑Ka Atanna 'tɔ bhɔ, yöö do ꞊në kwa Dhamɛ 'ka, 'tɔbhɔdhe waa‑ 'gügbɩɩdhɛ ‑wo kwa ‑bha Atanna bha ꞊në‑ ‑bha 'ka.

‑Dhɛkpaɔ 4:11

«'Aa! Yi Dëmɛ, yi ‑bha Atanna, ‑a ‑dhɛ ‑mü ꞊dedewo. ‑A ‑dhɛ ‑mü kö bhi ꞊në i 'tɔ ‑yö bhɔ, kö ꞊bhlëë ‑yö ‑ya i ‑bha, kö 'gügbɩɩdhɛ ‑yö kë i ‑gɔ. ‑A ‑gɛn ‑mü ꞊dhɛ bhi ꞊në 'i pë suu ꞊gban "pɛpɛ ‑da. ‑A ‑nu ‑bha kë ‑sü 'ö 'wo ‑tosɛa ‑kë bha ‑yö ‑ga bhi ꞊në i 'gü.»

‑Dhɛkpaɔ 5:13

꞊Dhɛ 'ö ꞊ya kë "dhʋ̈, 'yö n "tʋ 'dhö ‑da 'pö Atanna ‑bha ‑da ‑pë ‑nu 'wo dhang‑ 'gü 'wo "kpʋng ꞊taa, 'wo "sɛ ꞊wlöö waa‑ ‑a 'dhɛ ‑nu 'wo ꞊weeyi ꞊bhaa, 'pë "pɛpɛ 'kö Atanna ‑ya ‑da ‑a ‑nu ꞊gban ‑wʋ 'gü kö ‑wo "tan bho sië 'pö 'wo‑ pö: «'Mɛ 'ö ‑ya ‑sü 'ka ‑gbloo 'kpiisü ‑ta waa‑ "bhlaanë bha ꞊në‑ ‑dhɛ 'dhö‑ ‑bha ꞊dhɛ ‑wa ‑nu nuɛ" bho, kö ‑wo ꞊bhlëë ‑ya ‑nu ‑bha, kö ‑wa ‑nu 'tɔ bhɔ, kö 'gügbɩɩdhɛ ‑yö kë‑ ‑nu ‑gɔ ‑todhʋ̈ 'ka.»

‑Dhɛkpaɔ 5:6

꞊Dhɛ 'ö ꞊ya kë "dhʋ̈, 'a dho ‑dhɛ ‑ga kö "bhlaanë do 'ö "kpaa 'dhö‑ ‑bha ‑yö dɔ ‑sü 'ka ö ‑gɛan ‑gbloo 'kpiisü 'ö pë "yaandhe ‑yiisiö bha waa‑ mɛ zizi ‑nu bha 'wo ꞊klëën ‑sü 'ka‑ ‑zü bha‑ wëëdhɛ ꞊dede 'gü. "Bhlaanë bha ‑yö ‑gun ꞊dhɛ 'pë 'wo kë‑ zë ꞊në‑ bho "kɛɛ 'yö "yaan 'zü ‑deewo 'dhö. ‑A ‑sö ‑gun "saɔplɛ, 'yö‑ "yanga ‑yö gun 'pö "saɔplɛ. ‑A "yanga bha ꞊në gun Atanna ‑bha 'nii‑ "saɔplɛ 'ö‑ ‑nu bɔ "sɛ ‑ta ‑dhɛ ꞊gban "pɛpɛ 'gü bha‑ 'ka.

‑Dhɛkpaɔ 5:8

꞊Dhɛ 'ö ö ‑kɔ ‑da 'sëëdhɛ bha‑ 'gü "dhʋ̈, 'yö pë "yaandhe ‑yiisiö bha waa‑ mɛ zizi ‑kaɔng ꞊plɛ ga ‑yiisiö bha 'wo zun‑ ‑dhɛ wo kpiö 'gü, kö mɛ zizi ‑nu bha ‑kɔ 'wo‑ ‑bha 'do 'do, kö kɔnng ‑ya ‑nu ꞊gban ꞊kwɛɛ‑, waa‑ "sënnggbɔnë ‑nu 'ö ‑dhasiklɔɔ 'dhɛ 'wo‑ ‑gʋ̈ bha 'ö‑ 'gü ‑a 'dhö. Atanna ‑bha mɛ ‑nu ‑bha bhɛa" ‑wʋ ‑nu 'ö dho‑ "piʋ̈ bha ꞊në gun ‑dhasiklɔɔ bha‑ 'ka.

‑Dhɛkpaɔ 5:9

'Yö 'wo "tan ‑dee do bho 'wo‑ pö: «I ‑bha 'sëëdhɛ bha‑ 'sü ‑sü kö 'i‑ "dhiʋ̈tadhɛ ꞊gban "pʋ kö 'i ‑dhɛ ‑ga 'gü ‑dhɛ ‑mü tɛan‑ ꞊dede 'ka. ‑A ‑gɛn ‑mü ꞊dhɛ ‑wo kë bhi ꞊në i zë, 'yö 'i mɛ 'gbɛ ꞊dede ‑gɔ ‑ta dhɔ Atanna ‑dhɛ ga 'i‑ wo bha‑ 'saa‑ 'gü, 'yö 'i "siya ꞊gban suu 'do 'do sü waa‑ mɛ suu ꞊gban "pɛpɛ 'do 'do 'dhö "sɛ suu 'do 'do ꞊gban 'gü kë "dhʋ̈ kö ‑wo kë Atanna ‑bha 'ka.

‑Dhɛkpaɔ 6:1

A ‑to ‑dhɛ bha‑ ‑ga ‑dhɛ 'gü, 'a dho "kan n ‑ta kö "bhlaanë bha ꞊ya 'sëëdhɛ "dhiʋ̈ ‑ta 'ka ‑pë "saɔplɛ bha‑ ‑blɛɛsü "pʋ. 'A dho n "tʋ 'to kö pë "yaandhe ‑yiisiö bha‑ do ‑ya pö sië ‑wʋ "gbɩɩ‑ 'ka ꞊dhɛ dha 'ö ‑wɩ ‑a 'dhö 'ö‑ pö: «‑Bhö nu!»

‑Dhɛkpaɔ 7:12

'wo‑ pö: «‑Yö kë "dhʋ̈, yi Dë Atanna, bhi ꞊në 'i 'dhö, ‑a ‑dhɛa ‑bha ꞊dhɛ mɛ ꞊gban ‑wo bhi ꞊në i ‑dhiang ‑së zë, kö ‑wo i 'tɔ bhɔ, kö ‑wo i nuɛ" bho, kö ‑wo ꞊bhlëë ‑ya i ‑bha ‑kpɛawo. ‑A ‑gɛn ‑mü ꞊dhɛ 'wɔndɔdhe waa‑ 'gügbɩɩdhɛ waa‑ faan ‑wo bhi ꞊në i ‑gɔ 'ö‑ zübhoyi 'yaa 'dhö 'ö‑ "dhiʋ̈todhɛ 'yaa 'dhö. Kö ‑yö kë "dhʋ̈ bha 'aa ‑yö kë!»