‑Dhɛkpaɔ 3:4 - NAƆ ‑SË 'SËËDHƐ

⁴ "Kɛɛ 'sa ka ‑bha ‑kë "dhʋ̈ ‑sü ꞊gban waa‑ ‑bha ‑bha, kaa‑ mɛ ‑nu 'wo Saadö mü bha‑ mɛ 'bha ‑nu ‑wo mü 'ö wo ‑zë 'wii wo ‑bha ‑sɔ ‑dhii 'kun. Yɛng‑ ‑nu yi ‑dho "ta yi "kwëë kö sɔ "puu ‑ya ‑nu ‑bha, ‑a ‑gɛn ‑mü ꞊dhɛ ‑wo ꞊mɔɔ ‑sü 'ka sɔ "puu bha‑ ‑da ‑sü ‑bha.

‑Dhɛkpaɔ 3:4 ပူးပေါင်းရင်းမြစ်များ

Matiö 10:11

꞊Ya kë ꞊dhɛ 'ka ‑da 'pö‑ "gblʋ̈gblʋ̈ ‑nu 'gü, "ɛɛn 'pö‑ 'sɛɛnnë ‑nu 'gü, 'mɛ 'ö dho ‑kɔ ‑ya ka ‑dhɛng ‑bha, ‑kaa mɛ mɔɔ‑ kö 'ka 'dho‑ ‑gɔ 'kɔɔdhö 'ka 'to mü ‑yö 'dho ‑yö zun‑ 'ka ka ‑bha ‑go 'pö‑ bha‑ 'gü ‑yi ‑bha.

Makö 16:5

'Yö 'wo dho 'wo ‑da ‑gwë ‑yɛ 'wo Yesu ‑wɛɛ bho‑ 'gü bha‑ 'gü, 'yö 'wo Atanna ‑bha "kië do yö kö sɔ "puu ‑ya ‑bha kö ‑yö ‑ya ‑sü 'ka‑ 'ka ‑a ‑nu ‑kɔ ‑së "pɛan "piʋ̈ ‑yɛ 'gü mü. 'Yö "suʋ̈ 'dhö ‑da ‑a ‑nu 'gü.

Dhukö 20:35

"kɛɛ 'mɛ 'kö 'wo dho kë ‑tosɛakëmɛ 'ka ‑dhɛkpaɔ dhia" 'gü, ‑tosɛa ‑dee 'ö Atanna dho‑ kë bha‑ 'gü kö ꞊wa ‑bö ꞊wa 'go ga 'gü bha, wo ‑zë ‑a ‑nu ‑mawɔn 'yii 'dho kë dhe 'sü ‑wɔn "ɛɛn gwaan‑ 'kpɔ ‑wɔn ‑bha;

Dhukö 21:36

‑A ‑kë "dhʋ̈ ‑sü 'gü, ‑ka ‑ya ka "yaan kö 'ka bhɛa" Atanna ‑dhɛ "tʋ̈ng ꞊gban 'gü, kë "dhʋ̈ kö 'ka faan ꞊slɔɔ, kö 'wɔn "pɛpɛ 'ö nu sië bha ‑yö 'kun bho ka 'gü, kö yi 'ö Mɛgbömɛ dho nu‑ 'ka bha ‑yö ‑kpan ka ‑bha ‑dɔ ‑gɛan ‑sü 'ka.»

Këwɔn ‑nu 1:15

Yi do 'ka kö 'dhang ‑bho Yesu "dhiʋ̈ ‑mɛ ‑nu 'wo dho ꞊mɔɔ mɛ këng do ö ‑kɔ ꞊plɛ ‑nu ‑bha bha ‑wo ‑dhɛ do 'gü, 'yö Piɛdhö ‑yö ꞊wlü‑ ‑nu ꞊gban wëëdhö mü 'ö‑ pö‑ ‑nu ‑dhɛ:

2 Tesadhonikö 1:5

Mɛ ‑ya 'wɔn ‑dɔ yö ꞊në‑ ‑bha ꞊dhɛ: ‑Yö ‑dɔ 'wɔn bho ‑dhɛ 'ka 'koo, ꞊dhɛ 'yaa du 'to 'wɔn 'bha ‑bha. ꞊Dhɛ ‑yö tɛanwɔn ‑dɔ ö ‑mɛ ‑gɔ. Yö ꞊në‑ ‑wɔn 'gü, 'yö ö ‑kɔ ‑ya ka ‑bha kö ‑a ‑bha ‑gblüdëdhɛ 'ö ka ‑wëëdhɛ 'dhö bho sië‑ ‑wɔn 'gü bha, 'ka ka ‑duɛ yö mü.

