‑Dhɛkpaɔ 4:11 - NAƆ ‑SË 'SËËDHƐ

¹¹ «'Aa! Yi Dëmɛ, yi ‑bha Atanna, ‑a ‑dhɛ ‑mü ꞊dedewo. ‑A ‑dhɛ ‑mü kö bhi ꞊në i 'tɔ ‑yö bhɔ, kö ꞊bhlëë ‑yö ‑ya i ‑bha, kö 'gügbɩɩdhɛ ‑yö kë i ‑gɔ. ‑A ‑gɛn ‑mü ꞊dhɛ bhi ꞊në 'i pë suu ꞊gban "pɛpɛ ‑da. ‑A ‑nu ‑bha kë ‑sü 'ö 'wo ‑tosɛa ‑kë bha ‑yö ‑ga bhi ꞊në i 'gü.»

‑Dhɛkpaɔ 4:11 ပူးပေါင်းရင်းမြစ်များ

Këwɔn ‑nu 14:15

«'Mɛ 'ka ya, ‑më 'pö ka ‑bha 'yö 'ka "slë suu bha‑ ‑kë ꞊dhɛ 'pë bha‑ 'dhö? Mɛ "bhɩɩ‑ ‑mü yi 'ka 'pö ꞊dhɛ ka 'dhö, Atanna 'yaa ‑mü yi 'ka, "kɛɛ naɔ ‑së 'yi nu‑ pö ka ‑dhɛ yö ‑mü ꞊dhɛ kö 'ka ka kwaa‑ ‑dhɔkëpë "wlaasü ‑nu bha‑ ‑nu ‑zü kö 'ka ka wë slëë‑ Atanna "yaandhe 'ö dhang‑ 'dhö, "sɛ 'dhö, ꞊weeyi 'dhö ‑a ‑nu ‑kë waa‑ ‑nu 'gü ‑pë ‑nu 'dhö bha ꞊në‑ "piʋ̈ kö 'ka‑ ‑dhɔkë!

Këwɔn ‑nu 17:24

Atanna 'ö "dhʋ̈ bha ꞊në "kpʋngtaadhɛ waa‑ ö 'gü ‑pë ꞊gban ‑da, yö ꞊në "sɛ waa‑ dhang‑ ‑nu ꞊kɔɔnmɛ 'ka, ‑a ‑kë "dhʋ̈ ‑sü bha‑ 'gü, 'yaa ꞊mɔɔ‑ ‑bha kö ‑yö ‑ya 'kɔ 'ö mɛ "bhɩɩ‑ ‑nu ‑wa dɔ wo ‑kɔ "dhiʋ̈ bha‑ 'gü.

Wlɔmö 11:36

Pë ꞊gban "pɛpɛ‑ ‑go yö ꞊në‑ 'gü, yö ꞊në pë "pɛpɛ ꞊gban ‑da, pë ꞊gban "pɛpɛ ‑wo ‑ya ‑sü 'ka yö ꞊në‑ ‑bha ‑ya 'gü. Yöö dosengseng ꞊në‑ 'tɔ ‑yö bhɔ "tʋ̈ng ꞊gban "pɛpɛ 'gü. Kö ‑yö kë "dhʋ̈ bha 'aa ‑yö kë.

Efɛzö 3:9

Kë "dhʋ̈ kö 'wɔn 'ö‑ ‑zʋ "piʋ̈, 'ö‑ "piʋ̈ ꞊dhɛ 'ö‑ kë ‑dhɛ 'bha ꞊kpaɔ ‑yi ‑bha bha 'a‑ ‑zɔn mɛ ꞊gban "pɛpɛ ‑dhɛ kö ‑wa dɔ. "Kɛɛ 'sa 'wɔn bha ‑yö ‑bhɔ Atanna 'ö pë ꞊gban "pɛpɛ ‑da ‑mɛ 'ka bha‑ ‑zʋ "piʋ̈ 'nu yi 'bha ‑yi 'bha 'ka, "kɛɛ ‑ya ‑ta "pʋ ‑sü 'ka ma ꞊në n ‑dhɛ kwa dɔ ‑kɔ ya‑ 'gü kö 'a‑ ‑ta "pʋ 'pö mɛ ꞊gban "pɛpɛ ‑dhɛ kö 'a‑ 'gü ‑ta 'sü ‑kɔ ‑zɔn ‑nu ‑dhɛ.

Eblö 1:10

'Yö ‑ya mü 'zü 'ö‑ pö: «Bhi ꞊në bhi ‑zë 'i "sɛ ‑kë ‑a zübhoyi 'ka, 'yö 'i dhang‑ ‑pë ‑kë i ꞊dede ‑kɔ "dhɛ 'ka, n Dëmɛ.

Eblö 1:2

"Kɛɛ ‑yö bɔ ‑sü 'ka ö Gbö ꞊dede ꞊në‑ ‑ta "tʋ̈ng ‑totaamasü 'kwa dɔ‑ 'ka ya‑ 'gü, 'yö dhiang zë kwa ‑dhɛ. ‑Yö ‑bɔ yö ꞊në‑ ‑ta 'yö ‑tosɛa ‑pë ‑kë, ‑yö yöö do bha 'zü ꞊në‑ ‑ya ‑sü 'ka pë ꞊gban "pɛpɛ ‑mɛ 'ka.

