‑Dhɛkpaɔ 3:2 - NAƆ ‑SË 'SËËDHƐ

² ‑Ka ‑bö kö‑ 'dhɛ 'në 'ö to ka ‑gɔ 'ö yö ‑zë 'yii "dhuu ꞊kö bha 'ka‑ ‑fɔɔ bho kö‑ ‑kpɛa 'ya 'dho "dhuu do. ‑A ‑gɛn ‑mü ꞊dhɛ ka këwɔn ‑nu bha‑ 'bha 'yaa ma Atanna ‑zʋ 'kun ‑së 'ka.

‑Dhɛkpaɔ 3:2 ပူးပေါင်းရင်းမြစ်များ

Matiö 23:5

‑Wo wo ‑bha 'wɔn ꞊gban ‑wɔn ꞊gban ‑kë kö mɛ "bhɩɩ‑ ‑nu ꞊në ‑wa ‑nu yö. Yö ꞊në‑ ‑wɔn 'gü 'yö 'wo Atanna ‑wʋ "kplükplü ‑nu ‑bɛn zë 'sëëdhɛ ‑ta, 'yö 'wo‑ ‑da wü kwi "gbɛagbɛa ‑nu 'gü, 'yö 'wo‑ ‑ya wo ‑kpong "dhiʋ̈ ‑dhɛ ‑nu waa‑ wo ‑gbe ‑bha ‑dhɛ ‑nu 'gü, 'yö‑ ‑nu ‑bha ꞊gbauu‑ ‑nu "sɛɛ 'dhö ‑kë ꞊gblɛɛngblɛɛn.

Matiö 25:13

꞊Dhɛ 'ö Yesu ‑yö "gwënng bha‑ ‑da ‑nu ‑dhɛ ꞊dhɛ ‑kɔ bha‑ 'dhö, ‑a "dhiʋ̈todhɛ bha 'yö‑ pö‑ ‑nu ‑dhɛ 'ö‑ pö: «‑Ka ‑ya ka "yaan! ‑A ‑gɛn ‑mü ꞊dhɛ yi 'a dho nu‑ 'ka "ɛɛn "tʋ̈ng 'a dho nu‑ 'ka 'kaa‑ dɔ!»

Matiö 25:7

'Yö 'nëdhiëngnë ‑nu bha 'wo ‑bö 'mɛ bha‑ ‑wʋ 'ka, 'yö 'wo woo‑ ‑dhangbha ‑nu ‑pë ‑kë, 'yö 'wo zun "kpɛnng.

Këwɔn ‑nu 18:23

꞊Dhɛ 'ö ꞊ya "tʋ̈ng 'në 'bha kë mü, 'yö dho 'yö ꞊nië Gadhatö ‑sɛ waa‑ Flizi ‑sɛ ‑nu 'gü, 'dhang ‑bho Yesu "dhiʋ̈ ‑mɛ ‑nu faan dɔ ‑sü 'ka ‑a ‑nu ‑bha ‑zʋ ‑yö Atanna ‑dhɛ ‑sü ‑bha.

1 Piɛdhö 4:7

'Wɔn ꞊gban "pɛpɛ "dhiʋ̈ 'to "tʋ̈ng ꞊ya ꞊loo ꞊gban bho. ‑Ka ‑tosɛa kë "yaaki ‑bha kö 'ka ka zuë" 'kun ka ‑bha 'wɔn ꞊gban 'gü, kë "dhʋ̈ kö ka ‑kɔ ꞊mɔɔ ‑bhɛa Atanna ‑dhɛ ‑sü ‑bha "tʋ̈ng ꞊gban 'gü.

1 Piɛdhö 5:8

‑Ka ka zuë" 'kun ka ‑bha. ‑Ka ka ‑dɩ 'kun! ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Sɔtraan 'ö ka 'yaɔ‑ 'ka bha ‑yö ꞊nië sië ka ‑züzü ‑vëvëdhö ꞊dhɛ laa 'ö ꞊gblan sië, 'ö ‑bhöpë mɔɔ‑ sië kö ‑ya ‑bhö ‑a 'dhö.

‑Dhɛkpaɔ 16:15

‑A ‑gɛn ‑mü ꞊dhɛ ‑dhɛkpaɔyi bha ꞊në Atanna ‑ya zë‑ ‑wɔn ‑dhɛ 'yö‑ pö ö ‑wʋ 'gü 'ö‑ pö: «‑Dhɛ ‑ga, n nu ‑sü ‑dho kë ꞊dhɛ ꞊kwaanmɛ nu ‑sü 'dhö (mɛ 'bha 'yii 'dho‑ "tʋ̈ng dɔ)! 'Mɛ 'ö yaa‑ ‑to "yaan ‑kë kö ‑yö zun‑ 'ka "tʋ̈ng bha‑ ‑bha Atanna ‑bha zian ‑ta, 'ö ö ‑bha ‑sɔ kun ‑së 'ö 'yaa "blë, kë "dhʋ̈ kö 'ya 'dho ziö ö 'kpee‑ 'ka 'ö 'yiʋ̈‑ ‑yö dɔ‑ ‑bha, kö‑ ‑mɛ ‑bha ‑së.»

‑Dhɛkpaɔ 2:4

"kɛɛ 'wɔn do 'bha ‑yö n ‑zʋ "piʋ̈ ka ‑bha: Yö ‑mü ꞊dhɛ ‑kɔ 'ö n ‑dhɔ gun 'ka ka kë sië‑ ‑bha kö 'ka ‑da n ꞊keng‑ ‑dee 'gü bha 'yaa‑ ‑bha 'zü.

‑Dhɛkpaɔ 3:1

'Yö go mü 'zü 'ö‑ pö n ‑dhɛ: «Zan, ‑bhö 'sëëdhɛ bha‑ do 'bha ‑bɛn zë 'zü kö 'i‑ bɔ Atanna ‑bha yëkëmɛ 'ö zun sië‑ ‑bha 'kɔdhigümɛ ‑nu 'wo Saadö ‑a ‑nu ‑dhɛ "dhiʋ̈ bha‑ ‑dhɛ kö 'i‑ pö:: «'Mɛ 'ö Atanna ‑bha 'nii‑ "saɔplɛ bha 'wo‑ ‑kɔ ‑bha waa‑ ‑a ‑bha "susëngga "saɔplɛ 'dhö bha ‑ya ‑pö: Ka këwɔn ‑nu bha‑ 'bha 'yaa n tii' 'ka. ‑A ‑naa ‑yö n "yaan ꞊dhɛ ‑yö mɛ "bhɩɩ‑ ‑nu ‑zë ‑a ‑nu 'gü ꞊dhɛ ka "yaan, "kɛɛ 'sa kö mɛ ꞊gee ꞊në ka 'ka.

‑Dhɛkpaɔ 3:3

‑A ‑kë "dhʋ̈ ‑sü bha‑ 'gü, ka ‑zʋ ‑yö ‑bö 'wɔn ‑nu 'wo ka ꞊klang ‑kë 'ka bha‑ 'ka kö ka ‑zʋ ‑yö ‑bö 'pö ‑kɔ 'ka‑ ma‑ 'ka bha‑ 'ka, kö 'ka‑ ‑ya ꞊bhlëë 'gü, kö 'ka ka ꞊taa zun 'wɔn yaa kë ‑sü ‑gɔ. "Kɛɛ 'kii ‑bö ‑zë wo kö 'ka ‑ya ka "yaan, a ‑dho nu 'a ‑kan ka 'gü ꞊dhɛ ꞊kwaanmɛ 'dhö, 'ö 'kaa n ‑nu "tʋ̈ng dɔ.