Zudë 1:23

kö 'ka‑ ‑nu ‑ta 'kun kö ‑wo dha pɛng ‑gɔ. Mɛ ‑kpɛa 'wo 'dhö ‑a ‑nu ‑wëë ‑yö ka kë, "kɛɛ ‑yö ka kë "suʋ̈ 'ka, ‑a ‑gɛn ‑mü ꞊dhɛ bian ‑ya ‑nu ‑bha 'ö‑ ‑nu ‑bha ‑sɔ ‑nu ꞊gban ‑bha. 'Ka‑ kë ‑së kö ka ‑kɔ 'ya 'dho ‑da ‑a 'bha 'gü.

‑Dhɛkpaɔ 1:11

Kö ‑wʋ bha ‑ya pö sië n ‑dhɛ ꞊dhɛ: «'Pë i "yan yöö ‑da ‑dhɛ 'gü bha‑ ‑bɛn zë 'sëëdhɛ do 'gü kö 'i‑ bɔ Atanna ‑bha 'kɔdhigümɛ ‑nu 'wo bɔ‑ 'ka 'wo Efɛzö oo, Simiidhö oo, Pɛɛgamö oo, Tiatii oo, Saadö ‑dhɛ waa‑ 'mɛ 'dhɛ 'wo Fidhadɛfi ‑dhɛ waa‑ Dhaodise ‑dhɛ ‑nu 'gü bha‑ ‑nu ‑dhɛ.»

‑Dhɛkpaɔ 11:13

'Yö "sɛ ‑yö zun ꞊zii ‑sü ‑bha "tʋ̈ng do bha‑ 'gü, 'yö 'pö‑ 'kpii‑ bha 'ö ‑pɛ 'gü ‑kaɔng do, 'yö‑ "pɛan do ‑yö ꞊wɛnng, 'yö mɛ ‑dhü "gblü "saɔplɛ ‑wo ga "sɛ ꞊zii ‑kɔ do bha‑ 'gü, 'yö mɛ ‑kpɛa 'wo to bha "suʋ̈ 'dhö ‑da ‑nu 'gü, 'yö 'wo ‑ya Atanna 'ö dhang‑ 'gü bha‑ 'tɔ bhɔ ‑sü ‑bha.

‑Dhɛkpaɔ 14:4

'Mɛ 'wo "dhʋ̈ bha ꞊në 'wo wo ‑dɩ kun ‑së 'yö 'wo to "slʋ̈ʋ̈slʋ̈ 'ka, 'yö 'wii zun dhebhɔ ‑bha tongtongdhö. ‑Dhɛ "ʋʋ ‑dhɛ 'ö "bhlaanë bha 'ö gun 'dho sië‑ ‑bha wɛng‑ ‑nu ꞊në 'wo gun 'dho sië wo "kwëë, ‑a ‑gɛn ‑mü ꞊dhɛ wo ꞊në "bhlaanë bha 'ö‑ ‑nu ‑gɔta dhɔ kö ‑wo kë waa‑ Dë ‑a ‑nu ‑bha 'në ‑blɛɛsü ‑nu 'ka mɛ "bhɩɩ‑ ‑nu kpö 'gü.

‑Dhɛkpaɔ 19:14

kö Atanna ‑bha "sɔdha ‑nu "pɛpɛ 'wo dhang‑ 'gü ‑a ‑nu ꞊gban ‑wa ꞊keng‑, kö sɔ "puu "pepe, "kɛɛ 'ö ꞊bhlëësü ꞊dedewo, 'ö ‑dhii ‑tangga ‑zian 'yaa‑ ‑bha ‑ya ‑nu ꞊gban "pɛpɛ ‑bha kö ‑wo ‑ya ‑sü 'ka‑ 'ka 'pö ꞊soo "pupu ‑nu ‑ta.