‑Dhɛkpaɔ 1:6

'Yö dho 'yö kwa ‑kë ö ‑bha ‑gblüdëdhɛ 'gü ‑mɛ ‑nu 'ka, 'yö dho 'ö kwa ‑kë ö Dë "saabhomɛ 'ka, kö Yesu Klisi 'ö "dhʋ̈ bha ꞊në‑ 'tɔ ‑yö bhɔ "tʋ̈ng ꞊gban "pɛpɛ 'gü, kö yö ꞊në‑ ‑bha 'yënng‑ ‑yö 'to dhang‑ ‑bha ‑kpɛawo bha 'aa ‑yö kë!

‑Dhɛkpaɔ 10:6

'Yö ‑sö ‑bhö Atanna 'ö 'dhö ‑todhʋ̈ 'ka 'ö‑ bhɔ ‑yi 'yaa 'dhö 'ö‑ ga ‑yi 'yaa 'dhö, 'ö yö ꞊në dhang‑ waa‑ 'gü ‑pë ‑nu, "sɛ waa‑ ‑tapë ‑nu, ꞊weeyi waa‑ ꞊bhaapë ‑nu ‑da bha‑ wëëdhö 'ö‑ pö: «Atanna ‑bha yi ‑kpɔ "kpʋngtaadhɛ ‑gɔ ‑sü ꞊ya bo,

‑Dhɛkpaɔ 14:7

kö ‑ya pö sië "gbɩɩ‑ 'ka 'ö‑ pö: «‑Ka "suʋ̈ Atanna ‑gɔ kö 'ka‑ 'tɔ bhɔ! ‑A ‑gɛn ‑mü ꞊dhɛ ‑a ‑bha za ‑dɔ mɛ "bhɩɩ‑ ‑bha "tʋ̈ng ꞊ya ꞊loo. ‑Ka 'mɛ ö "sɛ ‑kë 'ö dhang‑ ‑kë, 'ö ꞊weeyi ‑kë waa‑ "yigɔ ‑nu 'dhö bha ꞊në‑ ‑dhɔkë!»

‑Dhɛkpaɔ 19:1

꞊Dhɛ 'ö ꞊ya kë "dhʋ̈, 'yö n "tʋ 'dhö ‑da ꞊gbang dɔ ‑wʋ 'bha 'gü dhang‑ 'gü ꞊dhɛ mɛ kpö ‑ziisü 'wo "wɩ sië‑ 'dhö kö ‑wo "kwi "kan sië 'wo ‑ya mü 'wo‑ pö: «‑Ka Atanna 'tɔ bhɔ, yöö do ꞊në kwa Dhamɛ 'ka, 'tɔbhɔdhe waa‑ 'gügbɩɩdhɛ ‑wo kwa ‑bha Atanna bha ꞊në‑ ‑bha 'ka.

‑Dhɛkpaɔ 5:12

Kö ‑wo "tan bho sië "gbɩɩ‑ 'ka 'wo‑ pö: «"Bhlaanë 'wo‑ zë kö ‑yö kë mɛ "bhɩɩ‑ ‑nu ‑bha "saa‑ 'ka bha, 'gügbɩɩdhɛ oo, mɛdhɛ ‑nu oo, 'wɔndɔdhe waa‑ faan ‑nu oo, ꞊bhlëë waa‑ 'tɔbhɔdhe ‑nu ‑wa yö ꞊në‑ ‑gɔ. ‑A ‑dhɛa ‑bha ꞊dhɛ mɛ ꞊gban "pɛpɛ ‑wa yö ꞊në‑ ‑dhɔkë, kö ‑wa nuɛ" bho.»

‑Dhɛkpaɔ 5:2

'A dho "kan n ‑ta 'zü kö Atanna ‑bha "kië 'gü "gbɩɩ‑ do 'bha bha ‑yö "gbla sië "gbɩɩ‑ 'ka 'ö‑ pö: «'Dee 'dhö, 'ö 'klëë‑ ‑kpɔ 'sëëdhɛ ya‑ ‑bha ‑pë ya‑ 'wü ‑sü kö ‑wa "dhiʋ̈ "pʋ bha‑ "sɩ 'dhö‑ ‑dhɛ, 'ö ꞊mɔɔ‑ ‑bha 'ö‑ ‑kë.»

‑Dhɛkpaɔ 5:9

'Yö 'wo "tan ‑dee do bho 'wo‑ pö: «I ‑bha 'sëëdhɛ bha‑ 'sü ‑sü kö 'i‑ "dhiʋ̈tadhɛ ꞊gban "pʋ kö 'i ‑dhɛ ‑ga 'gü ‑dhɛ ‑mü tɛan‑ ꞊dede 'ka. ‑A ‑gɛn ‑mü ꞊dhɛ ‑wo kë bhi ꞊në i zë, 'yö 'i mɛ 'gbɛ ꞊dede ‑gɔ ‑ta dhɔ Atanna ‑dhɛ ga 'i‑ wo bha‑ 'saa‑ 'gü, 'yö 'i "siya ꞊gban suu 'do 'do sü waa‑ mɛ suu ꞊gban "pɛpɛ 'do 'do 'dhö "sɛ suu 'do 'do ꞊gban 'gü kë "dhʋ̈ kö ‑wo kë Atanna ‑bha 'ka.