‑Dhɛkpaɔ 3:17 - NAƆ ‑SË 'SËËDHƐ

¹⁷ Ka‑ ‑pö ka ‑dɩ ‑dhɛ ꞊dhɛ ꞊naɔ ‑yö ka ‑gɔ, 'ka ꞊mɔɔ, ka ‑ma ‑wɔn 'yaa pë 'bha ‑bha 'zü, 'kaa‑ 'wɔn dɔ ꞊dhɛ ‑wëëmɛ 'ö "sɛ ya‑ 'gü ‑a ‑gɔ ‑mü ka ꞊në ka 'ka, ꞊dhɛ "flɛɛmɛ 'bha 'yaa ka ‑zë ka zian‑ 'gü, ꞊dhɛ ka ka 'kpee‑ ‑zian 'ka 'ö ka "yan ‑nu ꞊gban 'wo ꞊wlü 'ka‑ ‑ta.

‑Dhɛkpaɔ 3:17 ပူးပေါင်းရင်းမြစ်များ

‑Dhɛkpaɔ 2:9

Saan" 'ka‑ wo sië n ‑wɔn 'gü bha a‑ ‑dɔ, ka ‑bha "flɛɛdhɛ bha a‑ ‑dɔ, 'sa 'kaa "flɛɛmɛ 'ka tɛan‑ ꞊dede ‑zë 'ka! Ka ‑dhiang yaa 'ö Sɔtraan ‑bha mɛ ‑nu 'wo‑ pö wo ‑dɩ ‑dhɛ ꞊dhɛ wo ‑bɔ Atanna 'ka "kɛɛ kö 'waa bɔ‑ 'ka bha 'wo‑ zë bha‑ ꞊gban ‑yö n "yaan!

Wlɔmö 7:24

‑A ‑kë "dhʋ̈ ‑sü bha‑ 'gü, a 'wɔn yaa ‑gɔ ꞊dhuëngdhɛ 'gü ‑kpɛawo ma ‑kë mɛ "bhɩɩ‑ 'ka ‑sü ꞊në‑ ‑wɔn 'gü, "kɛɛ n zuëga ‑zë Atanna ‑bha 'tɔng‑ 'kun ‑dhɔ ‑ya ‑bha. "Eke! Mang ‑wëësü 'ö 'ma n ‑dɩ "yaan ‑ga wo ꞊tɔn ya 'dee dho n dha, 'dee dho kwi 'dhɛ 'a‑ 'gü ya‑ bho n ‑bha? "Kɛɛ ‑gasitɛ 'yaa Atanna ‑bha ‑a Gbö Yesu Klisi 'ö kwa Dëmɛ 'ka bha‑ ‑bha ga 'ö‑ wo bha‑ 'saa‑ 'gü.

Dhukö 1:53

Yö 'ö bha ꞊në din‑ 'dhö 'mɛ 'ö‑ ‑bha, 'yö‑ ‑mɛ gba ‑bhöpë ‑së ꞊dede 'ka, 'yö ꞊naɔmɛ ‑nu "piʋ̈ ‑kë, 'yö 'wo dho wo ‑kɔ 'gü "fië 'ka.

Matiö 9:12

꞊Dhɛ 'ö Yesu ꞊yaa‑ ‑nu ‑wʋ bha‑ ma, 'yö‑ pö‑ ‑nu ‑dhɛ: «'Mɛ 'ö "yua 'yaa‑ ‑nu ‑bha bha, ‑a ‑nu ‑mawɔn 'yaa zun ‑dhɔtrɔɔ ‑bha, "kɛɛ 'mɛ 'ö‑ ‑nu 'gü 'yaa ‑së bha ꞊në 'wo ‑dhɔtrɔɔ ꞊mɔɔ;

‑Dhɛkpaɔ 16:15

‑A ‑gɛn ‑mü ꞊dhɛ ‑dhɛkpaɔyi bha ꞊në Atanna ‑ya zë‑ ‑wɔn ‑dhɛ 'yö‑ pö ö ‑wʋ 'gü 'ö‑ pö: «‑Dhɛ ‑ga, n nu ‑sü ‑dho kë ꞊dhɛ ꞊kwaanmɛ nu ‑sü 'dhö (mɛ 'bha 'yii 'dho‑ "tʋ̈ng dɔ)! 'Mɛ 'ö yaa‑ ‑to "yaan ‑kë kö ‑yö zun‑ 'ka "tʋ̈ng bha‑ ‑bha Atanna ‑bha zian ‑ta, 'ö ö ‑bha ‑sɔ kun ‑së 'ö 'yaa "blë, kë "dhʋ̈ kö 'ya 'dho ziö ö 'kpee‑ 'ka 'ö 'yiʋ̈‑ ‑yö dɔ‑ ‑bha, kö‑ ‑mɛ ‑bha ‑së.»