‑Dhɛkpaɔ 19:8

꞊Ya sɔ "puu "pepe 'bhü ‑yö dɔ mɛ "yan 'gü, 'ö ‑dhii ‑tangga ‑zian 'yaa‑ ‑bha bha‑ ‑da ö ‑bha.» 'Sa 'wɔn ‑së ‑nu 'ö Atanna ‑bha mɛ ‑nu 'wo‑ ‑kë bha ꞊në sɔ "puu bha‑ 'ka.

‑Dhɛkpaɔ 3:18

‑A ‑kë "dhʋ̈ ‑sü bha ꞊në‑ ‑wɔn 'gü, 'yö 'a‑ pö ka ‑dhɛ ꞊dhɛ 'ka nu, kö 'ka "sënng 'ö ꞊waa‑ gbo ꞊gban bho‑ 'gü "pɛpɛdhö bha‑ 'dhɔ n ‑gɔ, kö 'ka kë ꞊naɔmɛ ꞊dede 'ka, kö 'ka sɔ "puu 'dhɔ kö 'ka ka 'kpee‑ ‑ta kpa‑ 'ka kö 'yiʋ̈‑ 'ya 'dho ka kë, kö 'ka "yan kë ꞊bɛdhɛ 'dhɔ kö 'ka‑ kë ka "yan ‑bha kö 'ka ‑dhɛ yö.

‑Dhɛkpaɔ 3:5

Mɛ 'ö dho ‑bɛang bha‑ ga 'sü, ‑yö ‑dho sɔ "puu ꞊në‑ ‑da 'pö ꞊dhɛ ‑kɔ bha‑ 'dhö, 'mii 'dho‑ 'tɔ bho Atanna ‑bha 'sëëdhɛ 'ö 'mɛ 'wo dho ‑tosɛa kë‑ "piʋ̈ ‑a ‑nu 'tɔ 'dhö‑ 'gü bha‑ 'gü. 'Ö ‑ya mü 'zü 'a dɔ n Dë Atanna waa‑ ‑bha "kië ‑nu ‑a ‑nu wëëdhö 'a‑ pö ꞊dhɛ ma mɛ ‑mü.

‑Dhɛkpaɔ 4:4

Kö ‑gbloo "wɛɛ ‑kaɔng ꞊plɛ ga ‑yiisiö 'bha ‑wo ꞊klëën ‑sü 'ka 'zü ‑a 'kpiisü bha‑ ‑zü, 'ö mɛ zizi ‑nu ‑kaɔng ꞊plɛ ga ‑yiisiö 'ö sɔ "puu 'dhö‑ ‑nu ‑bha bha 'wo ‑ya ‑sü 'ka‑ ‑ta 'dɔɔndhö, kö "sënng faan‑ ‑ya ‑nu ‑gɔ ‑bha.

‑Dhɛkpaɔ 6:11

'Yö 'wo ‑tɔyang "puu ‑da 'mɛ 'wo bha‑ ꞊gban ‑bha 'yö 'wo ‑kɔ ‑ya ‑nu zuë" ‑ta 'wo‑ pö ‑wo wo zuë" 'në 'dɛdɛ ‑da mü kö ‑wa ‑nu dheebhang ‑nu, ‑a ‑nu Atanna ‑bha yëkëyɔɔ ‑nu ‑kpɛa 'wo to ‑a ‑nu zë 'pö ꞊dhɛ‑ ‑nu 'dhö, kö‑ ‑nu "dhiʋ̈ ‑yö pa.

‑Dhɛkpaɔ 7:9

꞊Dhɛ 'ö ꞊ya kë "dhʋ̈, a ‑dho ‑dhɛ ‑ga 'zü kö mɛ kpö ‑ziisü 'ö mɛ 'bha 'yaa ꞊mɔɔ‑ dhʋng ‑sü ‑bha, 'ö go "sɛgɔ 'do 'do ꞊gban 'gü, "siya suu 'do 'do ꞊gban 'gü, mɛ suu ꞊gban "pɛpɛ 'do 'do, waa‑ ‑wʋ suu 'do 'do ꞊gban pö ‑mɛ ‑nu bha ‑wo dɔ sië ‑gbloo 'kpiisü bha waa‑ "bhlaanë bha‑ ‑nu wëëdhö, kö sɔ "puu ‑ya ‑nu ‑bha, kö "sɔɔndhɛ ‑ya ‑nu ꞊kwɛɛ‑.