Wlɔmö 12:3

‑Gasitɛ 'ö Atanna ‑ya ‑kë n ‑dhɛ bha‑ ‑wɔn 'gü, a‑ ‑pö ka ‑dhɛ ꞊dhɛ 'ka ‑kɔ 'ö‑ ‑bha 'do 'do, mɛ 'bha 'ka 'dho ka ‑dɩ 'sü 'kpii‑ kö 'ka ka ‑dɩ 'sü 'pë 'ö 'kaa‑ 'ka ‑a 'ka, "kɛɛ 'ka ‑kɔ 'ö ‑bha ꞊në ‑ka ka ‑zʋ 'gɔn‑ ‑naa ‑bha, kö 'mɛ 'ö "dhʋ̈ ‑a ‑bha ‑zʋ ‑yö Atanna ‑dhɛ ‑naa 'ö‑ nu‑ ‑dhɛ bha ꞊në ‑yö "ta 'sü‑ ‑naa ‑bha.

2 Piɛdhö 1:9

"Kɛɛ ꞊sɔng 'dhɛ 'kö bha 'yaa 'mɛ 'kö‑ ‑bha, kö‑ ‑mɛ ꞊tɛni ꞊dhɛ "yangütiimɛ 'dhö, kö 'yaa ‑dhɛ yö ꞊gblɛɛn, kö‑ ‑zʋ ꞊ya bhɔ 'pö ꞊dhɛ 'wɔn yaa ‑nu 'ö‑ ‑kë ‑blɛɛsü bha ꞊ya 'go‑ ‑bha 'nu, ꞊ya kë "slʋ̈ʋ̈slʋ̈.

Matiö 5:3

«'Mɛ 'wo‑ 'wɔn dɔ wo zuë" "piʋ̈ ꞊dhɛ 'waa pë 'bha 'ka Atanna wëëdhö bha‑ ‑nu ‑bha ‑së; ‑a ‑gɛn ‑mü ꞊dhɛ ‑a ‑bha ‑gblüdëdhɛ bha ‑ya wo ꞊në‑ ‑nu ‑bha 'ka.

Dhukö 6:24

"Kɛɛ 'mɛ 'kö ka ‑zë 'ka ꞊naɔmɛ ‑nu 'ka "tʋ̈ng ya‑ 'gü bha ka ‑bha ‑yö ‑wëësü; ‑a ‑gɛn ‑mü ꞊dhɛ ka ‑bha ꞊në 'ka‑ kë sië bha ("kɛɛ dhia" ‑zë 'yaa ka ‑bha ‑së!)

Wlɔmö 11:25

N dheebhang ‑nu, tɛanwɔn do 'bha 'ö gun ‑bin ‑sü 'ka ꞊në maa‑ pö ka ‑dhɛ bha kö 'ka 'dho ka ‑dɩ 'sü 'wɔndɔmɛ 'ka. Yö ‑mü ꞊dhɛ ‑yö "dhʋ̈ tɛan‑ 'ka ꞊dhɛ Izraɛdhö ‑mɛ ‑nu bha‑ ‑nu ‑kɔ "pɛan 'bha ‑yö kë ‑sü 'ka ꞊dhɛ 'mɛ ꞊wa gɔɔgbɩɩdhɛ kë Atanna ‑wʋ ‑ta ‑a 'dhö, "kɛɛ 'wii 'dho 'to "dhʋ̈ "sɛ 'tuʋ̈‑ 'ka. "Kɛɛ ‑wo ‑dho 'to "dhʋ̈ ꞊kö 'ö dho 'ö zun‑ 'ka yi 'ö 'mɛ 'waa Zuifö 'ka 'ö 'wo dho bɔ Atanna 'ka bha ‑a ‑nu "dhiʋ̈ pa ‑yi ‑bha. Yö ꞊në ꞊ya bo kë ‑sü 'ka ꞊dhɛ ‑kɔ bha‑ 'dhö,

Wlɔmö 11:20

'Ka‑ pö "dhʋ̈ kö tɛan‑ ‑yö ka "piʋ̈, 'dhang ‑bho Yesu "dhiʋ̈ ‑sü 'ö 'yii kë‑ ‑nu ‑gɔ 'yö 'wo‑ ‑nu ‑kan ‑a ‑nu ‑dhü ‑bha, 'yö ka 'kö ka ‑zë 'ka 'dhang bho‑ "dhiʋ̈ bha, 'wo ka ‑gban ‑a "gblʋʋ 'gü bha, "kɛɛ 'ka 'dho ka ‑dɩ 'sü 'kpii‑ ‑a ‑wɔn 'gü, "suʋ̈ ‑zian ꞊në ‑yö kë ka 'gü.